تقريرى بعد استلام 301 hl و استخدام اسبوع

**mmkamalh** · 17-03-2014 04:39 PM

استلمت من أسبوع تقريبا 301 هاى لاين فيرانى (صلاح سالم):
بالنسبة للاستخدام فيعتبر خفيف 300 كم فقط في أسبوع، لكن الملحظات كالأتى:
1- الانتيريور مريح جدا و فخم و ممكن يخليك تسوق ساعات وانت مش تعبان
2- الكنسول و الملتى ميديا رائع و بالاخص بالليل، إضائة التابلوه رائعة
3- ذراع الملتى فانكشن مريح جدا و سهل الاستخدام و التعود عليه، كذلك الكروز كنترول و السبيد ليمتر، جربتهم و سهلين جدا في الاستخدام...
4- التكيف مجربتوش الصراحة لحد هذا الوقت
5- العزل ممتاز و لم اجد اى صوت هواء او ونه اثناء السير وانا قافل الازاز كله و مركز جامد.. الحقيقة لم اسمع اى شيء
6- الفتيس ناعم و سريع الاستجابة، لكن حاسس انه قراراته سريعة حبتين و ده مخليه ينقل كتير، انا عندى نيو اكسنت 2010 (الشكل اللى قبل الـ RB) اوتوماتك مبحسش بده، هي ميزه و عيب، الميزه سرعة استجابة الفتيس عاليه و العيب التغير الكتير، ربما يكون فيه بعض اللوجك في ال 301 لأعطاء السائق افضل ما في الفتيس، على كل حال انا شايف انه ممتاز
7- التسارع على عكس ما البعض قال ، تقيمه ليه جيد جدا، و ده نتيجة موقف على الدائرى، ظروف الطريق اضطرتني انى اعمل كيك دون، و قد كان و عينك متشوف الا النور العربية من 75 كم نطت بئقت 120-125 كم في اقل من ثوانى، الحقيقة انا اتخضيت من استجابة العربية و الفتيس مع العلم الاكسنت للى جربها طلقة ملهاش حل، و ده عشان وزن الاكسنت خفيف نسبيا على موتورها و كذلك الجيتس ال 1600
8- المطبات: العفشة متوسطة يغلب عليها انها نشفة شوية، ده ميزه في الجرى و الاتزان "Body roll over" و عيب في إحساس الراكب بالمطبات، لكن للأمانة انا ساكن في شارع مكسر العربية مريحة في المطبات
9 - الساوند سيستم و البلوتوث ماشاء الله بجد.
10- العيوب في نطرى: مساحات تخزين داخلية قليلة، مكان الموبايل مشكلة بالنسبالى ، أماكن مفاتيح الازاز لسه مش عارف اتعود عليه بصراحة...

التقيم النهائي حتى الان: الأفضل في فئاتها (السعر - و السعة اللترية) على الاطلاق

**nonalaziza** · 17-03-2014 04:52 PM

مبروك الاستلام
و تقرير جميييل
و عقبالنا ياااارب

**Mohamed_301** · 17-03-2014 04:55 PM

المشاركة الأصلية كتبت بواسطة mmkamalh

استلمت من أسبوع تقريبا 301 هاى لاين فيرانى (صلاح سالم):
بالنسبة للاستخدام فيعتبر خفيف 300 كم فقط في أسبوع، لكن الملحظات كالأتى:
1- الانتيريور مريح جدا و فخم و ممكن يخليك تسوق ساعات وانت مش تعبان
2- الكنسول و الملتى ميديا رائع و بالاخص بالليل، إضائة التابلوه رائعة
3- ذراع الملتى فانكشن مريح جدا و سهل الاستخدام و التعود عليه، كذلك الكروز كنترول و السبيد ليمتر، جربتهم و سهلين جدا في الاستخدام...
4- التكيف مجربتوش الصراحة لحد هذا الوقت
5- العزل ممتاز و لم اجد اى صوت هواء او ونه اثناء السير وانا قافل الازاز كله و مركز جامد.. الحقيقة لم اسمع اى شيء
6- الفتيس ناعم و سريع الاستجابة، لكن حاسس انه قراراته سريعة حبتين و ده مخليه ينقل كتير، انا عندى نيو اكسنت 2010 (الشكل اللى قبل الـ rb) اوتوماتك مبحسش بده، هي ميزه و عيب، الميزه سرعة استجابة الفتيس عاليه و العيب التغير الكتير، ربما يكون فيه بعض اللوجك في ال 301 لأعطاء السائق افضل ما في الفتيس، على كل حال انا شايف انه ممتاز
7- التسارع على عكس ما البعض قال ، تقيمه ليه جيد جدا، و ده نتيجة موقف على الدائرى، ظروف الطريق اضطرتني انى اعمل كيك دون، و قد كان و عينك متشوف الا النور العربية من 75 كم نطت بئقت 120-125 كم في اقل من ثوانى، الحقيقة انا اتخضيت من استجابة العربية و الفتيس مع العلم الاكسنت للى جربها طلقة ملهاش حل، و ده عشان وزن الاكسنت خفيف نسبيا على موتورها و كذلك الجيتس ال 1600
8- المطبات: العفشة متوسطة يغلب عليها انها نشفة شوية، ده ميزه في الجرى و الاتزان "body roll over" و عيب في إحساس الراكب بالمطبات، لكن للأمانة انا ساكن في شارع مكسر العربية مريحة في المطبات
9 - الساوند سيستم و البلوتوث ماشاء الله بجد.
10- العيوب في نطرى: مساحات تخزين داخلية قليلة، مكان الموبايل مشكلة بالنسبالى ، أماكن مفاتيح الازاز لسه مش عارف اتعود عليه بصراحة...

التقيم النهائي حتى الان: الأفضل في فئاتها (السعر - و السعة اللترية) على الاطلاق

ربنا يباركلك فيها انا خايف احجزها بصراحه لاقيت ناس بتشتكى منها على المنتدى
حضرتك بتقول التسارع جيد جدا عكس ما اتقال يعنى عايز تقول حلو ولا وحش :d

**Mohamed 555** · 17-03-2014 05:03 PM

مبروك و ربنا يديك خيرها و يكفيك شرها و يخفظهالك و احنا وراك ان شاء الله حنستلم الاسبوع ده اللون الفيراني برضو و التقرير كويس جدا و شال من عندي بعض القلق بعد تقرير كان قلقني و ربنا يستر

**eslam.maghawry** · 17-03-2014 05:07 PM

ربنا يباركلك فيها ويعطيك خيرها ويكفيك شرها

خلال الأسبوع ده اكيد لسه على نفس التفويلة

**mmkamalh** · 17-03-2014 05:42 PM

الله يبارك فيك، الف شكر... موضوع التسارع حصل معايا في موقف اضطرارى و غير مقصود، كان لازم لظروف الطريق، و زى ما وصفت، الكيك داون كان جيد جدا، لكن بصفة عامة انا مجربتش اجرى و اجيب اخرها عشان اشوف التسارع لكن ممكن احكم باقرب ما يكون من خلال الموقف بتاعى على الدارى، و على فكرة فيه على اليوتيوب فيديو بيورى التسارع لغاية السرعه القصوى للـ 301 و اعتقد انه أدائها في الفيديو قريب للحقيقة جدا: الرابط
Peugeot 301 1,6i 2013 - acceleration 0-190 km/h - YouTube