عربية فى الحدود من 40000 الى 50000

**mohammed adel** · 17-03-2014 04:58 AM

بعد السلام عليكم ورحمة الله وبركاتة انا اول مرة اكتب فى هذا القسم وليا الشرف طبعا

انا كان معايا النترا 2009 اوتوماتيك خليجى المهم انا قررت ابيعها عالشان عندى ظروف ومحتاج فلوس وكنت عايز من حضرتكم ترشحولي عربية فى الحدود من 40000 الى 50000 جم
( لو هتزيد سعرها شوية مافيش مشكلة عالشان تكون عربية حالتها جيدة )

بالنسبة لمواصفات العربية ياريت فى حدود الامكان الاقى هذا :-
1- قطع غيار رخيصة ومنتشرة او (غالية بس تكون بتتحمل) لاننى انا بمشي بمنطق ان اشترى قطع غيار ماركة محترمة(غالية فى السعر ) افضل عندى من اشترى الرخيص ويبوظ بسرعة
2- تكون عربية اعتمادية جدااا وتكون اقتصادية فى البنزين عالشان الظروف دلوقتى ربنا وحده اعلم بيها
3- لو تكون عالية عن يبقى افضل بس ده مش شرط اساسي
4- اوتوماتيك او مانوال مش فارقة
5- تكون عربية راسية على الارض فى حدود الامكان ( لانى فى بعض الاحيان بحب السحب والجري وانتم عارفين طيش الشباب

انا عارف طبعا يمكن حد يقول فى باله اننى بهزر عالشان عايز عربية بكل الامكانيات دية بهذا السعر لكن انا طالب من حضراتكم تكون فى حدود الامكان واكيد انتوا فاهمينى
(على فكرة انا شاب اعذب يعنى مش ضرورى تكون عربية عائلية)

ياريت من فضلكم تدلونى على عربية فيها تلك المتطلبات عالشان انا ماليش فيهم قوى ومحتاج نصيحتكم (اهم شيء من فضلكم تكون نصيحة عن تجربة )

والف شكررررررررررر على كل من يعطينى نصيحة وجزاه الله كل خيرررررررررررررر

تم نقلة لقسم المقارنات .

**S O P H O S** · 18-03-2014 01:47 PM

ممكن الكورولا عيون حالة نظيفة

**eslamsubaru** · 18-03-2014 03:13 PM

لو عايز عربية فيها كل الامكانيات اللى انت طالبها و افضل من اللى انت طالبها كمان يبقى ممكن تفكر فى سوبارو امبريزا موديل 2005 بتعمل مستعملة فى حدود 55000 الى 65000 حسب الحالة :
اولا : عربية اعتمادية فةق الوصف , قطع غيار معمرة جدا : ممكن تكون غالية شوية بس ده علشان بتجيبها يابانى اصلى من توكيلها ..
ثانيا : ثبات لا يقارن على الطريق بفضل نظام الدفع الرباعى و نظام الموتور البوكسر .
ثالثا : عربية 1600 سى سى : ادائها جميل : ممكن تكون تقيلة فى طلعتها يعنى لحد 60 كم/س بس بعد كده طيارة .
رابعا : بالنسبة لاستهلاك البنزين هو معقول مش قليل أه بس فى حدود 10 ل لكل 100كم تزيد أو تقل حسب طبيعة السواقة.
بس علشان تلاقيها عايز تتعب شوية فالمواقع علشان نادرا لما حد بيجرب السوبارو و بيفكر يبيعها ..

و قيمة العربية و امكانياتها مقابل السعر ده لا يقارن بأى عربية ثانية ... و طبعا ممكن تسمع كلام من ناس ان العربية سعرها فى اعادة البيع مش حلو ( ملحوظة العربية دى كانت ايامها ب 120000 ج فبالتالى لما تشتريها مستعملة هتكون خلاص خسرت فبالتالى البائع هو اللى خسران و الشارى هو اللى كسبان مكسب رائع).
المهم لو لقيت واحدة : لازم تكشف عليها بالتوكيل و اطمئن على حالتها و التوكيل هيطلعلك كل اللى فيها .. لأن الموديل ده كان منتشر منه كتير بشركات السياحة ايامها فممكن تلاقى اللى بتتباع مستعملة منها تكون بتاعة شركة سياحة مش فرد.