مع السلامه يا m11 ويااحلى قسم

**aftr** · 20-03-2014 01:58 AM

تم بيع m11 لسبب ظروف مرضى الحمدلله على كل شئ ربنا يعوض عليا خير ويبارك اللى اشترى وبصراحه العربيه دى عرفتنى على أحسن ناس فى الدنيا وأحلى موقع شوفته فى حياتى وان شاء الله لما ربنا يكرمنى هشترى m11 تانى لان بجد حمالة قاسيه ومع مرور ٤سنوات فضلت على نفس الحالة من سحب ومن ثبات ودهان وكل حاجه بجد حلال فيها الفلوس واللى حابب يشترى العربيه يشتريها وهو متطمن مع السلامه اخوكم أيمن راضى

**hugan** · 20-03-2014 02:00 AM

المشاركة الأصلية كتبت بواسطة aftr

تم بيع m11 لسبب ظروف مرضى الحمدلله على كل شئ ربنا يعوض عليا خير ويبارك اللى اشترى وبصراحه العربيه دى عرفتنى على أحسن ناس فى الدنيا وأحلى موقع شوفته فى حياتى وان شاء الله لما ربنا يكرمنى هشترى m11 تانى لان بجد حمالة قاسيه ومع مرور ٤سنوات فضلت على نفس الحالة من سحب ومن ثبات ودهان وكل حاجه بجد حلال فيها الفلوس واللى حابب يشترى العربيه يشتريها وهو متطمن مع السلامه اخوكم أيمن راضى

1000مليون سلامه عليك
ربنا يعوض عليك باحسن منها

**M I D O** · 20-03-2014 03:19 AM

يا راجل عربية اية وبتاع اية صحتك بالدنيا .. الف الف سلامة عليك انا اعرف انك من الشرقية تقريبا وانا كنت بنزل هناك كل فترة كدة ولو انت من الشرقية فعلا انا هنزل في اقرب فرصة وهقابلك واتعرف بيك علي ارض الواقع و اتطمن عليك وان شاء الله تقوم بالسلامة وربنا يشفيك ويشفي كل المسلمين

**amr elsisi** · 20-03-2014 08:49 AM

ربنا يعفو عنك ويجعلة في ميزان حسناتك
بس ماينفعش تقطع الصداقة ربنا يحاسبك
ادخل علي فترات سلم علي الرجالة وطمنا عليك

**saddam** · 20-03-2014 07:34 PM

صديقي المواطن
طبعا بعد قولك لهذه الكلمات وهذا الموضوع المؤلم فما الذي تتوقعه منا نحن الهم قد ركبنا ووصلنا إحساس بأنك تودعنا بشخصك الكريم أيضا يعني عربيتك إتباعت حضرتك تسيبنا ليه وإحنه بنعزك وبنقدرك ثم كنت أتمنى لو مش يزعلك تكتب عالعام ولو صعب خليها عالخاص يا ريت شوية تفاصيل عن ظروفك عشان نفكر معاك ونطلع بحلول ونشوف إيه المتاح ونشوف نقدر نوقف جنبك بأنهي طريقة تناسبك وتسعدك ومنتظرين منك الرد ونحن كلنا معك وإخوتك في ظهرك وإسبرانزا m11 عربية ممتازة وظلمت ﻷنها جاءت مرافقة لسنين الثورة فظلمت ولم تسوق صح ولم يتم عمل دعايى كافية فلم تحقق ما تستحقه من إنتشار لكنها عربية أصيلة وعوضك الله عنها خيرا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**ahmed_moeaz** · 20-03-2014 08:30 PM

شافاك الله وعافاك وربنا يعوض عليك

**abohanafy27** · 21-03-2014 07:01 AM

والله يا استاذ ايمن لما قريت الكلمتين الي انتا كتبهم دمعت وحسيت انك صاحبي من زمان واني هفتقدك وفعلا اجدع ناس في مصر كلها هم اعضاءهذا المنتدي لا تتركنا واذكرك بحديث اشرف الخلق يبتلي المرئ علي قدر دينه فان كان في دينه صلابة زيد في بلاءه واسال الله لك العفو والعافية