الموضوع: تجربتي مع طقم شنبر بولو 1000cc

البولو عندي كانت بتنزل زيت بشكل مرعب، رحت بيها لرضا في الحرفيين (جنب رشاد الكهربائي) فتح الكبوت و قاللي هانغير الموتور
كلمت واحد صاحبي عنده بولو قاللي انا بتعامل مع ميكانيكي تمام في الهرم، اسمه خالد ، أول ما بص على الموتور قاللي المكنه دي 1600 مش 1000،، قاللي العربيه هتعوز طقم شنبر، توكلت على الله و بدأت العمليه يوم الاحد اللي فات،
دي صورة طقم الشنبر:




سيبتله العربيه و غير طقم شنبر و سير كاتينه و wلح طرنبة الزيت (كانت مشروخه و هي اللي بتجيب زيت) و جوان، و رجع قاللي المكنه طلعت 1000CC ، استلمت منه العربيه إمبارح (الجمعه) و تمام التمام و دلوقتي بتلين
ملاحظات عن السياره:
1- الخامس مبيجيش، الميكانيكي قاللي نغير الفتيس أحسن ما نعمله صيانه
2- السحب تمام و العزم تمام بعد الصيانه، و الصوت ناعم جداً، الشكمان بينزل ميه كأن في خرطوم جوه
3- النهارده ببص تحت العربيه لقيت مياه من تحت الموتور، كلمت الميكانيكي قاللي هنشوف و انا بقرط على المكنه بعد أسبوع
4- التكلفه = 1750 جنيه (طقم شنبر - سير كاتينه - جوان) (مع العلم ان هو اللي اشترى قطع الغيار)

ملاحظات على الميكانيكيه:
1- رضا اللي في الحرفيين مابكشفش بإهتمام (رغم اني استنيه ساعه و نص لحد ما فضي)
2- خالد بتاع الجيزه إنطباعي انه راجل أمين و محترم و فاهم شغله ( هو شغال في توكيل تويوتا على فكره)

دي صور الميكانيكي و هو بيعمل الصيانه






هو مكانه في شارع خاتم المرسلين تحت كوبري ترسا، لو حد عايز تليفونه يقول و انا ابعتهولو
هتابع معاكم الأداء بعد التليين

المشاركة الأصلية كتبت بواسطة ehab_mansour

التكلفة كويسة جدا و مناسبه و التكلفة اللي بيتكلم عليها الاخ فوق دي لعربيات كوري لكن الالماني بيختلف تماما في سعر قطع الغيار و المصنعية

بخصوص الخامس اللي مش بييجي ده عيب ضبط لعصاية الفتيس ... فقط هيفك العقربة اللي بين العصاية من تحت و اكس الفتيس و يظبطها يمين و شمال و قدام و للخلف لحد ما تجيب كل الغيارات بدون مشاكل

و بالتوفيق لك و للجميع

ما احنا كان معانا ابيزا وفوكس واوكتافيا وبولو وباسات ولا دول كورى