الموضوع: مساعدة للهجرة

كلامي للاسف مش هيعجبك

بس مفيش بلد هتاخد حديث تخرج كمهاجر الا لو تخصصه نادر ندرة السنين


ما قدامكش غير سكة من الاتي لو عايز تهاجر

1- تستنى اما تاخد خبرة في مجال مطلوب تقدر تهاجر بيه او حتى تجيب عقد و تاشيرة عمل و بعدها تحاول ترشق في البلد

2- تقدم على دراسات عليا بعد التخرج هناك و تحاول ترشق باي طريقة بعد الدراسات بس دي عايزة لها شلوووووووووح فلوس عشان لازم تثبت انك معاك فلوس تكفي معيشتك و سكنك و اكلك و شربك و مصاريف الجامعة و دي مش قليلة نهائي

3- تحاول تروح بزيارة (و مش سهلة و انت حديث تخرج برضه الا لو معاك فلوس التنين) و تزوغ (و لو اتمسكت هتترحل) ...... دي سكة غير محبذة بالمرة و هتعيش عيشة لا ادمية و تشتغل شغلانات زفت و مالكش حقوق

4- تتجوز و تسافر ...... بس خلاص الستات برة عرفوا ان اغلب الرجالة المصريين عايزين يتجوزوهم عشان بس السفر و سمعتنا بقت هباب

5- تقدم على قرعة امريكا بس فرصتك ضئيلة جدا لان 50 الف واحد بيكسبوا سنويا من اصل عشرات الملايين اللي بيقدموا بس مانتاش خسران حاجة

المشاركة الأصلية كتبت بواسطة 4fun14

حاول تجيب تقدير عشان تاخد خصم ع الدراسه بره.. دي السكه الوحيده من الاخر

حتى بعد الخصم المصاريف مهولة ...... لان السفارة مش هتديك تاشيرة لو حسابك ما يغطيش مصاريف الجامعة و السكن و الاكل و الشرب و و و و

المشاركة الأصلية كتبت بواسطة ganash

هى القرعه السنويه لازم يكون معاك فلوس قد ايه ؟

و لا مليم ...... بس تكون خريج ثانوية على الاقل

و ابعد عن المواقع النصابة ..... التقديم فقط في الموقع الحكومي الرسمي dvlottery.state.gov

اي موقع تاني فاكس و تأليف حتى لو ادعى انه حكومي او حط اي لوجو او شعار شبه الحكومي