الموضوع: تحذير من كورولا 2014

المشاركة الأصلية كتبت بواسطة محمود فاروق

الى كل من يريد شراء سيارة جديدة كورولا 2014 ارجو الانتظار لوجود عيب خطير و هو قربها الشديد من الارض مما يسبب احتكاكها فى الظلط الموجود بالاسفلت للاسف لم اجد من ينصحنى عند شرائها حيث انى قمت بشرائها اول مانزلت و ارجو من تويوتا اعادة تقييم السيارة للسوق المصرى مرة اخرى و شكرا.

اولا مرحبا بيك عضو جديد في منتدي نايل موتورز.
ثانيا حضرتك اشتركت النهاردة او دلوقتي حالا عشان تدخل تقول ان العربية فيها عيب خطير انها بتحك في الظلط !!! و لا قصدك المطبات.
المفروض قبل ما حضرتك تشتري العربية تكون عارف مواصفاتها وان ارتفاعها عن الارض 12.5 سم من اوطي نقطة و هذا لا يعيب العربية نهائيا لكنه عيب شوارعنا في مصر.

عموما انا مش عاوزك تقلق خالص من الموضوع ده لكذا سبب :
1. العربية مصفحة من تحت, ولو مقلق انك حكيت ارفعها و اتفرج عليها من تحت وقولي لو فيه اي خدش.
2. تم تعديل ارتفاع العربية بما لايضر الثبات و ده للعربيات الجديدة.
3. سيتم استدعاء العربيات القديمة لعمل التعديل اللازم و ببلاش في خلال شهرين من تويوتا ايجيبت بما لا يضر الثبات, ,وده ابسط رد علي طلب حضرتك ان اللي عاوز يشتري العربية ينتظر و انا مش شايف ان في اي داعي للانتظار لأنها اتعدلت بقالها 3 شهور يا فندم .
طيب هل دي حاجة الزامية لتويوتا انه يعمله و ببلاش ؟؟ انا شايف لأ بصراحة لأن ده عيب في الشارع مش في العربية بس عموما هي حركة كويسة جدا من تويوتا ايجيبت انه يستجيب بسرعة و ميكلفش العميل اي حاجة .

بس انا ليا سؤالين عند حضرتك :
1. ليه متسألش قبل متشتري و تبقي عارف موصفات العربية اللي بتشتريها ؟
2. ليه معملتش شكوي و قولتلهم المعلومة دي ؟

احب ارحب بيك مرة تانية , و منورنا

المشاركة الأصلية كتبت بواسطة hany63

هوا فيه حاجه اسمها بتحك في الزلط ؟!!!! طب ما تقول بالمره انها بتزحف مش بتمشي

انا بصراحة متعايش مع الارتفاع و مش عاملي ازمة و بفكر معملش التعديل ، بس تعليقات الناس بصراحة تخلي الواحد يشك في نفسه انه راكب تمساح او سحلية او اي نوع من الزواحف