شارك 2014 ولا سيراتو 2014

**mzaki** · 15-03-2014 10:02 PM

السلام عليكم

محتاج خبراتكم فى الاختيار ، انا شوفت الشارك 2014 الفئة الثالثة و العربية عجبانى بس عندى الملاحظات التالية:
- الفتيس الاوتوماتيك مش ستبترونيك ، هل دا فتيس تكنولوجى اقدم و لا مش فارقة ؟
- سامع ان العزل مش كويس و صوت الموتور عالى
- صديق بيقول ان الماتور شكلة مش منظم و الارض باينة من الحوض!! ( انا مشفتش بنفسى الصراحة)
- مفيش اوبشن زى الطارة الملتى غير فى الهاى لين و مفيش باركينج سنسورز مفيش بلوتوث
- الشكل قديم بقالة اكتر من سنة

فى المقابل الكيا سيراتو شكل جديد و ابشن معقولة و ماتور هادى

انا حاليا معايا النترا 2008

شكرا لافادتى بخبراتكم :)

**simon659** · 16-03-2014 02:43 AM

المقارنه شدتني جدا وانا في البيدج الاساسي
بصراحه انا هقعد اتكلم كتير عن الكيا وانها عربيه ممتازه وعن تجربه ونعمه زي الحرير وافضر من سيارات كتير في الفئه دي ونفسيا ارتحت فيها عن التيوتا الجديده كمان بلا منازع وعن تجربه الاتنين
بس انا لغايه النهردا لما بشوف الشارك حتي لو الفئه الاوله اوتو بقف قدمها وبقول يسلام جميله بصراحه السواقه معاها طعم تاني غير اي عربيه هي وعربيه تانيه الاخت الاكبر للشارك الي هي السوبارو الامبريزا قياده مختلفه من كل النواحي من حيث القوه والثبات والانفعاليه معاك وانت سايق بتحس ان انت وهي حاجه واحده الي للاسف مش باشوفها في مقارنات كتير هنا في المنتدي
صدقني يا استاز هنعيش علي اد ما هنيش وحاجات كتير متجاهلنها وهي قدام عنينا

**S O P H O S** · 22-03-2014 02:46 PM

شارك كعربية بفضلها
لكن الكيا الجديدة لو فئة عليا بتبقي تحفه

**J A G U A R** · 22-03-2014 02:54 PM

العربيتين ما شاء الله كويسين وشوف ايه يناسبك اكتر

**S O P H O S** · 22-03-2014 03:04 PM

المشاركة الأصلية كتبت بواسطة mzaki

الف شكر على ردودكم :)

الحمد لله ربنا وفقنى للسيراتو sx

ان شاء الله مش هتندم
ومبرووك يا باشا

**J A G U A R** · 22-03-2014 03:58 PM

المشاركة الأصلية كتبت بواسطة mzaki

الف شكر على ردودكم :)

الحمد لله ربنا وفقنى للسيراتو sx

اختيار موفق ان شاء الله

**ahmzd** · 29-03-2014 05:32 PM

أولا : أحييك على الإنجاز ( فقط 6 أيام بين بداية الحيرة بالاستشارة وانتهائها باتخاذ قرار الشراء ) .
ثانيا : ربنا يبارك لك في سيارتك ، ويعطيك خيرها ويكفيك شرها ، ويعينك على استخدامها في طاعته سبحانه وتعالى .
ثالثا : أرجو أن تكتب لنا عن تجريتك معها أولا بأول بإذن الله تعالى .
رابعا : عايز .. لفة !!
خامسا : سلااااااااااااااااام .

**mzaki** · 15-04-2014 01:24 PM

المشاركة الأصلية كتبت بواسطة ahmzd

أولا : أحييك على الإنجاز ( فقط 6 أيام بين بداية الحيرة بالاستشارة وانتهائها باتخاذ قرار الشراء ) .
ثانيا : ربنا يبارك لك في سيارتك ، ويعطيك خيرها ويكفيك شرها ، ويعينك على استخدامها في طاعته سبحانه وتعالى .
ثالثا : أرجو أن تكتب لنا عن تجريتك معها أولا بأول بإذن الله تعالى .
رابعا : عايز .. لفة !!
خامسا : سلااااااااااااااااام .

اللهم آمين ، ربنا يباركلك و شكرا على الدعاء الجميل :)

هاهاها تعالى اتفضل خد لفة برحتك .. تنور طبعا :)

العربية ما شاء الله جميلة ، الناس بس مخوفانى من الجنوط ال 17 و دا مخلينى موسوس من المطبات و الحفر ، بس العربية واسعة و تسارعها كويس و الخامات الداخلية جيدة الحمد لله