مقارنة بين اجمد 3 عربيات شبابى على مستوى العالم !!

**maio_do** · 20-03-2014 04:26 PM

بسم الله الرحمن الرحيم

السلام عليكم ورحمه الله

المقارنة ملهاش علاقة بمصر لاننا بنشوف العربيات دى معظمها جمرك انا هقارن بسوق السعودية

واللى ميعرفش السوق هناك يقول رايه برده من حيث الشكل الامكانيات يقول رايه

الشيفروليه الكمارو ودى انا بميل ليها علشان التصميم بتاعها جامد

الدودج تشارجر ودى موجوده فى مصر بسعر 750 الف ودى بميل ليها علشان 4 باب والباقى كوبيه

فورد موستينج مش عجبانى يمكن علشان شهرتها بس وبسمع عليها من صغرى وكل فيلم تيجى فيه

التلاتة امريكى بنفس الفئة السعرية اية اكتر واحده فيهم تشدك ليها واللى يعرف سوق السعودية يقولنا التوكيل واعادة البيع وسعر قطع الغيار

**hossam_elwani** · 20-03-2014 05:46 PM

موستينج وبعدين كمارو

**EmadFox** · 20-03-2014 06:19 PM

متابع

**maio_do** · 20-03-2014 07:52 PM

المشاركة الأصلية كتبت بواسطة hossam_elwani

موستينج وبعدين كمارو

ليه يا باشا ؟ تقييمك مجرد الشكل ولا فيه اسباب؟

**J A G U A R** · 20-03-2014 08:38 PM

الكمارو اكتر شكل شبابى

**Abdo Taha** · 20-03-2014 10:03 PM

اكيد الكمارو معشوقتي شكل هجومي جدا جدا سواء من الامام او الخلف و المقصورة بتاعتها بحبها عن الموستانج

**maio_do** · 21-03-2014 01:28 AM

المشاركة الأصلية كتبت بواسطة semsem5144

# الكمارو فى نظري احلاهم مع تحفظي على تعديلات 2014 حاسس انها بوظت شكل العربية وخصوصا الفوانيس الخلفيه
- وكيلها فى السعودية الجميح ميزته انه منتشر فى السعودية وعنده تقسيط مباشر وعيبه ارتفاع اسعار الصيانه وقطع الغيار وده بيسبب انخفاض كبير فى اعادة البيع
- فئة ال ls و lt بتنزل 6 سلندر 312 حصان 3600 cc
- فئة ال ss موتورها 6200 cc اوتو حوالي 400 حصان ومانيوال حوالي 426 حصان سعرها يبدأ من 200 الف ريال

# الدودج تشارجر رقم 2 فعلا ميزتها انها صالون واسعه وعائلية نفس فكرة الm5 وسعرها منطقي جدا بالنسبه لامكانيتها
- وكيلها المتحده للسارات فاشل جدا وده سبب اساسي ان سعر اعادة البيع ضايع بس بيقولوا انو افتتح اكبر مركز صيانه فى الشرق الاوسط فى جده وان الاوضاع اتحسنت
- فئة ال6 سلندر 3600 cc فتيس 8 نقلات حوالي 290 حصان وسعرها بيبدأ من 95 الف ريال
- الr/t هيمي 8 سلندر 5700 cc حوالي 370 حصان ودي الفئة الموجوده فى مصر سعرها فى السعودية 128 الف ريال وفى مصر 760 الف جنيه
- ال srt جباااره شكلا وموضوعا 8 سلندر 6400 cc حوالي 470 حصان وسعرها 185 الف ريال

# اخيرا الموستانج من 2005 للنهارده والتعديلات عليها بسيطه تعتبر فيس ليفت مش اكتر وفى 2015 ان شاء الله الشكل هيتغير
شكلها حلو واسعارها معقولها
- وكيلها توكيلات الجزيره للسيارات وكيل متوسط فى كل حاجه
- بتنزل بموتور 6 سلندر sohc حوالي 210 حصان 4000 cc وفي رأيي الموتور ده ضيع هيبة العربيه
- ال gt موتورها 8 سلندر 4600 cc حوالي 300 حصان
- ال boss 8 سلندر 444 حصان
- العظيمة shelby gt500 5400 cc supercharged v8 حوالي 550 حصان وفي موتور جديد 5800cc v8 حوالي 660 حصان
فئات الموستنج كتير وبصراحه معرفش اسعارها التفصيليه

طيب مبدأيا كده على حسب كلامك هتبقى على الاساس الاتى

الفورد موستينج لتوسط التوكيل فى كل حاجة واكيد ده هياثر على سعر اعادة البيع يعنى هى افضل فى اعاده الببع وقطع الغيار من الاتنين ؟

والدودج كنت بفكر فيها لانها الوجيده ال 4 باب وده بيضمن الاستمراريه عليها بس انت مش مأكد ليا موضوع فرع جده ده وتاثيره فى اسعار قطع الغيار واعاده البيع ؟

الكمارو دى اللى انا بميل ليها بس كلامك على الجميح ميطمنش كده العربية نازلة بالخساره (بس بالنسبة للتوكيلات العالمية ظروفها اية؟ ) فارقه فى حاجة فى سمعه الشيفروليه ولا زى ماهى؟