حسنة لله معلومة قليلة تمنع بلاوى كتيرة

**adel_edrees** · 25-03-2014 05:09 AM

أولا السلام عليكم
أنا جاى أطلب مساعدتكم يا أخوانى أنا بأجرى على عربية لوجان لكن من ساعة ماشوفت ال 301 زفتة الطين دى وهبابة البرك و أنا مش عارف أنام ساعدونى يا أخوانى بأى معلومة
أنا عندى عربية لوجان 2012 زيرو و الله عامل بيها 9500 كيلو بس المهم أنا من ساعة ما شفت ال عربية دى اللى أسمها مش عرف أيه كده 301 و خصوصا اللون البنى أو اللون البترولى رغم أن اللوجان بتاعتى بترولى برضه بس بترولى اللو جان مش زى بترولى ال 301 و أنا مش عارف العربية بتنادينى رغم أن الحال على الأد و الشراء حيكون بالقسط أنا عايز أعرف من حصراتكم الخلاصة أعمل العملة ألسودة دى على رأى المدام و ألا أعمل أيه دلوقتى أنا عايز أعرف الأسعار بالظبط كام تقريبا أول فئة أوتوماتيك ما هو فجر بقى ده حنعمل عمايل و حنسوى الهوايل و ياريت لو حد ينصحنى أعمل أيه بالظبط و لو أول فئة أوتوماتيك أيه أمكانياتها بالظبط
ولو أي معلومة عن الفرمل و الأتزان ياريت لا تبخلوا على أخوكوا
أنا بأسوق ثلاث عربيات تقريبا زى بعض في الجودة اللوجان بلاك لاين مانيوال و الأمجراند سيارة الشغل و النيسان صنى 2014 سو بر صالون وللأسف الشديد أن أنا شايف اللوجان أحسنهم من ناحية القيمة مقابل السعر أيه اللى أنا حأخده من العربية مقابل السعر

**حسن جاد حسن** · 25-03-2014 06:32 AM

الفئة الثنية اتوماتيك وهي الهاي لاين ب135950 جنيه

**abohend** · 25-03-2014 08:19 AM

المشاركة الأصلية كتبت بواسطة adel_edrees

أولا السلام عليكم
أنا جاى أطلب مساعدتكم يا أخوانى أنا بأجرى على عربية لوجان لكن من ساعة ماشوفت ال 301 زفتة الطين دى وهبابة البرك و أنا مش عارف أنام ساعدونى يا أخوانى بأى معلومة
أنا عندى عربية لوجان 2012 زيرو و الله عامل بيها 9500 كيلو بس المهم أنا من ساعة ما شفت ال عربية دى اللى أسمها مش عرف أيه كده 301 و خصوصا اللون البنى أو اللون البترولى رغم أن اللوجان بتاعتى بترولى برضه بس بترولى اللو جان مش زى بترولى ال 301 و أنا مش عارف العربية بتنادينى رغم أن الحال على الأد و الشراء حيكون بالقسط أنا عايز أعرف من حصراتكم الخلاصة أعمل العملة ألسودة دى على رأى المدام و ألا أعمل أيه دلوقتى أنا عايز أعرف الأسعار بالظبط كام تقريبا أول فئة أوتوماتيك ما هو فجر بقى ده حنعمل عمايل و حنسوى الهوايل و ياريت لو حد ينصحنى أعمل أيه بالظبط و لو أول فئة أوتوماتيك أيه أمكانياتها بالظبط
ولو أي معلومة عن الفرمل و الأتزان ياريت لا تبخلوا على أخوكوا
أنا بأسوق ثلاث عربيات تقريبا زى بعض في الجودة اللوجان بلاك لاين مانيوال و الأمجراند سيارة الشغل و النيسان صنى 2014 سو بر صالون وللأسف الشديد أن أنا شايف اللوجان أحسنهم من ناحية القيمة مقابل السعر أيه اللى أنا حأخده من العربية مقابل السعر

يا أستاذ عادل أنت تأمر
كفاية وقفتك جمبي في حيرتي بين الأيمجراند و اللوجان (أنت مش هتفتكر لكن أنا فاكر كويس)

راجع الموضوعين دول...فيهم تقييمي الشخصي للعربية حتى الآن
http://www.nilemotors.net/Nile/411464-301.html
http://www.nilemotors.net/Nile/411572-301-2-a.html

تحياتي

**lanos2004** · 25-03-2014 10:38 AM

البيجو شكلها احلى بكتير من العربيات سالفه الذكر
بالتوفيق ان شاء الله

**ahmedteam** · 25-03-2014 10:55 AM

البيجو كقيمه مقابل السعر اعتقد انها ممتازه فى الفئه دى

كتيير من الاعضاء بيشكروا فيها جدا

و مع الانتشار اكتر هتتوافر قطع الغيار و الصنايعيه

بالتوفيق و لا تنسى الاستخاره

**maio_do** · 25-03-2014 04:50 PM

انا من راى طالما الحال على الاد خليك فى اللوجان وربنا يرزقك بالحلال ان شاء الله

قولى بس اخبار سعر قطع غيار اللوجن اية والتوكيل واعاده البيع

**tifa2015** · 25-03-2014 05:30 PM

المشاركة الأصلية كتبت بواسطة maio_do

انا من راى طالما الحال على الاد خليك فى اللوجان وربنا يرزقك بالحلال ان شاء الله

ع

وانا كمان نفس الراى اللوجان تعتبر لسه زيرو وكمان هتخسر فيها طب ليه كل ده

**adel_edrees** · 26-03-2014 08:02 PM

أولا أحب أشكر كل الناس اللى ساعدونى في أتخاذ القرار ده أولا العربية البيجو 301 تخبل بجد عربية رائعة ثانيا أمبارح روحت عرضت العربية للبيع جابت أخر كلام 69000 وده كان أخرها المهم قلت أسأل البيجو بكام ففوجئت أن الأوتوماتيك فعلا أول فئة 127500 أذن المطلوب 60 الف تقريبا نشوفهم قسطهم على ثلاث سنوات 2150 جنيه و ده غير التأمين كل سنة في حدود 4150 جنيه كل سنة فقررت أن أصرف نظر عن الموضوع كله و شكرا لكل ألذين أفادونى سواء بالمشورة أو بالراى

**adel_edrees** · 26-03-2014 08:16 PM

المشاركة الأصلية كتبت بواسطة maio_do

انا من راى طالما الحال على الاد خليك فى اللوجان وربنا يرزقك بالحلال ان شاء الله

قولى بس اخبار سعر قطع غيار اللوجن اية والتوكيل واعاده البيع

أشكرا لحضرتك جدا أنا فعلا قررت الاحتفاظ بالسيارة بس ياسيدى بالنسبة للوجان أولا أنا بأتكلم عن الشكل القديم
1- قطع الغيار بدأ ت ترخص جدا وتنتشر و خصوصا في التوفيقية و صقر قريش بالمعادى يعنى مثلا الرفرف الأمامى ب 180 جنيه و ده كمثال على أن حاجات ها بدأت ترخص جدا و لسه مع نزول الشكل الجديد حترخص أكتر
لو عايز تجيب جيب الأوتوماتيك من الشكل القديم لأن فرق السعر لا يذكر مع فرق كبير ف الأمكانيات و العربية فعلا القيمة مقابل السعر
التوكيل معقول و أديله 7/10
و أحسن فرع للصيانة فرع العبور بقية الفروع كلام فارغ و حاجة كده يعنى مالهاش لازمة
سعر أعادة البيع
معقول بالنسبة للرينو بصفة عامة هي أكثر عربية رينو أحتفاظا بسعر ها في مجموعة رينو بالكامل