رابطة مالكي الكريستالة..لانسر 1996 - 2000

**Bonanza** · 14-09-2011 02:50 PM

انا بردو دلوقتي عندي مشكلة قديمة جديدة
اللي هي صوت التزييق اللي مع دوسة الدبرياج
الصوت زاد عندي جامد اليومين دول
ربنا يستر

**M.Elgergawy** · 14-09-2011 03:52 PM

انا بردوا يا اسامة الصوت عندي علي اوي وكمان حاسس ان الدبرياج ناشف شوية دا معناه ايه؟؟؟؟؟

**Ahmedmem** · 14-09-2011 04:07 PM

المشاركة الأصلية كتبت بواسطة prisoner

ايوة عندك حق انا عندى وحدات رفع تحت الكنترول فى الباب اللى اتشطف زى الباقيين وربنا يستر مش عارف كده الزراير ودعت والا ايه النظام انا مش عارف ايه الاضرار لغاية دلوقتى وبصراحة انا جاتللى قرفة من العربية وكتر خيرك على الاضافة

لا شكر علي واجب بس انصحك الأول بعد ما تشحن البطاريه علطول تروح لواحد كويس بتاع ازاز كهربا هو اللي هيفيدك في موضوع الزراير دي وكمان ممكن يصلحهم هو امل ضعيف بس ممكن وان شاء الله تعدي علي خير

**momo44** · 14-09-2011 04:11 PM

المشاركة الأصلية كتبت بواسطة prisoner

انا بقى ظهرت معايا مشكلة غربية وهى ان الواد ابن البواب كان بيغسل العربية من جوة بالصابون والمياه طبعا حصل وحذرته علشان الزراير والكنترول بتاع الكهرباء اللى فى الباب وطبعا مشيت عادى ومجربتش لانى كنت مشغل التكييف بس وانا ماشى اسمع صوت تكتكة جوة العربية ومش عارف جاية منين طنشت وقولت حاجة فى الشنطة وركنت العربية وجاى اطلع انهاردة الصبح الريموت مرضيش يفتح العربية قولت عادى افتح بالمفتاح اكيد الحجارة خلصت جيت ادور ملقيتش غير نور ضعيف جدا جدا يكاد لا يرى اصلا حاولت اشوف فيه ايه لقيت البطارية نايمة خالص ولقيت صوت تكتكة جاى من الباب الكنترول بتاع السواق طبعا كنت على الصبح مقفل على الاخر قفلتها ورحت الشغل بتاكسى وربنا يستر من اللى مخبياه

انا كان حصل معايا حاجة شبه كده بس فى السنتر
وفعلا لقيت كتاوت السنتر مملحة من المياه
وغيرتها
اشتغلت بدون مشاكل الحمد لله

ان شاء الله تكون حاجة بسيطة
وحاول تطلع حاجة لله
عشان كده انت واخد عين جامدة اوىىىىىىىى وفى حاجة غلط

**ahmed_120s** · 15-09-2011 10:35 PM

مساء الفل علي الكريستالاويه ليا سؤال غريب حبتين عاوز اغير زيت اغير ايه ؟ نوع الزيت الكويس ايه ؟ و بيتحط في العربية كم كيلو بفلتر و من غير ؟؟

اصل بغير عند واحد صاحبي في المحل بتاعة و بغير موبيل hxp و قالوا ان ده زيوت ما بعد 2004 قلت اسالكوا

و شكرا

**momo44** · 15-09-2011 11:14 PM

المشاركة الأصلية كتبت بواسطة ahmed_120s

مساء الفل علي الكريستالاويه ليا سؤال غريب حبتين عاوز اغير زيت اغير ايه ؟ نوع الزيت الكويس ايه ؟ و بيتحط في العربية كم كيلو بفلتر و من غير ؟؟

اصل بغير عند واحد صاحبي في المحل بتاعة و بغير موبيل hxp و قالوا ان ده زيوت ما بعد 2004 قلت اسالكوا

و شكرا

شل سوبر الاصفر
العربية بتاخد حوالى 3 الا ربع من غير الفلتر
وبالفلتر حوالى 3 كيلو

**ahmed_120s** · 16-09-2011 01:11 PM

المشاركة الأصلية كتبت بواسطة momo44

شل سوبر الاصفر
العربية بتاخد حوالى 3 الا ربع من غير الفلتر
وبالفلتر حوالى 3 كيلو

الف شكر يا ريس .. بس انا كنت بغير 2 كيلو و نص من غير فلتر عادي ولا في غلط \؟؟

**Bonanza** · 16-09-2011 06:23 PM

انا دلوقتي عند الميكانيكي
و عندي بشرى سارة مخصوص لجرجاوي

و عندي افتكاسة عملتها لما ارجع هاحكيهالكو و بالصور

**Bonanza** · 16-09-2011 09:35 PM

ازيكم يا رجالة

نخش في الموضوع علي طول

فاكرين انا كنت بشتكي انا و جرجاوي من تزييق جامد لما بدوس علي دواسة الدبرياج
و قولنا ان دي حاجة في الفتيس جوة الكبوت و كان حلها ان الفتيس يتفك

اتكلت علي الله و روحت للميكانيكي و سمعتة الصوت

قالي هاتلي ازازة WD40 و نجرب لو مانفعش يبقي لازم نحل الفتيس
جبتلة الازازة و فتح الحتة اللي حواليها الداية الحمراء دي

و دخل الشفاطة بتاعة الازازة جوة و قعد يرش
و قالي كارك
فضلت اكارك و فضل الصوت موجود زي ما هو
و فجأة
راح الصوت خالص
قعدت اكارك و انا طبعا حاسس انه هايزيق تاني
لكن ولا الهوا مفيش اي صوت خالص
و الدواسة بقت انعم شوية

بس كده
زبط بقي يا جرجاوي
ممكن تعملها بنفسك سهلة جدا
تشيل الكاوتشة و ترش و خلاص كده
ووفر 200 جنيه علي الاقل

**Bonanza** · 16-09-2011 10:04 PM

الافتكاسة بقي

كان في موضوع هنا في منتدي الكيا عن طريقة تخلي الشنطة تترفع لفوق لوحدها اول ما تفتحها
الموضوع كان معمول بالشداد الاستك ده اللي في اخرة من الناحيتين شنكل
المهم جربتة و اتقطع مني بعد اول قفلة للشنطة مع اني كنت حاطط اتنين شداد مش واحد بس

الحقيقة ان الشنطة بقت تقيلة اوي بعد ما ركبت السبويلر

المهم
انا من مدمني سوق الجمعة
كنت هناك النهاردة
لقيت واحد بيبيع سوست
اللي هي دي

طبعا لازم طول السوستتين يبقي قريب من بعضة شوية

السوستة الواحدة بـ 6 جنيه فاصلت معاه طبعا و اخدت الاتنين بـ 6 جنيه

و قومت مركبهم هنا

و طبعا زيها في الناحية التانية

و نفتح الشنطة من جوة العربية
نلاقي الشنطة اترفعت لوحدها

طبعا انا مش عاملها بس عشان الشنطة تترفع لوحدها
لكن كمان لما بدخل مول او حاجة و حد يفتش الشنطة و يجي يقفلها
بيرزعوها حتة رزعة
و طبعا عشان تقل السبويلر كمان فا بتترزع جامد جدا

كنت سألت علي السوست بتاعة رفع الشنطة دي قبل كده في الحرفيين و لقيتها غالية غلو مبالغ فيه افتكر حد قالي 80 جنيه

انجوي يا شباب

الموضوع: رابطة مالكي الكريستالة..لانسر 1996 - 2000

LinkBack

أدوات الموضوع

عرض

-

-

-

-

-

المواضيع المتشابهه

رابطة مالكي البطة - لانسر 1992 : 1995

رابطة مالكي الشارك- لانسر 2008 : 2012

رابطة مالكي المكواة...لانسر 2001-2002-2003

كتالوج لانسر 1996-2000

للبيع لانسر موديل 1996 شكل الكريستالة اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة