نويت اغير من لانسر بومه لrb وعايز النصيحه

**sherif309** · 16-03-2014 02:49 PM

اهلا اعضاء هيونداى

كنت بغير عربيتى لانسر 2006 اكشن عامله 180000 وحالتها من برة 70% ومن العفشه 60% وفى الحقيقه كمنت بحاول اركب هوندا 2007 بس للاسف لاقتها عاليه جدا وعشان اجيب حاجه نضيفه عايز على الاقل 115 :120

المهم وقعت ادامى عربيه اكسنت ار بى 2011 عامله 40 الف وفيها رخصه سنه من الزيرو وفابريقه من الاكصدام للاكصدام ,, اولا عاز اعرف سعرها يعمل كام ثانيا عايز اعرف العربيه تستاهل ولا لاء وطبعا لو هنقارنها بلانسر مستعمله وحالتها 70% يكون الارجح لمين وطبعا قطع الغيار واستهلاك البنزبن والفتيس والثبات والعيوب اهم من كل دة وكل الى عندة معلومه يا ريت يقولها .

وشكرا ليكوا وارجوا انضمامى لعائله هيونداى قريبا

**msobhy** · 16-03-2014 03:21 PM

فى وجهة نظرى الشخصيه
الاكسنت هاتكون احسن فى كل حاجه ماعدا الثبات هاتحس بفارق كبيييييير بالاضافه ان قطع الغيار نسبيا فى المتسوبيشى عمرها اطول من الاكسنت - وارتفاع اللانسر اعلى من ارتفاع ال rb - الفرامل احسن بكتييييييييييييير من الاكسنت

لكن شكل - تسارع - تكييف - استهلاك بنزين - صالون - اوبشنز - سرعه قصوى كله هايبقى فى صالح الاكسنت
نصيحه لحضرتك لو تقدر تجيب النترا أعتقد انك هاتبقى مبسوط اكتر بسبب الثبات والفرامل اللى احسن نسبيا من الاكسنت لكن برضو مش هايوصل لثبات البومه ولا هايقرب من ثبات الشارك

**msobhy** · 16-03-2014 05:37 PM

متهيألى وده عن تجارب الاعضاء ان البومه اثبت من الاكسنت
والسوبر اكشن اثبت بكتير من البومه العاديه بسبب الزيادات اللى على العفشه
يبقى اكيد العربيه اللى كانت مع حضرتك عفشتها متهالكه تماما
لأن مديرى معاه هاف سبورت 2007 وبيمشى 170 وعمره ما اشتكى من الثبات

**sherif309** · 16-03-2014 11:10 PM

عربية سياتك لونها ايه وايه كمالياتها وعامله كام كيلو ياريت نتواصل على الخاص
01010050109

**drcobra** · 17-03-2014 08:47 PM

العربية لونها ازرق
العداد 84000
هى اول فئة اوتوماتيك
والنهاردة انا قررت التمن 90000 ان شاء الله
العربية فابريقة برا وجوا
عيبها فيها حكة واخدة الرفرف ورا وجزء بسيط من الباب ومرضتش اعملها علشان كدة نزلت من تمنها واللى هياخدها يعملها بنفسة