الى خبرا الاكسارا عندى مشكله فى اكسارا 1

**m_kras** · 24-03-2014 03:08 PM

الى خبرا الاكسارا عندى مشكله فى اكسارا 1
العربية اتوماتيك عاملة 185 الف كيلو ، العربية ما شاء الله زى الفل فى الجرى و المناورات القصيرة بس لما بطلع بيها مشوار طويل اكتر من 50 كيلو او اكون سايقها اكتر من ساعة بيحصل حاجة غريبة
1. العادى بتنقل عند 30 rbm ترفض تنقل غير عند 40
2. صوتها بيبقى عالى
3. لغايه ما توصل لل 40 بتكون ماسكة فى الارض مش عايزة تجرى
4. بحس ان بدال البنزين منمل و عزم الماتور فيه حيقطعها

اول ما اسيبها ساعة ترجع زى الفل

و حصل مره انها وصلت للمرحله ده و فوجئت ان فى لمبتين نوروا فى التابلوه (s) (*) اللى موجودين فى الفيتيس و بصراحة اترعبت و فكرت اقف شوية بس كنت فى طريق الصحراوى و عافرت بيها 20 دقيقة كمان لغاية ما لقيت رست و سيبتها ساعة و رجعت لقيتها برضة منورة و فضلت لغاية ما وصلت و ركنتها تانى يوم كانت زى الفل اكن مفيش حاجة

حد يقدر يفهمنى ايه المشكله

**m_kras** · 27-03-2014 11:45 PM

مفيش حد رد على الاستفسار
ده مفيش حد اساسا شاف المشاركة
هو انا دخلت مكان غلط و لا ايه

**doc mohamed** · 28-03-2014 01:57 AM

يارب حد يفيدك انا معرفش بصراحة بس للاسف قسم سيتروين ناااااااااااااااااااااااا ااااااااااااااااايم

**m_kras** · 28-03-2014 11:54 PM

المشاركة الأصلية كتبت بواسطة doc mohamed

يارب حد يفيدك انا معرفش بصراحة بس للاسف قسم سيتروين ناااااااااااااااااااااااا ااااااااااااااااايم

عزيزى doc mohamed
اشكر مرورك

انا رحت لواحد متخصص فى الفيتيش و لما شرحت له كما اوضحت و قلت له بتظهر علامة فى التابلوه قال لى (*) و (ٍS) حسيت انه بيفهم و ارتحت له

المهم قالى انه محتاج اقيس الفيتيس عند حد عنده جهاز متخصص فى الفرنساوى و قالى الاحتمالات :
1. الحساسات فيهامشكله و محتاجة تتغير
2. زيت الفيتيس قل و محتاج يتزود
وقال حاجة ثالثة بس مش فاكرها

و قالى انه الموضوع ده اللى بيحصل فى السترويين الاكسارا و سهل علاجة
المهم قالى روح و هات القراية و من خلالها حنعرف و على اساسها نتحرك

يومين و اروح و ابقى اوضح المشكله كانت ايه و ربنا يستر

**doc mohamed** · 29-03-2014 12:59 AM

المشاركة الأصلية كتبت بواسطة m_kras

عزيزى doc mohamed
اشكر مرورك

انا رحت لواحد متخصص فى الفيتيش و لما شرحت له كما اوضحت و قلت له بتظهر علامة فى التابلوه قال لى (*) و (ٍs) حسيت انه بيفهم و ارتحت له

المهم قالى انه محتاج اقيس الفيتيس عند حد عنده جهاز متخصص فى الفرنساوى و قالى الاحتمالات :
1. الحساسات فيهامشكله و محتاجة تتغير
2. زيت الفيتيس قل و محتاج يتزود
وقال حاجة ثالثة بس مش فاكرها

و قالى انه الموضوع ده اللى بيحصل فى السترويين الاكسارا و سهل علاجة
المهم قالى روح و هات القراية و من خلالها حنعرف و على اساسها نتحرك

يومين و اروح و ابقى اوضح المشكله كانت ايه و ربنا يستر

ربنا يوفقك ان شاء الله صحيح انا شوفت في مواضيع هنا كتير بيشكروا في مهندس مشهور اوي في سيتروين وبيقولو امين ومحترم واسعاره كويسة اسمه ايهاب جلال اعمل بحث علي اسمه في المنتدي هيظهرلك المواضيع هو في المعادي في القاهرة معرفش بصراحة هيبقي مناسب ليك ولا لا

**Honda_lover** · 29-03-2014 02:23 AM

المشكلة عند حضرتك في حساسات الضغط محتاجة تتغير ودي سعرها 950 جنيه الاصلي عند نافع في شارع دمشق او مستوى زيت الفتيس منخفض ومحتاج يتزود وانا برشح الاحتمال التاني

**elaustaz2000** · 27-04-2014 03:24 PM

المشاركة الأصلية كتبت بواسطة m_kras

الى خبرا الاكسارا عندى مشكله فى اكسارا 1
العربية اتوماتيك عاملة 185 الف كيلو ، العربية ما شاء الله زى الفل فى الجرى و المناورات القصيرة بس لما بطلع بيها مشوار طويل اكتر من 50 كيلو او اكون سايقها اكتر من ساعة بيحصل حاجة غريبة
1. العادى بتنقل عند 30 rbm ترفض تنقل غير عند 40
2. صوتها بيبقى عالى
3. لغايه ما توصل لل 40 بتكون ماسكة فى الارض مش عايزة تجرى
4. بحس ان بدال البنزين منمل و عزم الماتور فيه حيقطعها

اول ما اسيبها ساعة ترجع زى الفل

و حصل مره انها وصلت للمرحله ده و فوجئت ان فى لمبتين نوروا فى التابلوه (s) (*) اللى موجودين فى الفيتيس و بصراحة اترعبت و فكرت اقف شوية بس كنت فى طريق الصحراوى و عافرت بيها 20 دقيقة كمان لغاية ما لقيت رست و سيبتها ساعة و رجعت لقيتها برضة منورة و فضلت لغاية ما وصلت و ركنتها تانى يوم كانت زى الفل اكن مفيش حاجة

حد يقدر يفهمنى ايه المشكله

لو وانت ماشى فى نتشة فى العربية وبعد كدا اللمبتين ينوروا دا فى حاجة فى الفتيس اسمها بلوف وبتبئى محتاجة تتغير وبتعمل تقريبا 1000 جنيه

**m_kras** · 28-04-2014 01:11 PM

المشاركة الأصلية كتبت بواسطة honda_lover

المشكلة عند حضرتك في حساسات الضغط محتاجة تتغير ودي سعرها 950 جنيه الاصلي عند نافع في شارع دمشق او مستوى زيت الفتيس منخفض ومحتاج يتزود وانا برشح الاحتمال التاني

رحت عملت اختبار بالكمبيوتر طلع مفيش مشكله فى العربية
عملت قياس لزيت (الفتيس) طلع تمام
بس قالى ان المشكله فى شنبر الفتيس خف و محتاج يتغير

ايه رايكم فى الكلام ده ؟؟

**m_kras** · 28-04-2014 01:12 PM

المشاركة الأصلية كتبت بواسطة elaustaz2000

لو وانت ماشى فى نتشة فى العربية وبعد كدا اللمبتين ينوروا دا فى حاجة فى الفتيس اسمها بلوف وبتبئى محتاجة تتغير وبتعمل تقريبا 1000 جنيه

لا مفيش نتشة فى العربية
بس العربية لما بتاخد الغيار بحس ان فى نتشة او اكن حد زق العربية لقدام

**elaustaz2000** · 28-04-2014 06:00 PM

المشاركة الأصلية كتبت بواسطة m_kras

لا مفيش نتشة فى العربية
بس العربية لما بتاخد الغيار بحس ان فى نتشة او اكن حد زق العربية لقدام

طالما بتحس ان زى مايكون حد زئك من ورا ودا بيكون وهى بتنقل من التالت للرابع وبعد كدا العربية بتمشى على التالت بئى بلوف الفتيس محتاجة تتغير - بيكون فى الفتيس بلفين واحد اساسى وواحد احتياطى والبلف هو المسؤل عن مرور الزيت فى الفتيس ولما الاساسى بيبوظ بيتحول على البلف الاحتياطى وكان الفتيس على safe mode والحل ان البلوف دى بتتغير وبتحط زيت وعلى ما اتذكر سعر البلوف دى 900 - 1000 و 4 كيلو زيت ب 360-400 + المصنعية وربنا يوفقك وقلنا عملت ايه