استلام 301 و قريبا المقارنه الكبري

**د.عماد صلاح** · 23-03-2014 09:14 PM

استلمت النهارده 301 من الفرع اللي في وادي النيل و رخصت في مرور فيصل -و بئس المرور -
قدت السياره 35 كيلو و طلعت بيها الدائري وزي مانتوا شايفين فانا معايا اوبترا شاريها من 8 شهور و البيجو جبتها للمدام فالملاحظات دي مبدئيه عن البيجو و قريبا في مقارنه بين السيارتين
اولا صالون البيجو اصغر خاصه بالعرض و التقفيل اقل قليلا من الاوبترا في الخامات
ثانيا تحت ال 60 كيلو الاوبترا تسبق بس بعد ال60 البيجو وحش حقيقي
صاج العربيه البيجو و دهانها احسن من الاوبترا
في الاتنين العفشه ناشفه بس ثبات العربيتين ممتاز
الشكل الخارجي البيجو احلي واجمل
الفرامل ...فرامل البيجو لسه بتطبع فمش قادر احكم

الفني اللي بيرفع البصمه كان عارف موضوع الخرطوم و اخد باله منه
لاحظت ان علي ار بي ام 3 سرعه البيجو تقريبا 115 بينما الاوبترا 130 تقريبا
ان شاء الله اتعرف علي العربيه اكتر و اعمل مقارنه حقيقيه و مفصله بس ادوني شهر كده

**J A G U A R** · 23-03-2014 09:42 PM

الف مبروك الاستلام وربنا يباركلك وفى انتظار باقى التقرير ..
وياريت توضحلنا هل فى فرق فى الركوبه بين العربيتين .. علشان الجماعه اللى بيقولو اوروبى ومش اوروبى وكورى مين يا عم والكلام ده .