الموضوع: بفكر فى الاليزيه

المشاركة الأصلية كتبت بواسطة mustafafafafa

السلام عليكم :)
كنت عايز اسأل عن الاليزيه
هل العربية فيها مشاكل ؟؟
و ايه سبب ان انتشارها مش كبير زى البيجو 301
و الحجز بيطول 3 شهور ولا هستلم على طول ؟؟
و قطع الغيار غالية اوى ولا فى المعقول
انا نفسى فيها بس خايف من قلة انتشارها !! و كمان سعر اعادة بيع السيتروين فى الضياع

بص يا باشا ..

زي اي عربية فيها مشاكل ... واللى بالنسبة ليا مشاكل ممكن بالنسبة ليك مش مشكلة .. الفكرة انت بتقارن بايه او ايه اللى انت متوقعة

كمشاكل فى العربية نفسها ... حصلت فى الاول مشاكل في اول دفعة والتوكيل حلها بعد خناق معاه .. ولحد الان مفيش مشاكل كبيرة من العربية (خلي بالك العربية لسه فى ايامها الاولى - فلسه مظهرتش مشاكل بعد فترة من الاستخدام واقصى حد مشي بالعربية عمل لحد الان 20 الف كيلو)

انتشارها مش زي البيجو دي طبيعة السوق فى مصر واتجاهات الناس ومعتقداتهم عن التوكيل .. زي (كل الناس بتشتكي من عز العرب - سيتروين ملهاش سوق زي البيجو وخلافه

الحجز مش بتستنى كتير ... اعتقد اخرك هتستنى اسبوعين مثلا

قطع الغيار برضه محدش جرب وشاف الاسعار .. لكن عز العرب عامل قائمة باسعار قطع الغيار .. كلها رخيصة نسبيا خصوصا انها سيتروين .. لكن الواقع الفعلي للاسعار لسه محدش دخل فى تجربة قطع غيار من التوكيل

سعر اعادة البيع ده بقه مختلف .. ويختلف من وقت للتاني .. كل العربيات كده ... لسه فى واحد فى بيجو كان شاري 301 وباعها بعد معاناه (مع ان العربية مشيت 90 كيلو فقط)

ده موضوع نسبي .. طبعا بيعها مش زي الكيا او الهيونداي او البي ام دبليو .. لكن برضه هي مش ضايعة خالص

استخير وربنا يوفقك للي فيه الخير

شكراً لرد حضرتك و ربنا يقدم اللى فيه الخير ان شاء الله
بس هيا ايه المشاكل اللى كانت ظهرت فى الأول و اتحلت ؟؟

كانت مشكلة فى السوفت وير بتاع العربية ..

لما الناس كانت بتشغل التكييف كانت بتحصل رجرجة وكركرة جامدة بسبب ان البنزين اللى واصل للموتور مش كافي .. واللى مسئول عن القصة دي هو السوفت وير .. فلما عملوا تحديث للبرنامج ده اتحلت وبقت تمام

دي المشكلة العامة اللى حصلت مع ناس كتير .. لكن في مشاكل فردية حصلت مع ناس تانية واتحلت عادي جدا

نصيحة .. حاول تجرب العربية الاول قبل ما تشتريها علشان متحسش انك مضايق منها بعد كده

انا فعلا سمعت عن مشكلة التكيف لكن هل في مشاكل تانية و اية اخبار الثبات بتاعها خصوصا في المنحنيات القوية

بص للامانة يعني ز. انا دلوقتى بقولك اخلع منها

انا العربية عاملة 16 الف كيلو وبسمع فيها اصوات غريبة !! شوف الموضوع ده انا حكيت فيه كل حاجة

http://www.nilemotors.net/Nile/414926-a.html

ان بس مستنى اروح التوكيل واشوف .. وغالبا بنسبة كبيرة هبيعها بعد ما اطمن الاول ايه الموضوع وانه اتصلح

انا من النوع اللى بيقفل من العربية لما تعمل حاجة زي كده وهي لسه جديدة كده !!

وفي الاخر براحتك

المشاركة الأصلية كتبت بواسطة الجنرال

بص للامانة يعني ز. انا دلوقتى بقولك اخلع منها

انا العربية عاملة 16 الف كيلو وبسمع فيها اصوات غريبة !! شوف الموضوع ده انا حكيت فيه كل حاجة

http://www.nilemotors.net/nile/414926-a.html

ان بس مستنى اروح التوكيل واشوف .. وغالبا بنسبة كبيرة هبيعها بعد ما اطمن الاول ايه الموضوع وانه اتصلح

انا من النوع اللى بيقفل من العربية لما تعمل حاجة زي كده وهي لسه جديدة كده !!

وفي الاخر براحتك

انا مش عارف اقولك ايه انا حزين جدا لمشكلة حضرتك , يا رب ان شاء الله تكون حاجة بسيطة و التوكيل يحلها .
انا العربية معايا زى الفل الحمد لله من غير اى مشاكل , عامل بيها دلوقتى 10000 كم و ظروف استخدام قاسية للغاية و طرق مكسرة و قرص على الموتور باستمرار . و مفيش اى مشكلة بالعكس سحبها اتحسن و استهلاك البنزبن قل .

رحت التوكيل النهاردة ... ممكن تراجع الموضوع وتشوف اللى حصل النهاردة

العربية غير اعتمادية بالمرة ومش هتعمر معايا

انا هرجع للكوري بصراحة

المشاركة الأصلية كتبت بواسطة الجنرال

رحت التوكيل النهاردة ... ممكن تراجع الموضوع وتشوف اللى حصل النهاردة

العربية غير اعتمادية بالمرة ومش هتعمر معايا

انا هرجع للكوري بصراحة

ربنا يوفقك للاحسن ان شاء الله
و تمر باقل الخسائر