الموضوع: نصيحة يا خبراء السيارات

المشاركة الأصلية كتبت بواسطة hitmangate

أودي a4 موديل 1998 عربيه محترمة توأم الباسات موديل 2000 قطع غيارها رخيصة واعتماديه جدا وشد وسحب وثبات لغاية 200 مستريح وممكن تجيب واحده في حدود 55000ج وعايز اقولك لو ربنا كرمك وركبت واحده نضيفه منها مش هتعرف تركب أقل من بي ام أو مرسيدس بعد كده

طيب حضرتك لغاية كام ممكن اركب عربية اودى نضيفة؟؟؟؟ (انا ممكن ازود شوية كمان عالشان ماصرفش بعد ما اشتريها ) وهل هتكون اوتوماتيك ولا مانوال ( مش فارقة معايا المهم الافضل ) ؟؟؟

- انا كنت بفكر فى جولف بس للأسف انا ماعنديش اي معلومات عن العربيات الالمانى
بس الرأي الاول والاخير هيكون لربنا وحضرتك معلش هتعبك معايا

عاجز عن الشكررررررررررررررررررررر ررررررررررررر وربنا يجازيك كل خيرررررررررررررر

المشاركة الأصلية كتبت بواسطة hitmangate

بص انت امكانياتك لحد فين ده المهم عموما 60000 تركبك أودي نضيفه واتوماتيك وممكن اكتر شويه ألفين تلاته تركبك حاجه محترمة بس الاودي فيها مشكله صغيره شويه اكسسوارتها وصاجها قليل شويه مش زي أختها الباسات الباسات قطع غيارها مرميه وكتير بس هما الاتنين واحد موتور وفتيس وعفشه وكهربا لو ربنا قدرك وتوصل 65000 تركب باسات نضيفه بس مانيوال وربنا ينوللك الأصلح والأفضل

لو زى ما بتقول حضرتك وتكون عربية فيها اللى انا عايزة عادى انا ممكن ازود بس اهم شيء انا ما الفش بيها على الميكانيكة عالشان ده اللى خالانى بعت الالنترا كل ما اصلح حاجة الاقى حاجة غيرها يعنى عايز اعمل صيانة واركب واستريح !!!!

- يعنى افهم من كلام حضرتك ان الباسات فيها نفس مواصفات الأودي بالنسبة للاعتمادية وقطع غيار منتشرة وسعرها فى متناول الجيب ؟؟؟؟
- وثباتها وسحبها ممتازين زى الأودي ؟؟؟ لان حضرتك شجعتنى جدااااااا لما حكيتللى عن الأودي

معلش استحملنى شوية

الف مليون شكرررررررررررررررررر

المشاركة الأصلية كتبت بواسطة hitmangate

بص يا باشا من الاخر كده الباسات دي اكتر عربيه اعتماديه في فولكس فاجن اتعملت من الاخر كده فيها شويه تفاصيل ممكن حد مايخدش باله منها بس لو ركزت فيها هتلاقيهم ماسبوش حاجه إلا وعملوا حسابها شغل ألمان بقى يعني عندك مثلا الاكصدام الخلفي بتاعها تحتية قضيب قطر ومتحمل على مساعدين علشان يمتص الصدمات كفايه اقولك اني خبططني شيفروليه الدبابة اكصدامها وقع وانا الحمد لله مافيش حتى خدشه دا غير أن العربيه على العتب بتاعها فبر وعلى آخر الأبواب بتاعتها من تحت فبر علشان البارومه دا غير أنها معالجه ضد البارومه على فكره انا معايا كتالوج العربيه ومكتوب فيها ضمان 13سنه ضد البارومه يعني شوف انت بقى اما بالنسبه للاعتمادية فالالماني القديم مافيش زيه في الاعتماديه وركوبه الباسات دي مختلفه عن أي عربيه كوري أو ياباني ثبات وعزل ممتاز وثباتها جامد اوى في الملفات قطع غيارها رخيصة زي مثلا السيراتو في الكوري ويمكن أرخص في حاجات كتير وقطع غيارها مرميه في الحرفيين ورخيصه جدا جدا استيراد هي بس فيها عيبين صيانتها رخمه شويه عايزه واحد فاهم أولها من آخرها يعني مش أي حد هيلعب فيها غير متخصص فولكس وثانيا وده الأهم واللي مطلع سمعه على العربيه دي اللي هيا طقم المقصات بتاعها وهما شدادات مش مقصات عباره عن 8 أمامي اربعه على كل عجله مشكلتهم انهم غاليين شويه يعني فيه من أول 1200صيني لغاية 4000 ودي ألماني ماركة اسمها بلاشتين ودي انضف حاجه فى السوق بس بيتركبوا ويتنسوا وفيه منهم استيراد الطقم عامل 1200ج غير كده عربيه مالهاش حل قمه الاحترام والفخامه وشكلها عاطفي شويه عن الأودي a4 بس الاتنين زي ماقولتلك توأم ماتور وفتيس وعفشه وكهربا والأهم الحاله لو ركبت واحده نضيفه هتنساها ولو ركبت واحده مش اد كده تقرفك وتخليك تلعن اليوم اللي فكرت تركب فيه عربيات اصلا بس بجد لو ربنا كرمك وركبت واحده نضيفه لو فكرت تغير مش هتعرف تركب اقل من بي ام أو مرسيدس وربنا يوفقك للاصلح

طيب حضرتك الحاجة النضيفة هتعمل فى حدود كام ؟؟؟
-ايه افضل اماكن الاقي فيها حاجة محترمة زى حضرتك ما بتحكي ؟؟؟
معلش انا ماليش اي خبرة فى العربيات غير انى كان معايا النترا لمدة سنتين

عاجز عن الشكرررررررررررررررر

المشاركة الأصلية كتبت بواسطة mando2002m

انا لسة شاري باسات ماشاء الله مع اني معايا جيتا90وجولف3 بس دي حاجة تانية خالص فكرتني بركوب البي ام ال500 ماشاء الله عليها اركب نظيف تستريح

الف مبروك يا باشا وربنا يكفيك شرها

اخوك دلوقتي فى حيرة لانى كنت راكب النترا وعايز اغير , وتاعب معايا مستر( hitmangate ) والرجل بأمانة مش مقصر ربنا يجازيه كل خير
ممكن اعرف مواصفات عربيتك وتمنها كام وكيف اشتريتها يعنى كشف عليها ولا لا الخ

احكيلنا شوية عنها ( باسات اللى مجننانى )

الف شكرررررررررررررررررررر