الموضوع: تفرير كامل عن مركز اﻷقصى سكودا

انا فى مركز اﻷقصى بغمل كشف شراء fantasia 2010 المهم انا هبدأ اشرح من اول ما دخلت المركز لحد ما استلمت التقرير
1-العربية بتقف عند البوابة بتاخد كارت و يبدأ العاملين بوضع covers على اﻷرضية الكرسى و الدركسيون
2-احد العاملين بعد كدة يبدأ يعمل كشف ظاهرى زى لو فيه اى خبطة اى حاجة ناقصة غى العربية أو اى ملاحظات عامة بيكتبها و يمضيك علشان يحددلك حالة اﻷستلام و ده فيه ضمان ليك و ليه
3-بعد كدة بتخش اﻷستقبال و هنا فى مهندس بينده عليك عشان ياخد منك شوية معلومات فى الرخصة و يفهمك مراحل الكشف و انا المهندس اللى وقعت معاه كان خنيق شوية حتى مكنش عايز يخلينى انطق بأى كلمة
انا قلت مش مشكلة و نخلينا معاه لﻷخر
4-بعد ما تخلص مع مهندس اﻷستقبال بتطلع الدور التانى فى اﻷستراحة فيها wifi open,leather seats,air conditionning, buffet,clean bathrooms,television, view area to check your car


من اﻷخر حاجة حلوة
5-انا بقى قلت اطلع اشوف قسم قطع الغيار فى العربية اللى كنت بكشف عليها القاعدة البلاستيكية اللى تحت الفتيس كانت متقشرة و زرار الshifting فى الفتيس كان مشروخ فقولت اسءل عليهم فالرجل قللى انت قدامك حللين يا اما تطلبهم من برا ب 3000 او احنا بنبعت مندوب للحرفيين يجبهالك انا بصراحة فرحت لما سمعت ان هما متعاونين لهذا الحد و الراجل كان بصراحة محترم جدا
6-الكشف بياخد من 3 الى اربع ساعات و الحقيقة انه خلص فى 3 ساعات بالضبط
7-مراحل الكشف كانت كاﻷتى ميكانيكا،كهرباء،سمكرة و دوكو و طبعا الميكانيكا تشمل الموتور، دوره السواءل،العفشة،الفتيس و كل ده من خلال اﻷجهزة و تجربة السيارة فى اخر الكشف
الكهربا تتضمن كهربا السيارة + اﻷدوات داخل ااسيارة كالكاسيت،اﻷنوار،الزراير والمرايات وطبعا السمكرة ليست البودى فقط و لكن حالة السيارة من الداخل ايضا
8-بعد التجربة و هى مرحلة للتأكد من صحة تقارير ااسابق تجلس مع المهندس ليراجع معك التقرير و يعطيك الخلاصة و يسلمك كتيب يوجد به كل شئ عن حالة السيارة
اخيرا مع انى فى اﻷخر لم اشترى السيارة و لكنى اقتنعت به تماما