الموضوع: ناوى على الداستر ... بس عندى شوية استفسارات

انا مقيم فى محافظة الشرقية
وما ادراكم ما هى محافظة الشرقية فى الطرق والمطبات
ففكرت فى عربيات عالية وواسعه تستحمل الجبال والطرق المكسرة الى عندنا
بس مكنتش لاقى حاجة على قد الميزانية وتدخل دماغى
لغية ما الداستر الفيس ليفت نزلت وبصراحة دخلت دماغى اوى خصوصا بعد ما غيرو التابلوه
فانا ان شاء الله نويت على فئة 4*4 ....... بس عندى شوية استفسارات من ملاكها

1- اخبار تكييفها فى الحر يعنى ساعه الضهر كده وهل بيسقع ولا عامل زى تكييفات الاوروبى
لان انا عندى التكييف مهم جدا خصوصا انى عندى كورولا وتكييفها بسم الله ما شاء الله

2- هل التكييف بيأثر على سحب العربية

3- هل العفشة ناعمة

4- هل فعلا زى ما سمعت ان العربية زى مسمعت مبتجبش اكتر من 160 كيلو كسرعه

5- اخبار قطع الغيار اية وهل هى غالية اوى وهل هى متوافرة بره يعنى مكن الاقيها فى التوفيقية مثلا بسهولة

6- ما هى اكثر العيوب الشائعه او الاكثر تكرارا التى قابلت اصحابها حتى الان

7- اخبار الثبات اية فى العربية

8- هل فعلا صوت الموتور زى ما سمعت بيكون عالى ومسموع جامد جوه العربيه يعد سرعه المائة

8- هل اجيبها من التوكيل واستنى كتير ولا معارض محمد ذكى التسليم منها اسرع

ومعلش تعبتكوا معايا
وشكرا مقدما

نظرا لعدم وجود رد من ملاك الداستر على استفساراتى
وهذا يدل على قلة ملاكها
فضلا عن عدم انتشارها تقريبا حيث اننى لم اجد سيارة واحدة منها بمحافظة الشرقية
فبحثت فى الفيس بوك حتى وجدت صفحة اسمها الداستر ما لها وما عليها
ومن مطالعه ردود ملاك الداستر فى هذة الصفحة تبين لى
السيارة اعطالها قليلة
العفشة ناعمة خصةصا فى الدفع الرباعى
السيارة واسعه وعالية عن لارض
ان صوت الماتور يكون عالى بدرجة مزعجة داخل الكابينه
السيارة اقصى سرعه لها فعلا هى 160 كيلو متر لكن السيارة بتكون ثابته والكل اجمع ان اى سيارة من هذة النوعية من الصعب تجاوز سرعة 160 كيلو بها نظرا لعلوها
غيارات الفتيس سداسى النسب غيارتها زى مبيقولوا قصيرة وده بيودى لكثرة النقل ما بين غيارات الفتيس ودة طبعا بيتعب الرجل
الدبرياج عالى
سعر إعادة البيع سئ
قطع الغيار متوافرة بالتوكيل لكن بخارج التوكيل مقدرتش اوصل لمدى توافرها من عدمه