الموضوع: مراوح التبريد

المشاركة الأصلية كتبت بواسطة ahmed2801

شكرا على ردك يا استاذ ممدوح وفعلا انا كنت مستنيك وعارف ان انت ما بتسيبش فيها حاجة عطلانة وضرورى مرت عليك الموضوع ده.
انا سألت عند صقر بالتليفون النهاردة وقال 400 جنية القميص بالمراوح و600 جنية لطلمبة الباور علشان عندى عاملة صوت وبتجيب اخرها... قلتله مش كتير قالى بس لما تيجى ح اظبطك!!! وما اعرفش ف التوكيل بكام ؟؟؟.
ابنى قالى استنى شوية ح نفك القميص ونلف بيه ف الحرفيين ونشوف حاجة تركب عليها تكون بتاعة حاجة المانى او اوربى يمكن تكون احسن من الصينى وان ما فيش يبقى الامر لله.... وربنا ييسر ان شاء الله.

يا استاذ احمد لا تشترى طلمبة البور جديده اشتريها من بتوع اللانوس استيراد انا صاحبى لما باظت قلتله عليها فاشتراها اسيتردا ب 250 جنيه و ركبها و كانت تمام و حتى الآن ما شاء الله عليها و تقريبا لم يتم تعديل فيها و انا لما كنت فى الحرفيين من اسبوعين سألت عليها عشان اللى عندى بتعمل صوت مزعج و وجدتها بنفس السعر 250 و لما تيجى تشتريها قول للبائع طلمبه اللانوس الانتمونيا مش الحديد
و بالنسبه للمروحه فحاول الأول فى اللى انت عايز تعمله و جربها كويس و لو فشل الموضوع يبقى القميص جديد افضل و تخلى المروحه اللى شغاله حاليا احتياطى عندك لو عرفت تستعملها بعد كده
و بالتوفيق و ياريت تحكيلنا على الحصل بعد ما تخلص