مفيش سمكريه غير ف الحرفيين؟

**4fun14** · 20-03-2014 07:41 PM

عندي حكه بسيطه ف جنب العربيه.. مش معاكسه ف حاجه بس شكلها قبيح
سايبها بقالي حوالي سنه من قرفي من السمكريه وسنينهم
كلهم ف الحرفيين وبيعملوا شغلانه هبله ويضربولك رقم ف السما
يعني يدقدق ع الصاج 5 دقايق يقولك الحساب 350 يا بيه
تعمل ناصح وتقوله لازم نتفق ع السعر قبل الشغل يقولك ماشي بس نعل فرش الابواب الاول ونشوف الخبطه وصله لفين ومسمعه ف ايه وهوب
يبدا الشغل ويدبسك
قلت طب وانا ايه يجبرني ع المر.. جنبي حرفيين مدينه نصر ع الاقل ارتاح م المشوار والزحمه والقرف
دول باه وقعت معاهم ف واحد نصاب رسمي.. برضه يورطك بنفس النظام وبعد ما يحل الفرش او البطانه يسيبك ويفتح ف عربيه تانيه وتلاقي الشغل خلص وزي الزفت ويطلب منك اعلي من اللي بتدفعه ف الحرفيين وكانت خناقه وليله
ورغم ان هناك سمكربه كتير وبرضه ناحيه الكياو 4 ونص صنايعيه كتير وبرضه قصاد نادي السكه عند سمير ريان.. بس معرفش هل فيهم حد كويس ومحترم؟
ياريت لو حد يعرف حد ابن ناس ينقذني لاني بجد اعرف صنايعيه كويسين ف كل المجالات الا السمكره وكل ما اسال حد يقولي علي حد ف الحرفيين اللي هم استغلاليين لاقصي درجه

تم نقلة لقسم جسم السيارة داخليا وخارجيا .

**kokowasfy** · 20-03-2014 10:16 PM

اسوا صنيعية فى مصر السمكرية دا حقيقى و نسبة كبيرة جدا منهم نصابين مش كلهم اكيد لكن نسبة كبيرة اوى و خصوصا فى الحرفين نصب علنى و استغلال

**hassan777** · 21-03-2014 01:09 PM

حضرتك عايز سمكرى فى مكان معين يكون قريب منك .. ولا اى سمكرى كويس و مش غالى فى اى مكان ؟؟

**4fun14** · 21-03-2014 01:43 PM

المشاركة الأصلية كتبت بواسطة kokowasfy

اسوا صنيعية فى مصر السمكرية دا حقيقى و نسبة كبيرة جدا منهم نصابين مش كلهم اكيد لكن نسبة كبيرة اوى و خصوصا فى الحرفين نصب علنى و استغلال

اه والله فعلا..انا مش قادر عليهم ولود ال.....
المشكله ان السوق مساعدهم وتسعيرتهم فعلا Over rated

المشاركة الأصلية كتبت بواسطة hassan777

حضرتك عايز سمكرى فى مكان معين يكون قريب منك .. ولا اى سمكرى كويس و مش غالى فى اى مكان ؟؟

يستحسن يكون مدينه نصر ومصر الجديده لكن لو مفيش هروح لاى مكان طالما فى القاهرة "الجيزة لا" :D

**Zing0** · 21-03-2014 07:34 PM

أنا إللى أعرفه إن أحسن و أرخص صنايعية فى الأرياف
المنصورة و دمنهور
فى القاهرة معرفش بصراحه, بس واحد زميلى عربيته إتخبطت عالأوتوستراد نزل عملها بالصدفه عند واحد فى صقر قريش (زهراء المعادى) و كانت الخبطه محتاجه شغل جامد, بس الصنايعى طلع حريف و عملها كلها عالبارد و فضلنا نحاول نكشف مكانها فين فى العربيه بس معرفناش.

**maheralsisi** · 22-03-2014 12:17 AM

للاسف السمكرية بالذات لازم تكون رايحلهم عن طريق حد ثقة مجربهم
يعنى انت بتروح للميكانيكى و بتجرب و لما ترتاح معاه ما بتسيبوش
انما السمكرية ربنا يكفينا شرهم
يا اما صنايعى فعلا بس مقرف و مواعيد زى الزفت و يفتح الشغل معاك و يعلقك
ياما نصاب و هايسحب منك فلوس و هاتلاقى نفسك رميتها فى الارض
و ساعات كتير الاتنين
نصيحة لله لو الخبطة مش جامدة ماتسيبها . . . و اهى تاخد العين بعيد بالمرة
يا اما حضرتك ممكن تشوف المراكز اللى بتجدد شامل زى المركز بتاع المنتدى مثلا و فيه زيه كتير ممكن حضرتك تسأل و تشوف