شكرا جزيلا
رقم العضوية : 137317
تاريخ التسجيل : 26Mar2013
المشاركات : 750
النوع : ذكر
الاقامة : El Sheikh Zayed city
السيارة: Suzuki Swift Dzire 1.2 cc
السيارة[2]: seat Ibiza 94
دراجة بخارية: لا يوجد
الحالة :
السلام عليكم ورحمة الله
ازيكم يا اجدع ناس
اشتريت العربية فى 3/2013 والراجل جاب شهادة مخالفات وبيانات ومجدد لمدة سنة والدنيا زى الفل ..
والراجل ده كان شارى العربية من واحد معاه توكيل فى شهر 2/2013 وجايبله مخالفات والدنيا زى الفل وابو توكيل ده شارى من واحده فى 2012 وجايباله شهادات والدنيا وزى الفل... وانا نقلت الملكية فى شهر 8/2013 وجبت شهادة مخالفات والدنيا ايه ؟؟؟ ايوا كده زى الفل !!
لكن الحقيقة ان الموضوع طلع لا يمت للفل بصله ابداً !!
جيت عشان اجدد التصريح بتاع يوم 4/3/2014 وملفى الحمد لله جه من مرور الأميرية لمرور الشيخ زايد وخلاص بدل التصريح هيبقى رخصة، ودفعت الضريبة والتأمين وجبت كل اللى عايزينه .. والمراجع بيراجع وزى الفل .. وإذا به يصرخ صرخة مدوية ... ( ميييييييييييين اللى عمل المللللللللللللللف ده ) .. استر يا رب.
قالى فيييييييييييين شهاااااااااااادة المخالفاااااااااااااااااا ت ( انا : صم بكم عمىُ ) روح هات شهادة مخالفات ( أنا : طب ابوس ايدك بلااااش ).
جابت شهادة المخالفات 1310 جنيه على الرقم القديم بتاريخ 1/2013
يعنى قبل ما اشترى العربية، فطبعا سبت الشهادة ودخلت لوكيل النيابة، راجل زوق ومحترم قالى دى حصلت فى مدينة نصر فتروح على نيابة مدينة نصر .. اعمل مخالفات مالك سابق .. اخدت الرخصة بتاعتى ومشيت.
تانى يوم روحت، ادونى شهادة اطلب فيها باسقاط المخالفات القديمة وانا شارى العربية بتاريخ كذ والمخالفات بتاريخ كذا، والدليل مرفق ( صورة العقد بتاعى ورخصتى ورخصة المالك السابق وشهادة المخالفات اللى طلعهالك واللى انت طلعتها وكل ما يمت للموضوع بصلة ) وهتجيب الورق ده من مرورك اللى فى الملف بتاعك تصور منه اللى انت عايزه ..
وسلمت الورق فى نيابة مدينة نصر واذا بالمراجع الورق ده ناقص ( بيان صرف لوحات ) وده بيبقى من المرور بتاعك ( بيبقى فيه رقمك الجديد واستلمته امتى والرقم القديم واستلمته امتى ( وهى هى الورقة دى اللى بتطلع بيها شهادة المخالفات بالمناسبة ).
رجعت للشيخ زايد وطلبت منه الورقه دى ورجعت تانى مدينة نصر وكل ده فى نفس اليوم بتوفيق ربنا وحده
سلمتها والشبااك هيقفل ، وقالى 5 ايام وروح طلع شهادة مخالفات وهتلاقيها اتشالت من عندك وبالفعل بعد يومين شوفت على النت لاقيتها اتشالت بفضل الله من رقمى ومن الرقم السابق، وتقريبا بيضيفوها على رخصة القيادة الخاصة بصاحب المخالفة.
عملت طلب استخراج شهادة براءة الذمة من نفس الموقع وجابوهالى بالبريد بعد يومين، وروحت امبارح سلمتها ف الشباك ع طول والحمد لله اخدت الرخصة وزى الفل المره دى
المطلوب منك فى هذه الحالة باختصار :
1- رخصتك وصورة منها
2- بطاقتك وصورة منها
3- بيان صرف اللوحات من مرورك لأن المخالفات على الرقم القديم مش الجديد بتاعك
4- صورة شهادة مخالفات القديمة وصورة العقد بتاعك واى توكيلات او مستندات هتصورها من الملف بتاعك.
5- طلب مخالفات مالك سابق من نيابة المرور اللى حصلت فيها المخالفة ويتم ارفاق كل الورق السابق فيها وتعمل الطلب باسمك طبعا ..
وربنا ييسرلكم كل امر ارجو انى اكون افادتكم ، وبالمناسبة انا لاقيت موضوع جميل بردوا فى المنتدى خاص بنفس التجربة .. بس شفته بعد فوات الأوان بس الحمد لله التعليم مش ببلاش
http://www.nilemotors.net/Nile/346015-a.html
Suzuki Swift Dzire 1.2 cc
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
شكرا جزيلا
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 25599
تاريخ التسجيل : 19Nov2008
المشاركات : 479
النوع : ذكر
الاقامة : cairo
السيارة: bmw ان شاء الله
السيارة[2]: Citroen xsara
دراجة بخارية: gh d,[]
الحالة :
الف شكر
رقم العضوية : 139280
تاريخ التسجيل : 07Apr2013
المشاركات : 156
النوع : ذكر
الاقامة : alexandria
السيارة: renault fluence
السيارة[2]: nissan
دراجة بخارية: no
الحالة :
الله يكون فى عونك - بس عجبنى جدا اسلوب الكتابه الظريف لحضرتك
Ashraf - alexbank
رقم العضوية : 137317
تاريخ التسجيل : 26Mar2013
المشاركات : 750
النوع : ذكر
الاقامة : El Sheikh Zayed city
السيارة: Suzuki Swift Dzire 1.2 cc
السيارة[2]: seat Ibiza 94
دراجة بخارية: لا يوجد
الحالة :
متشكر ليكو جدا يا جماعه وربنا يسهلكم كل صعب ان شاء الله
shifo : متشكر لذوقك انت اجمل
Suzuki Swift Dzire 1.2 cc
رقم العضوية : 46389
تاريخ التسجيل : 07Sep2009
المشاركات : 121
النوع : ذكر
الاقامة : 6أكتوبر - الشيخ زايد
السيارة: وان - توينتي -آيت
السيارة[2]: بي وايد - إف3
دراجة بخارية: نوب
الحالة :
إنها قصة كفاح
رقم العضوية : 149487
تاريخ التسجيل : 02Oct2013
المشاركات : 10,977
النوع : ذكر
الاقامة : DAMANHOUR , ALEX
السيارة: ♥-♥-♥-♥-♥-♥-♥-♥
السيارة[2]: O---P---T---R---A
دراجة بخارية: ♥♥♥-._.-♥♥♥
الحالة :
شكرا لنقل التجربه
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
مشكورر عالافادة
رقم العضوية : 154944
تاريخ التسجيل : 21Jan2014
المشاركات : 11
النوع : ذكر
الاقامة : cairo
السيارة: polo
السيارة[2]: honda
الحالة :
يا جماعة انا عايز حد يفيدني في الموضوع ده .... انا شاري عربية ملاكي الاسماعيلية ويوم ما شتريتها طلعت شهادة مخالفات معلهاش اي حاجة وبعد سنة تقريباً جيت انقل الملكية واغيرها ملاكي القاهرة لقيت عليها مخالفات قبل تاريخ الشراء بحوال 6 شهور وحبيت اعمل زي ما انت قلت وارحل المخالفات مع العلم اني المخالفات واحدة في النزهة وواحدة في عابدين يعني المخالفات في القاهرة .... المهم رحت مرور الاسماعيلية قلولي مفيش حاجة اسمها كده رحت مرور الدراسة بردة قلولي نفس الكلام ... يا ريت توضحلنا اروح انهي مرور وايه الشبك اللي بروحلة علشان اعمل ترحيل مخالفات مالك سابق
رقم العضوية : 93022
تاريخ التسجيل : 31Mar2011
المشاركات : 2,657
النوع : ذكر
الاقامة : FAISAL- Eltalbia
السيارة: Daewoo Nubira2 05 A/T
السيارة[2]: Daewoo Lanos 99 A/T
الحالة :
المفضلات