بسم الله الرحمن الرحيم.شهادة حق

**dentist_ihab** · 16-03-2014 03:01 PM

يا جماعه عاوز اقول شهادة حق في النيو صني ..بس انا مالناس اللي معاية صني شكل قديم زيرو

امبارح سقت عربية صاحبي الصني الجديدة
بصراحة،، سيارة ممتعه في سواقتها
دريكسيون خفيف و ناعم
عربيه ناعمة جدا و صوت الموتور واطي مقارنة بالشكل القديم
سحبها سريع و بتجمع اسرع من الشكل القديم مع انها زيرو
عافشه كويسه اوي متحسش باي مطبات ولا اي تعرجات فالطريق اكنها ماشية على طريق مستوي
مشكلة الكاوتش انه بيلم زلط حسيته كلام مبهم حسيته مالوش اي اساس من الصحة
اما الوسع و الصالون فحدث ولا حرج
الحاجتين اللي اخدتهم عليها القرامل تقيله بدوس عليها و حاسس اني مش دايس رغم ان العربيه بتفرمل ودي خطيرة شوية عشان ممكن فقدان الحساسية دي تخليك تكبس فرامل جامد اكتر من اللازم فتسبب مشكله.بس الحساسيه دي هتيجي بالتعود
الحاجه التانيه التكييف ضعيف شوية يمكن يتحسن شويه بعد صيانه الالف
اخر حاجه عرفت ان مافيش امبير حرارة مش موجود غير فالسوبر صالون
ا
مبروك لكل اللي اشتراها و متصدقش اي اشاعات بتتقال عنها ..

**Ah.Farid** · 16-03-2014 03:33 PM

نفس الاحساس جالى لما نويت اشتريها
والكلام دة كان فى يناير كنت خايف من الكلام الكتير اللى اتقال عليها فى المنتدى
بس توكلت على الله وقلت ما كل العربيات فيها مميزات وعيوب واتفرجت عليها فى كذا معرض واشتريتها ولغاية دلوقتى حاسس انها اختيار موفق وربنا يسترها علينا جميعا

**شادى عبدالمنعم** · 16-03-2014 04:04 PM

العربيه صفقه رابحه جدا فى فئتها السعريه والمﻻحظات المدونه اعتبرها قشور مع التعود هتنسجم معاها

**ibrahimsaad** · 16-03-2014 04:56 PM

د ايهاب كلامك وملاحظاتك كلها فى محلها

بخصوص الفرامل هو الاحساس ده فى الاول بس كام يوم كده على ماتتعود رجلك لكن بعدها رجلك بتظبط على الفرامل كويس جدا وهى مش تقيله ولا حاجه بالعكس ممتازه جدا انا حاسسها احسن حاجه فى النيو صنى لانى كان معايا فيرنا فعارف يعنى ايه فرامل

لكن اهم عيب فى النيو صنى مقارنه بالشكل القديم ان صاجها وحش وضعيف ومفيش اكصدامات حديد داخليه بعد الفيبر