الموضوع: شاهين 2006_1600cc‏ ‏... 400‎0‎‏ ‏RPM‏ ‏@ 120 Km/hr

العربية كده طبيعية,
الموضوع ده راجع الى نسبة التخفيض الكبيرة, و نسب علبة التروس, الموضوع كأى تصميم فى العربيات ليه ميزاته و عيوبه,
المميزات :
- سرعة الاستجابة على كل السرعات, و الأداء العصبى و تسارع أفضل.
- العيوب :
- تخفيض السرعة القصوى, و ارهاق المحرك على السرعات المرتفعة.

و سرعتها القصوى بحسب الكتالوج هى 165 كم/ساعة, و أنا وصلت بها الى 175 تقريبا, و غالبا كان ده أخرها و هى سرعة جيدة جدا.
للعلم الشاهين مش متفردة بالموضوع ده, مثلا هتلاقى الفولكس باسات لما بتوصل 100 كلم/ساعة بيبقى عدادها وصل ل3000 ار بى ام, و على سرعة 120 بيبقى عدادها عدى ال3500 ار بى ام, و هو معدل قريب من الشاهين, ده طابع خاص بالسيارات الأوروبية لأن العزم عند الأوروبيين أهم من السرعة القصوى, عكس الأمريكيين مثلا.

لا حول الله بتقارن الشاهين الي بتجيب 140 معايا بالعافية وبتبقي بتتنطط من ورا وحطير خلاص ولو دست فرامل تلاقيها عرضت ولعبت بالفولكس فاجن دة انت بتحب الشاهين قوي ادرجة انك دمجتها بالعربيات الأوربية (متزعلش من اصلي قرفان منها قوي )

و رد على الاخ الي سئل :عربيتك كدة عادي يعني انا معايا نفس الموديل 2007 و 1600 cc وبرضة 120 عند 4000 لفة و145 عند 5200 بالعافية وهو دة اخر الطموح بالشاهين بعد كدة بقي ممكن تطير

المشاركة الأصلية كتبت بواسطة zizophone

لا حول الله بتقارن الشاهين الي بتجيب 140 معايا بالعافية وبتبقي بتتنطط من ورا وحطير خلاص ولو دست فرامل تلاقيها عرضت ولعبت بالفولكس فاجن دة انت بتحب الشاهين قوي ادرجة انك دمجتها بالعربيات الأوربية (متزعلش من اصلي قرفان منها قوي )

و رد على الاخ الي سئل :عربيتك كدة عادي يعني انا معايا نفس الموديل 2007 و 1600 cc وبرضة 120 عند 4000 لفة و145 عند 5200 بالعافية وهو دة اخر الطموح بالشاهين بعد كدة بقي ممكن تطير

الشاهين بتجيب معايا ال140 بمنتهى السهولة, و لا بتتنطط و لا حاجة, ثباتها معقول بالنسبة لسيارات أخرى كثيرة, و بدوس فرامل و لا بتعرض و لا حاجة.
و بعدين انا مش بقارن بينها و بين الفولكس, انا فقط كنت بدى مثال للأستاذ نورمال عشان يطمن انو سيارته مش متفردة فى موضوع النقلات القصيرة, و انو فيه كتير فعلا من السيارات زيها و مش بقارن لأن الباسات فئة أعلى من الشاهين,
و على فكرة انا جبت بيها 175 زى ما قلت و محستش الموضوع صعب و دى سرعة كويسة جدا لعلمك, مثلا البيجو 405 و دى عربية محترمة جدا كانت أقصى سرعة ليها 160 و بعد كده انت و حظك لغاية ال170!
لو حضرتك سقت عربيات تانية هتعرف انو الشاهين كويسة, هى بتدى احساس بعدم الثبات فقط لأن صوت موتورها عالى و عفشتها ناشفة شوية, هى ثباتها مش رائع لكن مش سىء و لو سقت عربيات من عينة الهيونداى اكسنت أو اكسل هتبوس ايدك وش و ضهر على ثبات الشاهين!
اقولك حاجة أحسن, روح اضبط الزوايا و اعمل ترصيص عشان واضح انو عندك مشكلة فى العربية, انت غالبا خدت مطب جامد و مضبطش العجل بعديها.