يعجبني فيك دقتك المتناهية في الوصف بادق التفاصيل
ربنا يوفقك وان شاء الله ربنا هيجازيك خير عشان انت بتحاول تفيد الجميع
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
السلام عليكم و رحمة الله و بركاته احبابي و اعزائي بقسم سيات
اكثركم يعلم ان سير كاتينة عربيتي كان اتقطع منذ فترة طويلة و من وقتها و انا ركبت السير القديم اللي كان اساسا راكب لما اشتريت العربية
الحمد لله لقيت السير جديد ماركة gates و تصنيع اوروبي و خامته كويسه و تصنيع حديث منتصف 2013 و بدأت رحلة تركيبة ...
ده موقع الشركة المصنعه للسير
Powering Progress™ in belts, hose & hydraulics
.. حاولت اركبه بنفسي و لكن ملقيتش حد يقف معايا اركبه و معرفتش افك صامولة طنبورة سير المجموعه اللي راكبه علي عمود الكرنك
رحت للاسطي عصام الميكانيكي اللي في مشعل بعد ترتيب من المهندس محمد سيد ربنا يباركله علي مساعدته و قوفه معايا يومين ورا بعض و قابلت استاذ محمود غانم هناك كان بيسقط ماكينة لعربيته و جربناها مع بعض
اولا انا عارف ان ماكينة عربيتي معقده و مش اي حد بيعرف تتظبط ازاي و انا بفضل الله لدي معرفة عن كل تفاصيلها لذلك لما رحلته مكنش يعرف ازاي تتظبط كاتينتها و انا سالته فهو بدا يشرح او يفكر قلتله انا ... هي بتتظبط كده و عرفته و بدانا نركبها سويا ... ركبناها و هو بيركب طلعت مأخره سنه و للاسف كنا قفلنا و مرجعناش عليها من اول دوارة للعربية و هي مش مضبوطه فقلي لا دي كويسه و ده مش كاتينة و مشيت
راجعت انا عليها لما روحت لقيتها ماخره سنه كلمته تاني يوم و رحتله و ركبناها و راجعت عليها بنفسي قبل التقفيل و قلتله كده تمام و علي مسئوليتي و كمل انت بقي التقفيل الباقي
خلصت العربية كله تمام و مشيت انا مهندس محمد انا مروح اكتوبر و هو جه معايا في عربيتي وصلته شغله و هو بيقلي انا حاسس ان العربية صوته عالي قلتله يمكن شكمان اصله مش مظبط قوي عندي و فيه صوت خفيف المهم زجاج الباب الامامي يمين نزل و مرضيش يطلع و روحت لقيت الماكينة الكهرباء بتاعت الزجاج وايرها اتقطع و فككت الباب و طلعت الماكينة و بركن العربية في مكان كويس عشان الزجاج ملزوق و ممكن اي حد يفتحه لقيتها كراكه .........
صوت العربية خشن جدا جدا جدا كمحرك ركنت و بطلت ... فكيت الكاتينة لقيت بلية الشداد سايبه و مش مربوطه و السير مهوي خالص و بيخبط في غطاء السير و عامل فرح جوه
اتعكننت عشان بعد يومين شغل عند ميكانيكية ارجع الاقيني محتاج افك كل الشغل تاني و كمان بقي خطر انك تمشي بيها كده و السير سايب و معرض للقطع و الحمد لله انه متقطعش و انا ماشي بيها انا و محمد و كانت احلي عكننه
السابق كله كان يوم الجمعه + السبت اللي هما اجازتي
الاحد صباحا قررت مرحش الشغل لأنه مينفعش من غير العربية و بهدله و وقت ضايع كتير عشان اوصل ... قررت انزل افك كل حاجه بنفسي و اظبط عربيتي
نزلت انا و ابن اخي و فكيت الكاتينة كلها تاني لأني مينفعش تشد علي السير من غير فك طنبورة المجموعه و غطاء السير كله و المفاجاه لقيت بلية الشداد مش مربوط عليها خالص + طنبورة المجموعه اللي بيمسكها مسمار برأس مقاس 19 مشرشر مهوي و اتفك بسهوله رغم انه المفروض يتقرط عليها جامد
1- ركبت الكاتينة و عدت عليها
2- شديت علي السير كويس عشان ميلبش و يخبط في الغطاء و عشان اساسا طويل
3- قفلت كله و جربت العربية و الحمد لله كله تمام
4- فكيت غطاء وش الكامات عشان جوانه بيسرب زيت و عصام قلي كبر دماغك هو كده عادي و لكنه مغرق جسم الماكينة زيت و عملي نقطه تحت الكارتيره يعني لو اي حاجه باظت في المحرك او سربت زيت مش هعرف لنها غرقانه علطول
جوان الغطاء ناشف جدا و معقد جدا جدا اخدته هو و الوش و نزلت ادور عليه عند بتوع قطع الغيار في اكتوبر و ملقيتهوش و لا ينفع بتصب لأن معقد
اشتريت انبوبة سيليكون حراري اصلي اسباني ب 70 جنيه (فيه زيها ب 10 جنيه ) بتستخدم لتقفيل اي جوانات او اولسيهات او كارتيرات زيت
اشتريت زجاجة نفط و صنفرة ناعمه و رجعت البيت قدعت ساعتين او ثلاثة تنظيف و غسيل للوش و الجوان نفسه و جسم الماكينة من فوق و خليت كل الاسطح اللي هتتقفل مع بعضها بتلمع و مافيهاش اي شوائب او زيت او اي شيء
حطيت طبقة سيليكون خفيفة تحت الجوان و فوقه و قفلته في الوش و نزلت قفلته علي المحرك و ربطت و قفلت كل حاجه تمام و كله زي الفل بفضل الله و لكن لسه منتظر مع التجربة فترة هل هيمنع ولا لأ و يارب مجهودي ميرحش هباءا
خلصت و نزلت اشوف ماكينة الزجاج اليمين لقيت واحد بيصلحهم (هي محتاجه كام واير و بكره و تقفيل و ممكن اعملها و لكن مافيش وقت ... الحمد لله ) اديتها للراجل و قلتله كل مكوناتها معاك اهه هتنفع ؟؟؟ قلي ايوه هركبلها وايرات و لو احتاجت بكرة هركبها و بكرة تعالي خدها و هتتكلف 80 جنيه قلتله ماشي و سبتها
رحت اشتريت سير مجموعه كمان ب 65 جنيه كندي مقاس 6bk 1195 ده مقاس السير الاوريجينال عندي و ركبته و انا واقف قبل ما امشي
ربنا كرمني و لقيت كمان و انا مروح مركز تغيير زيوت و الحمد لله لقيت عنده جهاز شفط (عندي مافيش طبه و بشفط الزيت من يوم ما اشتريتها ) و فلتر نضيف ب 50 جنيه و وافق يغيرلي زيت كان معايا الماني wolver لسه جديد في المنتدي 5w40 غيرت الزيت كمان و حطيت وولفر ده تخليقي بيمشي 15 الف كيلومتر ... الزيت اللي شيلته من العربية و اللي ماشي بيه من يوم ما اشتريتها من ثلاث سنوات هو فيسكو 5000 التخليقي 5w40 برضه و منزله علي 16 الف كيلومتر
غيرت زيت و فلتر و دفعت 50 فلتر و 5 جنيه مصنعية تغيير و ان شاء الله هغير عندهم علطول ناس محترمه و زوق و حاجه اخر حلاوة
اخيرا تعليقي علي عصام الميكانيكي :- الراجل محترم و خلوق و ممكن يشتغل في عربيات كتير و لكن مش عربيتي .. مصنعيته كويسه جدا و مرضيش تاني يوم ياخد فلوس ... معجبنيش في التقفيل و الصنعه قوي و مش هروحله تاني ان شاء الله لأنه كان هيجيب اجل المحرك عندي و التفاصيل فوق رغم انه هو اللي مقفل كل حاجه بايده و بنفسه
كل الشكر و التقدير لخي و صديقي العزيز محمد سيد
و بالتوفيق للجميع و لو حد حابب صور او اي معلومات انا صورت الجوان فقط و اخدت البارتنمبر بتاعه عشان لو مظبطش اشتريه لو حتي من بره مصر
اي تفاصيل انا في الخدمه و ربنا يعينا جميعا و اتعلمت اني طالما بعرف اتعب شوية و اعمل بنفسي ارحم مليون بل مليار مره من بهدلتك عند اي حد و في الاخر مش هيعجبك و هيخربولك الدنيا
الله المستعان
م / إيهاب منصور
SEAT CORDOBA 2002 1.0 16V AVZ
رقم العضوية : 156247
تاريخ التسجيل : 19Feb2014
المشاركات : 108
النوع : ذكر
الاقامة : مصر الجديدة
السيارة: Ford Escort 89 Sold
السيارة[2]: IBIZA 94
الحالة :
يعجبني فيك دقتك المتناهية في الوصف بادق التفاصيل
ربنا يوفقك وان شاء الله ربنا هيجازيك خير عشان انت بتحاول تفيد الجميع
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
م / إيهاب منصور
SEAT CORDOBA 2002 1.0 16V AVZ
رقم العضوية : 137317
تاريخ التسجيل : 26Mar2013
المشاركات : 750
النوع : ذكر
الاقامة : El Sheikh Zayed city
السيارة: Suzuki Swift Dzire 1.2 cc
السيارة[2]: seat Ibiza 94
دراجة بخارية: لا يوجد
الحالة :
مجهود جبار الله أكبر
ماشاء الله
وان شاء الله تعبك مش هيروح هدر بس صدقنى مفيش ميكانيكى هيقدر يعمل اللى انت عملته ده
وعصام راجل كويس جدا بس احيانا بيتساهل فى بعض الحاجات لكن المجمل بتاعه كويس بس قدر الله وما شاء فعل
Suzuki Swift Dzire 1.2 cc
رقم العضوية : 5313
تاريخ التسجيل : 06Feb2008
المشاركات : 301
النوع : ذكر
الاقامة : Cairo
السيارة: سُبْحَانَ اْلَّذِي سَخَّرَ لَنَا هَذَا وَ مَا كُنَّا ل
السيارة[2]: Seat-IBIZA-2001
دراجة بخارية: no
الحالة :
بسم الله ما شاء الله
شغل عالي جدا ربنا يباركلك عليه واسلوب شيق وجميل في الكتابه
ملحوظه رفيعه
( ايه رأيك يا باشمهنس في فتح ورشه كده ونعامل فيها اعضاء القسم والأقسام المجاوره )
سبحان الله وبحمده سبحان الله العظيم
SEAT IBIZA MK3 2001 Engine 1.0 8v MPI
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
معلش يا هندسة وقدر الله وما شاء فعل
الحمدلله انك بخير واكتشفت القصة دي بدري
ولعل السيليكون يجي بفايدة
تحياتي
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
ربنا يكرمك و الحمد لله كله تمام حتي الان بفضل الله
بما يخص عصام فانا قلت رأيي فيه بكل امانه و لكني زعلان جدا من تنفيضه لي لما كلمته تاني بعد ما مشيت من عنده .... الخطأ اللي عمله ده مصيبه سوده = فيها محرك ... يعني كان ممكن يجيب اجل المحرك بخطأ زي ده
الله المستعان
ربنا يكرمك يا احمد بيه ... علي فكرة انا معنديش مانع لكن عندي اسباب مخلياني خايف من القصة دي و لكن محتمل قريبا تشوفني في حاجه زي كده او علي الاقل هبدأ ان شاء الله
م / إيهاب منصور
SEAT CORDOBA 2002 1.0 16V AVZ
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
ربنا يكرمك يا هندسه و الحمد لله علي كل شيء و لكنك متعرفش البهدله اللي اتبهدلتها سواء مع عصام او لما اشتغلت بنفسي
لعلمك انا بكون في منتهي السعاده و انا بعمل شغلي بنفسي او احل مشاكل بشكل تقني سليم و مرتب و مميز و دقيق سواء لي شخصيا في حاجتي او لأصدقاء او في شغلي و مهما اتبهدلت و تعبت جسديا برضه بكون سعيد لأني وصلت لنتيجه و حلول بفضل الله و لكن ده ميمنعش اني بتحطم نفسيا لما اضيع نهار كامل علي يومين جمعه و سبت ناهيك عن فلوس دفعتها و تكلفة مشاوير و وقفة و بعد كل ده ارجع اعمل كله تاني !!!!!!!!!!!!!!!!!!!!!!!!!!! ليه !!!!! ؟؟؟؟؟؟؟؟؟؟؟؟؟؟؟؟؟؟؟؟؟
يا ناس امال اللي ميعرفش بيعمل ايه ؟؟؟؟؟؟؟؟؟؟
فيه ارواح بتكون امانه في ايدي الناس دي و غيرها و زيها كتييييييييييير في مصر و فيه ناس بتموت بسبب اهمال زي ده !!!!!!! و فيه ناس فلوسها بتضيع بسبب اهمال واحد زي كده
الله المستعان
بس علي العموم انا زعلان ان ده ردك بس و منتظر اشوف ردك كاملا و رأيك في كلامي و تقييمي و كل ما كتبت لأنك كنت موجود في كل القصة دي و هل انا ظلمت عصام كده ولا لأ !؟؟؟؟ منتظر رأيك بكل امانه
م / إيهاب منصور
SEAT CORDOBA 2002 1.0 16V AVZ
رقم العضوية : 16065
تاريخ التسجيل : 09Aug2008
المشاركات : 3,929
النوع : ذكر
الاقامة : 6 اكتوبر - الحي الثامن
السيارة: Grand Terios 2012
السيارة[2]: Seat Cordoba 2002
دراجة بخارية: لا يوجد
الحالة :
اخر الأخبار و النتائج اليوم :-
1- فيما يخص الجوان و السيليكون الحمد لله انتهي التسريب و مافيش اي زيت متسرب بعد مشي مسافات تصل الي 120 كيلومتر
2- تقييمي لزيت وولفر ... اكثر من رائع المحرك اكنك اديته منشط السحب افضل و التسارع خاصة مع السرعات و هدوء ملحوظ لصوت المحرك ... بعد الف هعمل تقرير عنه و بعد 5 و بعد 10 و ان شاء الله لو استمر هعمل بعد 15 الف
3- تم اصلاح ماكينة الزجاج و دفعت 80 جنيه و الراجل قفلها و ظبطها اخر حلاوة الصراحه اكنها زيرو بل افضل ... راجل عنده ضمير و محترم جدا و هروحله في اي حاجه تخص الابواب او ما شابه و قلي انه بيعمل قواعد المرايات صب المونيوم عشان متتكسرش للي مرايته تبوظ و لو حد محتاجه انا في الخدمه
و بالتوفيق للجميع
م / إيهاب منصور
SEAT CORDOBA 2002 1.0 16V AVZ
رقم العضوية : 130446
تاريخ التسجيل : 20Oct2012
المشاركات : 3,423
النوع : ذكر
الاقامة : cairo
السيارة: Ibiza Or Golf
السيارة[2]: Ibiza 2000
الحالة :
صديقى اخى العزيز مهندس إيهاب
ماشاء الله عليك دماغ عاليه وشغل طبعا واحد فاهم كويس ماشاء الله
انا كده عرفت ليه انتا مضايق اصل مشاركتك فى موضوع تسيقط ماتور 98 باينه انك مضايق ونا سالتك وحسيت بده من كلامك بس عرفت هنا فى موضوعك السبب
اولا الحمد الله على كل حال انا كنت اول ما كنت بفكر انى اسقط ماتور كلمت اخى العزيز المهندس محمد انى بفكر فى عصام الميكانيكى ارحله قلى انه مايظنش انه ممكن يجى معايا الحرافيين الجمله ديه خلتنى أغير اتجاهى ولما كلمتك فاكر وقلتلى جرب أ/ محمد طنانى بتاع قسم اوبل قلتلك ده تخصص اوبل بس قلتلى جرب مش هتخسر حاجه وكله المانى وبالفعل كان
ورحت وقبلت محمد ابو كف بالمركز الى كلمتك عنه انسان فاهم شغله كما يجب وحريص عليه لاقصى درجه وبيحب ان شغله يطلع 100% بدون اى ملاحظات ده عن تجربه ونا صعب فنى ميكانيكا يدخل دماغى بسهوله بس كلمه لوجه الله الراجل بيفكرنى بنفسى لما اكون متاكد من شغلى وفنياتى وده الى خلانى أجازف وعمل العمره للماتور وكنت متأكد من النتيجه بس خايف بردو تصدق هوا كمان كان نفس الموضوع خايف يطلع حاجه مش تمام وكان عامل زى الى مستنى نتيجة الثانويه العامه بالظبط وده بسبب انه عاوز الشغل يطلع ابداع مش مجرد شغل عادى
بشكرك انك دلتنى على الطريق ، الأستاذ محمد طنانى وم محمد ابوكف لقيت فيهم الى انا عاوزه
وشكرا على التقرير المبدئى لزيت وولفر
ومش هقلك ياريتك كنت جيت وقابلتك هناك زى ما أتفقنا ديه اقدار بس بردو منتظرك بالغدا ولو اتاخرت هيبقى على حسابك
انا كنت لسى هقلك على موضوع سير ماكينة الزجاج لانه كان اتقطع عندى بردو وعملته عند واحد محترم جدا ركبلى سير مستورد ايطالى الصنع وغيرلى القطعه البلستيك المتسببه فى كده بقطعه هوا عملها ألمونيوم ب 80ج ، بس جديده موضوع قواعد المرايات صب المونيوم عشان متتكسرش كويسه اوى انا كنت صبيت دراع كالون الباب المونيوم ونكلته وشكله ماشاء الله ومتانه وزى الاصلى بس اجمد وناوى اصب دراع كالون درج التبلوه بردو المونيوم عشان ديما بيتكسر عندنا وكان احمد اباظه ربنا يبركله سألى عليه عند الصفا ولقاه ب150 ج وطبعا بلستيك وممكن فى وقت اى يتكسر ومش هيكلفنى 30ج بتنكيله او ارشه اسود عشان يتماشى مع الاصلى
ومنتظر تفتح الورشه ياهندسه وتعمل المعروف ده فى القسم كله
ماشاء الله كان وما لم يشأ لم يكن
SEAT IBIZA 2000 MK3 (6k2)ALD Engine 1.0 8v MPI
المفضلات