اكصدامات النيو صنى

**ibrahimsaad** · 16-03-2014 08:47 AM

انا الحمد لله العربيه معايا ممتازه جدا فى كل شئ وراضى عنها بنسبه 90 % ولكن طبعا الحلو مش بيكمل اخدت شويه خرابيش وخبطه فى الشنطه من ورا والاكصدام وانا واقف ومدى انتظار كمان من واحد اقل مايقال عنه انه حمار وطبعا ضيع فرحتى بالزيرو لان الخبطه ضغطت على الاكصدام والشنطه من ورا وتم استعدالها

انا وعدت قبل كده ان اى عيب فى العربيه سوف اذكره من باب الامانه

وهذا هو اول عيب الاقيه

انا عارف قبل مااجيب العربيه ان صاجها ضعيف وشاريها على كده لانى صليت الاستخاره وعارف ان نيسان بتركز اكثر شئ على حمايه المقصوره الداخليه والركاب اكثر من جسم السياره الخارجى ولكن

لان احنا فى مصر معرضين لكل شئ فانا لاحظت عدم وجود اكصدامات حديد ورا الاكصدام الفيبر زى ماكان عندى مثلا فى العربيه القديمه

مش عارف بقى هل كل الجديد كده ولا نيو صنى بس ياريت حد يفيدنا

طبعا انا لاقيت ورا الاكصدام الفيبر حته فوم علشان تمتص الصدمات لكن ومع ذلك الصدمه سمعت فى الشنطه وهذا يؤكد ان صاج النيو صنى فعلا ضعيف

فهل لو كان فيه اكصدام حديد كان هيكون افضل ولا كده افضل مش عارف وهل ممكن يكون له تاثير على اى خبطه بعد كده ؟

لكن بصراحه انا غير راضى عن النقطه دى ومقلقانى جدا لان معرض لاى خبطه تانى وخصوصا ان مصر ملينه حمير راكبه سيارات مع كامل احترامى طبعا للناس المحترمين الملتزمين بقواعد واصول القياده لكن هذا لايمنع ان فيه ناس مستهتره ومتهوره ولاتفهم اى شئ فى اصول القياده ودول الخوف منهم

حبيت اطرح هذا الموضوع للنقاش وخصوصا انى لقيت القسم شبه نايم

**David Micheal** · 16-03-2014 09:12 AM

انا فعلان كنت في توكيل دايموند بتاع متسوبيشي و كان بيصلح عربيات اباظة
وكان في نيوصني مخبوطة من ورا ولما فكوا الاكصدام كلنا اتفاجنا انه فعلان مافهاش غير حته فوم او الفل الابيض ده من ورا و خلاص علي كده بعد كده علي كول الصاج بتاع الشنطه
فابجد حرام يعني العربيه كلها زي الفل مش قادرين يحطلها شاسيه من ورا حته بعرض العربيه مش هاتاثر اوي يعني في وزنها
الصراحه ربنا يكون معاك و في عونك و ربنا يعوضك علي الخبطه

**Ah.Farid** · 16-03-2014 01:37 PM

طيب يا جماعة لازم نبحث عن حل لموضوع الاكصدام بمعرفتنا

علشان نحافظ على خبطات متوقعة يعنى ممكن نصمم دعامة تتركب خلف الفيبر ولا كدة يبقى فية مشكلة ,,,,اية رأيكوا؟

**ibrahimsaad** · 16-03-2014 04:44 PM

المشاركة الأصلية كتبت بواسطة ah.farid

طيب يا جماعة لازم نبحث عن حل لموضوع الاكصدام بمعرفتنا

علشان نحافظ على خبطات متوقعة يعنى ممكن نصمم دعامة تتركب خلف الفيبر ولا كدة يبقى فية مشكلة ,,,,اية رأيكوا؟

ياريت الاعضاء تتفاعل فعلا ونشوف حل للموضوع ده لو ينفع فعلا لانى وانا ماشى ببقى خايف من اللى ورايا يخبط فيا وكل شويه ابص فى المرايا من اللى شفته

**Ah.Farid** · 16-03-2014 05:18 PM

المشاركة الأصلية كتبت بواسطة ibrahimsaad

ياريت الاعضاء تتفاعل فعلا ونشوف حل للموضوع ده لو ينفع فعلا لانى وانا ماشى ببقى خايف من اللى ورايا يخبط فيا وكل شويه ابص فى المرايا من اللى شفته

ربنا يستر انا عارف الاحساس دة بيخلى الانسان مش ماشى على راحتة بس فعلا انشاء الله نلاقى حل يكون عملى نعالج بية المشكلة دة ,,,,وانا كنت مبسوط من الدعامة اللى راكبة خلف الشبكة امام الردياتير وقلت دة حاجة كويسة طلع محتاجين واحدة زيها ورا عند الشنطة كمان .....هاهاهاهاه

**Ah.Farid** · 17-03-2014 03:12 PM

فكرة طارئة
طيب لو عاوز اركب ديفندر خلفى ستانلس
هيتعلق ازاى وهيبقى شكلة ايه ؟

او اركب قاطرة

**ibrahimsaad** · 18-03-2014 10:33 AM

المشاركة الأصلية كتبت بواسطة ah.farid

فكرة طارئة
طيب لو عاوز اركب ديفندر خلفى ستانلس
هيتعلق ازاى وهيبقى شكلة ايه ؟

او اركب قاطرة

اعتقد مش هينفع وهيبقى شكله وحش

**Ah.Farid** · 18-03-2014 10:51 AM

المشاركة الأصلية كتبت بواسطة ibrahimsaad

اعتقد مش هينفع وهيبقى شكله وحش

انا عارف انة هيبقى شكلة وحش جدا ,,,,بس بفكر فى حل بديل طيب
استاذ ابراهيم يا ترى الاكصدام الفيبر مربوط على اية بالظبط ؟ هل مربط ع الصاج لطش ولا مربوط على سلاح الشاسية ياريت اللى فك اكصدام قبل كدة يقولنا ؟ او لو حد شاف صورة للصاج من تحت الفيبر ينزلهالنا

**ibrahimsaad** · 18-03-2014 11:15 AM

المشاركة الأصلية كتبت بواسطة Ah.Farid

انا عارف انة هيبقى شكلة وحش جدا ,,,,بس بفكر فى حل بديل طيب
استاذ ابراهيم يا ترى الاكصدام الفيبر مربوط على اية بالظبط ؟ هل مربط ع الصاج لطش ولا مربوط على سلاح الشاسية ياريت اللى فك اكصدام قبل كدة يقولنا ؟ او لو حد شاف صورة للصاج من تحت الفيبر ينزلهالنا

هو انا مافكتش الاكصدام لان السمكرى قال لى هنحاول نعدل الاول بدون مانفك لو ماعرفناش هنفكه

هو الاكصدام شابك من فوق فى الجزء بتاع الشنطه مباشره اللى متركب فيه قفل الشنطه واللى ماسك من تحت فى شاسيه العربيه

هو طبعا كان مفروض يبقى فيه دعامه حديد ورا الاكصدام يتربط فيه لكن هو مربوط مباشره فى شاسيه العربيه من خلال الجزء اللى طالع لاعلى من ورا

وموجود حته فوم بين الاكصدام وبين الجزء ده من النص

**Ah.Farid** · 18-03-2014 02:30 PM

رسم توضيحى للدعامة الخاصة بالاكصدام الخلفى
ممكن نسأل متخصص فى السمكرة فى الموضوع كمان

الموضوع: اكصدامات النيو صنى

LinkBack

أدوات الموضوع

عرض

اكصدامات النيو صنى - انشر الموضوع فى :

-

-

-

-

-

-

-

-

المواضيع المتشابهه

اكصدامات ابيزا 94

اكصدامات عمولة

تعديل ل اكصدامات صاج

اكصدامات سيات 133

يا جماعة حد يساعدنى اختار ايه النيو واجا ولا النيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة