الموضوع: مشكلة عفشة وزينون

المشاركة الأصلية كتبت بواسطة safwatbadra

السلام عليكم ورحمة الله وبركاته. .
ده تاني مشاركة ليه في المنتدي المحترم وكل عام والمنتدي كله بالف خير..
اود ان اعلمكم اني غامرت واشتريت اسبيرانزا 516 موديل 2010 بعد ركوبي نوبيرا 2 2006 يا رب مندمشي على القرا ر ده..
بعد ما اشتريتها كان لي بعض الملاحظات وبعض الاسالة..
اولا لاحظت ان في دردرة في الدريكسيون في الشوارع الناشفة مثل عين القط او تكسير بالشارع
ثانيا لاحظت ان المساعد في خبط مكتوم برده في نفس الاماكن..مع ان العفشة ماسكة نفسها ومحكومة.
فهل من حل ولا طبيعي ؟
سؤال اريد ان اركب زينون فيها بس الانةاع كتيرة والاسعا متفاوتة وكله بيفتي بجانب ان في كهربائية بتقولي لازم تحل الاكصدام عشان تغرف تركبه
وانا بصراحة مش عاوز حد يلعب فيها لان مفيش حد بيرجع شئ مكانه صح..اية
اخر حاجة الانارة مش بطفي بعد غلق العربية بعد 10 دقائق .فهل في خلل
اخيرا ايف على الاطالة وارجو نصبحتكم..
وكل عام والمنتدي كله بالف خير
انا من مدينة الاسكندرية

1000مبروك العربيه ال 516 عربيه ممتازه للشحص اللي يفهما ويعرف يصينها كويس
الدرده بتاعت الدركسيون القاطمه او ما يمسمي بعمود الدركسيون محتاج
الجلب بتاعته تتكبس علي المكبس
المساعد محتاج عفشجي يبص عليه واظن طالما مش محجر او ضارب زيت يبقي سليم
ومساعدين متسوبيشي بومه تركب عليها سواء استيراد او مونرو
او كي واي بي
ولا افضلهم لائنهم مابيستحملوش وزن ال 516 الثقيل
لاءنها اثقل من البومه
الاناره اوبشن في العربيه علشان لو حبيت تفتح العربيه بس بتطفي بعد دقيقه مش 10 دقائق
الزينون مافهمش فيه
النصيحه الاهم لو حبيت تاخد بيها
مش اي حد يشتغل في العربيه
ليها ورشها المخصوصه
وماتشتريش غير قطع الغيار الاصليه