القول الفصل في تأمين كيا سيراتو 2014 ضد السرقة

**ramyscoope** · 15-03-2014 04:07 PM

السلام عليكم و رحمة الله و بركاته..
باختصار يا جماعة انا مقرر ان شاء الله اشتري كيا سيراتو 2014 هاي لاين..و رحت شفتها..و عجبتني..و كله تمام..
صحيت النهاردة الصبح لأقرأ خبر عن سرقة كيا سيراتو 2014 من منظقة سكني..
لا حول ولا قوة الا بالله..هي مشاكل تأمين العربية انتهت وللا لسة؟؟ هما مش قالوا اتحلت و خلص الموضوع؟؟
اتمنى من حد من اخواننا الخبراء في السيراتو يوضحلنا..
ايه الموديلات اللي فيها ايموبيلايزر و ايه الموديلات اللي مفيهاش..و كل فئة طبعا..و ياريت لو خليجي و وكيل..
و هل موضوع الايموبيلايزر بيتم التغلب عليه وللا لأ..و ازاي..و ايه الحل..و ليه العربيات لسة بتتسرق..
و بعدين سؤال..اشمعنى السيراتو هي اللي بتتسرق دونا عن عربيات كيا الأقل و الأعلى؟!
ربنا يحفظنا جميعا و يقينا شر السرقات بكل انواعها..
و شكرا مقدما

**Islam Zaki** · 15-03-2014 04:17 PM

انا معايا فئة sx فيها ايمبولايزر و اعتقد ان المشكلة اتحلت وزيادة في الامان اشتري قفل الدركسيون والفرامل ولو تعرف تسبها في جراج هيبقي افضل كتير و في الاخر كل حاجة نصيب ربنا يستر علينا كلنا

**Dr_Moustafa** · 15-03-2014 04:29 PM

جميع فئات السيراتو 2014 - الوكيل - بها ايموبيليزر

**ramyscoope** · 15-03-2014 06:10 PM

المشاركة الأصلية كتبت بواسطة dr_moustafa

جميع فئات السيراتو 2014 - الوكيل - بها ايموبيليزر

الكلام ده اكيد؟؟ يعني من اول فئة؟؟؟؟
لو كدة الواحد يستحمل فرق السعر و شوية الفروق اللي بينه و بين الخليجي و يجيب وكيل..
ولو ان الواحد والله محتاج حد يوضحله بالضبط بالتفاصيل يعني الفرق بين الخليجي و الوكيل في كل فئة..

**Mohamed_Ayman** · 15-03-2014 06:40 PM

يا باشا من صفحة كيا إيجيبت ، كل الفئات فيها امبوليزر. وده اللينك:

Kia Cerato | Kia Motors Egypt Official Website

الخليجى الله أعلم

**ramyscoope** · 15-03-2014 08:48 PM

المشاركة الأصلية كتبت بواسطة Mohamed_Ayman

يا باشا من صفحة كيا إيجيبت ، كل الفئات فيها امبوليزر. وده اللينك:

Kia Cerato | Kia Motors Egypt Official Website

الخليجى الله أعلم

اه صحيح..تصدق انا فتحت الspecs بتاعت العربية مليون مرة و ماخدتش بالي!!؟؟
اشكرك على التوضيح :)
غالبا الواحد هايتوكل على الله و يجيبها ضمان وكيل ان شاء الله..
موضوع السرقة ده اصله سوأ سمعة وكلاء ابرزهم EIT في السيراتو القديم و غبور في الالانترا..عشان كانوا اكتر عربيتين بيتسرقوا..
ربنا يحفظنا جميعا و يبعد عنا الكلام ده..

**prooo** · 15-03-2014 09:38 PM

ياتجيبها وكيل ياتعمل حوار البصمه والكارت المشفر اللي انا عملته في الريو عندي طبعا بالاضافه لقفل الدريكسيون مع الفرامل ..... والحرامي لما بيلاقي القفل بيبعد عشان هتاخد منه وقت

**ramyscoope** · 15-03-2014 10:11 PM

طيب سؤال..لو انا جبتها خليجي و عملت موضوع البصمة و القصة دي..ممكن ادخلها ضمان تريبل ايه عادي؟؟؟ وللا ساعتها هايرفضوا يضمنوها على اساس ان هايبقى ملعوب في الضفيرة؟؟؟
معلش انا عارف ان اسألتي كتير..بس القرار اصله صعب شوية ما لم تكن مطمئن..

**prooo** · 15-03-2014 11:44 PM

المشاركة الأصلية كتبت بواسطة ramyscoope

طيب سؤال..لو انا جبتها خليجي و عملت موضوع البصمة و القصة دي..ممكن ادخلها ضمان تريبل ايه عادي؟؟؟ وللا ساعتها هايرفضوا يضمنوها على اساس ان هايبقى ملعوب في الضفيرة؟؟؟
معلش انا عارف ان اسألتي كتير..بس القرار اصله صعب شوية ما لم تكن مطمئن..

دخلها ضمان عادي وبعدين اعمل حوار البصمه ..... واصلا لو انت مجبتش سيرة محدش هيعرف وكمان الضمان بتشتريه قبل مترخص ....... وفي حل تاني انك تدور على خليجي فيها ايموبلايزر ..... هتلاقيها موجوده بس هتدور شويتين