أبوهند ينضم لقسم حوادث 301

**abohend** · 18-03-2014 02:08 AM

إنا لله و إنا إليه راجعون
قدر الله و ما شاء فعل
اللهم أجرني في مصيبتي و اخلف لي خيرا منهاً

النهاردة و أنا مروح من عند والدتي اصريت إن زوجتي ترجع بينا
قلت الساعة 12 بليل و الدنيا هادية و فرصة تاخد على ابعاد العربية
قالت لي بلاش بس انا اصريت
و بدل منمشي من على شارع ابوقير..قلتلها لأ إمشي من على الترام عشان إحنا مرخصناش و مش عايزين نقابل لجان
قالت لي ملوش لازمة...قلتلها إسمعي الكلام
يدوب جايين من زيزنيا شارع ابوقير وصلنا جليم و راحت مراتي داخلة من عند البنزينة يمين عشان تطلع على الترام
في نص الشارع عربية فلوانس واقفة و مدية إنتظار على مدخل جراج
أول مبقينا وراها راحت المدام اللي سايقة الفلوانس (ست كبيرة في السن) راحت راجعة بضهرها
و هوب راحت خبطة البابين اللي على اليمين (اه و الله البابين مش باب واحد)
نزلت و عليت صوتي
و هي آخر ألاطة منزلتش حتى من عربيتها
و قالت بكل هدوء ..أنا مدياك فلاشر إني راجعة
من هنا لهنا مع الزعيق و أشهد الناس اللي فالشارع إنه طريقي
قالتلي خلاص أنا تحت أمرك
شوف هتعملها فين و تتكلف كام و انا هدفعلك
المشكلة إني لسه مرخصتش يعني مكنتش أقدر أعمل محضر و لا أكبر الموضوع
لميت الدور وو خدت تليفونها و هكلمها بكرة الصبح إن شاء الله
يا رب تطلع ست محترمة و تصدق في كلامها
الخبطة الحمد لله مش جامدة...بس لطشت البابين و هتحتاج تترد على البارد

الواحد بيقول الحمد لله و قضاء اخف من قضاء
و الحمد لله كلنا بخير و جت فحديد
بس إن العربية تتخبط و هي لسه مرخصتش حتى هو اللي مزعل الواحد
الحمد لله
و إن شاء الله ارفع صورة الخبطة قريب
(الخبطة هتسبق التقرير )
ربنا يستر على الجميع

**hugan** · 18-03-2014 02:15 AM

قدر ولطف
الحمد لله انكم بخير
الست ممكن تكلمها ماتردش عليك او تعمل رفض علي الرقم بتاعك
هايبان ان كانت محترمه من عدمه

**Ahmed.Essam** · 18-03-2014 02:24 AM

بتقول مدياك فلاشر !!

هههه كنت شدلها حواجبها عشان الفلاشر ميزعلش

**heshammosaad** · 18-03-2014 02:38 AM

ربنا يعوض عليك

**Hema_Basha** · 18-03-2014 02:38 AM

الف سلامة عليك يا ابو هند قدر الله وماشاء فعل والله الواحد بيزعل من الحاجات دي بس هنقول ايه الحمد لله انها بتيجي في كده

**Silent~Dream** · 18-03-2014 02:44 AM

ربنا يعوض عليك و متزعلش انها جت فى الحديد

**mahmed0100** · 18-03-2014 05:57 AM

حمدالله علي سلامتك يا ابو هند انت و المدام
فداك 100 عربيه
قدر الله و ما شاء فعل
و ده قدر اخف من قدر
طيب فكر معايا كده لو كانت رجعت لورا و خبطت فيك من قدام ؟ كان زمان الخساير ضخمه و تزعل .. انا مقدر زعلك علي ان العربيه لسه مرخصتش .. بس الحمد لله انها جت في حاجه ممكن تتصلح و ان شااء الله مش حتبان لما تعملها
و انا عن نفسي برحب بيك في قايمه المخبوطين :)
ولا يهمك يا كبير ر لا تزعل نفسك حترجع عروسه زي الاول تاني و حترخص و كله حيبقي تمام .. بس رخص الاول و بعدين ابقي اعملها و بلاش في التوكيل لانهم مش بيحبوا يعملوا سمكره .. بيغيروا علي طول و من كلامك واضح انها خبطه خفيفه في الصاج

ربنا يعوضك خير و ينتقم من اللي بيسوقوا بغباء

ليا تعليق صغير .. بلاش تستني من اللي خبطتك دي حاجه لانها مدام مشيت من المكان مش حتسأل فيك الا لو هي تعرف ربنا و عارفه ان من اتلف شئ فعليه اصلاحه .. و دي ناس نادره
متعلقش امل علي الاتصال
و ان شااء الله الموضوع حيتلم بأقل تكلفه.
ربنا معاك ان شاء الله