تقريري عن أستلام بيجو 301

**raad13** · 16-03-2014 10:25 AM

الحمد لله اخيرا استلمت العربية من فرع (صلاح سالم) بعد انتظار طويل و احب اقولكوا تقرير عن الأستلام عشان الي عايز يستفيد في المستقبل

1- العربية هايلاين لونها بترولي و ده كان اختياري التاني في اللون بس بصراحة اكتشفت انه احسن من الموكا بكتير
2- انا استلمت بعد 3 شهور بالظبط من الحجز من غير اي تأخير بس انا انصح اي حد حاجز انه يغتت على التوكيل و يكلمهم عشان انا لو مكنتش عملت كدة كنت غالبا هستنى للمركب الجاية
3- الأستلام كان سلس جدا من غير اي مشاكل و الناس كلها محترمة هناك
4- العربية سهلة جدا في الأستخدام و اتعودت عليها خلال دقيقة فقط رغم اني بسوق مانويال طول عمري
5- انصح اي حد يجيب العربية هايلاين لأنها هتبقى مملة جدا من غير شوية الحركات الي جوة بالذات في البلوتوث و سنسور الركن
6- التكييف محترم جدا بس هو مش تاتش مع اني قرأت اكتر من مرة انه تاتش!!
7- موضوع خرطوم الماية الي بيتحشر في المروحة طلع فعلا حقيقي بعد معاينتي للكبوت و فعلا ده عيب تصميم كبير انه حاطين المروحة لازقة في الخرطوم من غير اي غطاء للحماية و لذلك انصح اي حد يعاين الخرطوم بعد ما اي حد يشتغل في العربية حتى لو بيحط زيت
8- فيه عربية جميلة جدا نزلت جديد اسمها 2008 نزلت في المعرض و سعرها مش بطال و فيه برده الشكل الجديد ل5008 و ال3008 و هما عربيات فخيمة جدا
9- ان شاء الله هبقى اعمل تقرير بعد أول 2500 كيلو عشان اقولكوا على تجربة السواقة و حالة العربية

**TryToB** · 16-03-2014 10:32 AM

ربنا ييباركلك فيها و يكفيك شرها بس هو التكييف دايما بيكتبوا عليه اوتوماتيك مش تاتش :)

**kar!m** · 16-03-2014 10:43 AM

ألف مبروووووك

**Ashraf Fawzy** · 16-03-2014 10:55 AM

المشاركة الأصلية كتبت بواسطة raad13

الحمد لله اخيرا استلمت العربية من فرع (صلاح سالم) بعد انتظار طويل و احب اقولكوا تقرير عن الأستلام عشان الي عايز يستفيد في المستقبل

1- العربية هايلاين لونها بترولي و ده كان اختياري التاني في اللون بس بصراحة اكتشفت انه احسن من الموكا بكتير
2- انا استلمت بعد 3 شهور بالظبط من الحجز من غير اي تأخير بس انا انصح اي حد حاجز انه يغتت على التوكيل و يكلمهم عشان انا لو مكنتش عملت كدة كنت غالبا هستنى للمركب الجاية
3- الأستلام كان سلس جدا من غير اي مشاكل و الناس كلها محترمة هناك
4- العربية سهلة جدا في الأستخدام و اتعودت عليها خلال دقيقة فقط رغم اني بسوق مانويال طول عمري
5- انصح اي حد يجيب العربية هايلاين لأنها هتبقى مملة جدا من غير شوية الحركات الي جوة بالذات في البلوتوث و سنسور الركن
6- التكييف محترم جدا بس هو مش تاتش مع اني قرأت اكتر من مرة انه تاتش!!
7- موضوع خرطوم الماية الي بيتحشر في المروحة طلع فعلا حقيقي بعد معاينتي للكبوت و فعلا ده عيب تصميم كبير انه حاطين المروحة لازقة في الخرطوم من غير اي غطاء للحماية و لذلك انصح اي حد يعاين الخرطوم بعد ما اي حد يشتغل في العربية حتى لو بيحط زيت
8- فيه عربية جميلة جدا نزلت جديد اسمها 2008 نزلت في المعرض و سعرها مش بطال و فيه برده الشكل الجديد ل5008 و ال3008 و هما عربيات فخيمة جدا
9- ان شاء الله هبقى اعمل تقرير بعد أول 2500 كيلو عشان اقولكوا على تجربة السواقة و حالة العربية

الف مبروك عليك, و ربنا يباركلك فيها, و يرزقك خيرها و يكفيك شرها.

انا برده معايا نفس الموديل هاى لاين و اللون البترولى, وبصراحه لون ماشاء الله فخم و مميز.

الحمد لله إنك أخدت بالك من موضوع خرطوم مية الردياتير, و لو وقتك سمح إبقى إكتب رأيك ده على صفحة بيجو مصر على الفيسبوك زى ما أنا عملت هنا عشان يخدوا بالهم إن الموضوع ده مهم و ينبهوا على العملاء.

بالنسبه للتكييف, انا برده قرأت اكتر من مرة إنه تاتش, بس هو عبارة عن زراير فى شكل دائرة, تقريباً السبب إن بعض الناس بتقول عليه تاتش إن الموديل المانيوال و الأتوماتيك بيز بيكون عبارة عن بكره لتحديد مستوى التكييف, فيبقى الزراير مقارنة بيها تاتش :)