معلومات هامة عن انواع بوجيهات ngk للعربية دايو لانوس

**hytham_112** · 19-03-2014 11:59 AM

احب اوضح ان المعلومات ده من على موقع NGK
بدون اى فتى من عندى مجرد تجميع للمعلومات عشان كلنا نستفيد وحنبتدى باول نوعين:
اولا: البوجيهات الاستاندارد كودها BPR6ES

وده مش محتاجة شرح لانها بتدينا الاداء العادى

صورة راس البوجيه

ثانياً: V-Power وده كودها BPR6EY

الخلاصة: التحسين فى النوع ده تم بانه تم تعديل السطح اللى بيخرج الشرارة ليكون عبارة عن نقطتين اللى هما زى سطح حرف V بدل من السطح المستوى فى النوع الاستاندارد اللى من عيوبه انه بيشتت شرارة الاشعال وبكده بيتم تركيز الشرارة وخروجها من نقطتين بدلا من سطحوالنتيجة اداء اعلى وعمر اطول مقارنة بالاستاندارد.
وده صورة راس البوجيه عبارة عن V Groove

**hytham_112** · 19-03-2014 12:07 PM

ثالثاً: : G-Power وده كودهاBPR6EGP

الخلاصة: تم تعديل راس البوجيه ليكون من مادة البلاتينيوم المقاومة للحرارة والتآكل و بقطر 0.6 مم لزيادة تركيز شرارة الاشعال والنتيجة اداء اعلى وعمر اطول مقارنة بالنوع السابق.
وده صورة راس البوجيه

رابعاً: Iridium IX وده كودها BPR6EIX

الخلاصة: تم تعديل راس البوجيه ليكون من مادة الايريديوم الاشد مقاومة للحرارة والتآكل و بقطر 0.6 مم لزيادة تركيز شرارة الاشعال والنتيجة اداء اعلى وعمر اطول مقارنة بالنوع السابق.

وده صورة راس البوجيه

اتمنى الناس تستفيد بالمعلومات ده فى اختيارها لنوع البوجيه المناسب

ناقص بقا لينك شركة NGK

NGK Spark Plugs USA
وحتحط بيانات العربية بتاعتنا
بيانات الوكيل فى مصر
شركة التوفيق للتجارة ( 18 ش قدرى السيدة زينب & 220 ش شبرا & 5 ش الحرية بالمعادى الجديدة )

**hytham_112** · 19-03-2014 12:41 PM

بخصوص النوع V-Power وده كودها BPR6EY
فالموجود فى السوق كود BP6EY بدون حرف R وبالرجوع لموضوع قديم من الاستاذ SkyBird لقيت ان الرمز ده معناه أن البوجيه من نوع RESISTOR المقاوم للتشويش الالكتروني وعدم وجود الرمز معناه ان مش مقاوم للتشويش مع ملاحظة انى لما استخدمته ما كانش فيه مشاكل ولا تشويش بس انا حبيت اكمل المعلومة للاخر