مشكلة مع صني 2010( بتقف و هيا ماشية) .. يا ريت الخبرة و المساعده

**mohamed hatem** · 20-03-2014 11:00 AM

السلام عليكم يا شباب

انا معايا صني 2010 والعربيه حصلها حاجه غريبه من فترة و بتورح وترجع تاني نره او مرتين في الشهر
القصه ان العربية بتبطل مرة واحده و انا ماشي او وانا مهدي عند اشارة او مطب .. وتفصل لازم ادور تاني
وسعات بتغيب في الدوارة بس بتلقط بعد كده وتشتغل عادي
وجربت كل حاجه كالاتي :
- غيرت فلتر البنزين
- غيرت بوجيهات
- نظفت دورة الحقن وظبط كمبيوتر بعدها
- وغيرت فلتر هواء
وعملت فحص كمبيوتر في سنتر وقالي ان حساس الهواء مش مظبوط ومحتاج يتغير عشان بيهيس
المشكلة ان العيب بيروح ويرجع كل فتره ولمبة الموتور ( اللي هيا بتبين في مشكلة كمبيوتر وكهرباء ) مش بتثبت سعات بتنور وسعات لا
والمشكلة اني عرفت ان الحساس ده غالي ومش عارف الاقيه غير في التوكيل وخايف اجيبه ويطلع مش هوا العيب
وكمان السحب كويس لما بتبقى الامور عاديه ومش بتاكل بنزين ... بصراحة انا اتجننت ونفسي حد يقولي عيب صريح عشان اتعامل معاه

ممكن الافادة من اصحاب المعرفه و الخبره .. وشكرا مقدما

**mohamed hatem** · 20-03-2014 11:07 AM

اه نسيت اقول انها اتوماتيك .. وبرده كشفت على الفتيس ومكنش فيه مشكله

**simon659** · 20-03-2014 11:59 AM

ربنا يوفأك يا صحبي وخيير بأزن الله

**م.أحمد الدسوقي** · 20-03-2014 01:46 PM

مفيش اي اصوات او رجرجة او عادم او اي حاجه غريبة لما بتبطل؟!

**Kefo_Honda** · 20-03-2014 02:52 PM

ممكن يكون حساس ايدل و ممكن تكون الضفيرة حضرتك ممكن تروح للميكانيكى يفك الحساس ينضفه بسبراى الاول و بعدين تجرب علشان متكلفش نفسك

**mido200039** · 20-03-2014 03:15 PM

ديه ممكن تكون مشكله فى ضفيره الكهرباء بتاعت الماتور لانه طعا مصري وصناعه زفت هيا سبب مشاكل الماتور

**mohamed hatem** · 21-03-2014 08:12 PM

شكرا ليكم يا جماعه .. و الله انا تعبت فعلا ومش عارف اعمل ايه واهل الخبرة اللي اعرفهم نصحةني اني اسيبها كده لحد متقف خالص وتجيب اخرها وساعتها يبان العيب عند اي حد او حتى لو روحت للتوكيل بدل ما كل حد يفتيلي ويقعد يجرب ... بس معظمهم قالوا هو عيب حساسات

**Abo_Mazen** · 21-03-2014 09:33 PM

هقولك على حاجه ممكن تطلع هي السبب ..بس ما تستغربش ...ممكن يكون طقم فيوزات عند فيه حاجه ..حصلت معايا قبل كده ...خدت مطب عفي ..العربية ما ردتش تدور بعدها ..وطلع في الآخر ..فيوز فصل ..أهو إحتمال برضه ..