طارة اللوجان

**mazenzyad** · 22-03-2014 06:02 PM

لوجى عمرها 3 سنين و 4 شهور و عاملة 30000 كم ، بس اللى زعلنى منها ان الطارة اتقشرت من مكان مسكة اليد و اصبح شكلها وحش ، السؤال اعمل ايه ؟ مع العلم انى مبحبش اركب اى حاجة زياده فى العربية حتى الكراسى سيبها على اصلها ،، افيدونا اصحاب الخبرة
معقولة الطارة تتقشر بعد 3 سنين ؟!!

**adel_edrees** · 22-03-2014 06:16 PM

هو أنت ماتعرفش مش التوكيل بيغيرها تقريبا في الضمان عموما أسأل على الموضوع ده

**mazenzyad** · 23-03-2014 06:36 PM

انا خرجت من الضمان .. سعرها كام يا ترى لو حبيت اشتريها

**Hany Saad** · 23-03-2014 11:25 PM

حضرتك ده عيب معروف و فرنسا بعتلهم بيه مذكرة....روح التوكيل و فهمهم انك عارف عن العيب و هيغيرولك الطارة مجاناً حتى وانت خارج الضمان.....و ابقى طمنا عليك
تحياتى

**tamer61** · 25-03-2014 12:28 PM

أنا عندي بوادر تقشير كده في الجزئين إللي بيتمسك منهم الدركسيون يمين وشمال ...... في فكره كده في دماغي عايز أعملها ... حجربها ولو لقيت شكلها حلو وعمليه حبقي أصورها وأقول لكم علي تفاصيلها. وربنا يسهلها.

**ahmednavigator** · 25-03-2014 02:28 PM

انا عربيتي ٢٠١٠ بره الضمان والطاره كانت سليمه وغيرتها في التوكيل كلمهم واسالهم

**tamer61** · 25-03-2014 03:20 PM

المشاركة الأصلية كتبت بواسطة ahmednavigator

انا عربيتي ٢٠١٠ بره الضمان والطاره كانت سليمه وغيرتها في التوكيل كلمهم واسالهم

أنا سألت أكتر من مره .... عموما ححاول تاني وشكرا ليك يا باشا

**Hany Saad** · 25-03-2014 03:49 PM

أسف على التأخير فى الرد......
هنعمل حل كده مع بعض و ربنا يسهل يظبط معانا

بما أن أستاذ مازن زياد هو أول واحد فتح الموضوع فهنبتدى الحل معاه:
أستاذ مازن عربيته لسه خاجة من الضمان من 4 شهور...طبعاً لازم تكون الصيانات كلها حتى وقتنا هذا معمولة فى التوكيل بأنتظام
1- أستاذ مازن هيروح التوكيل عادى جداً و يشتكى من التقشير و يطالب بالتغيير تحت الضمان بما أنه عيب صناعة...بس هارجع أقول تانى لازم الصيانات تكون معمولة بأنتظام فى التوكيل و إلا يفشل هذا الحل
لو وافقوا يبقى تمام
موفقوش:

ننتقل للحل رقم 2:

هندخل على صفحة رينو الشرق الأوسط على الفيس بوك renault middle east و نعمل بوست بالمشكلة بكل هدؤ و نقول أن العربية لسه خارجة من الضمان من 4 شهور و عاملة كذا ألف كم و الصيانات الدورية بتتعمل بأنتظام و الطارة قشرت و ده عيب تصنيع و أنا بطالب بتغييرها فى الضمان و التوكيل رافض يغييرها

برجاء تجربة الحلين دول و لو منفعوش هنصعد للحل رقم 3

بالتوفيق و طمنونى

-

الموضوع: طارة اللوجان

LinkBack

أدوات الموضوع

عرض

-

-

-

المواضيع المتشابهه

مشكلة فى طارة القياده (اوعى يقلك افكلك طارة الدريكسيون )

طلب من رجالة اللوجان اجيب جرايد شبكه سقف اللوجان منين

باركولي يا وحوش اللوجان استلمت اللوجان امبارح ودي ملاحظاتي عليها

مرايا اللوجان المغربى الكهربا تشبه اللوجان الرومانى موديل 2010

اللوجان مش بتعوم يا جماعة (موضوع هام لملاك و محبي اللوجان)

الكلمات الدلالية لهذا الموضوع

المفضلات

المفضلات

ضوابط المشاركة