الموضوع: قصة غريبة حصلتلي مع أوبترا *خدوا بالكم*

السلام عليكم ورحمه الله وبركاته
انا حابب احكي لكم القصة دي علشان الناس كلها تخلي بالها وابتغي بها لوجه الله
امبارح بقلب في النت علي عربية اوبترا لقيت عربية 2007 برة وجوة رشه اكصدام فقط ورفرف المهم كلمت صاحب السيارة
قالي انه في السيدة زينب المهم رحت له ولما وصلت كلمتة قولت له انا وصلت وواقف امام العربية تمام قالي دقيقة وخالي جي يفرجك علي السيارة قولت له انتا فين قالي في مشوار واتفرج علي العربية لو عجبتك واتفقت علي السعر هنتقابل ونخلص قولت له ماشي المهم لقيت وحد جي بعربية بي ام موديل e46 الي هيا من 98 الي 2004 ووراه عربية جوليت المهم فتح لي العربية واتفرجت والعربية تمام وزي الفل المهم بتفرج والراجل عامل نفسة مستعجل وعمال يكلم كتير فاقفشنا مع بعض في الكلام فالقيتة بيقولي دي عربية اختي ومعها من الزيرو والعربية حالة وكلام كتير طيب العربية مرور ايه مرور الاسكندريه اتصلت بي الواد تاني الي كان عالن العربية علي النت قولت له انتا مقولتليش ليه العربية مش قاهرة قالي اصل اغلب الوقت عيشين في القاهرة بنروح وبنتنقل وكده المهم خلصت كلام وقولت للواد لزم تنزلي السعر لغايه67قالي مش هينفع واخرها68 قولتله سلام عليكم ومشيت بعديها بي 5دقائق كلمني الواد تاني قالي خلاص تمام روح لي خالي واتفقة هترفعة العربية فين وتعربن معاه رحت تاني علي اساس ان خاله موجود ملقتهوش موجود لقيت ورقة متعلقة في العربية بي نمرة قولت هيا نمرتة اتصلت واحد تاني رد عليا بقولة ايوة ياباشا انا الي كنت واقف مع حضرتك من شوية وكنت بتفرج علي العربية قالي انا مفرجتش حد علي العربية ومين فتحهالك وكل ده علي التليفون منزلش طيب اديني موصغات الي فرجك العربية وصفته ليه قالي يمكن عديل ولده ولا مش عارف مين يعني مطلعش خاله المهم قولت له عايز اكشف علي العربية عند بنزينة شل الي عند المقاولين العرب قالي مش هينفع احنا نرفعها في اي بنزينة قريبة هنا المهن قولتلة بقولك ايه الكلام مش معاك انا هكلم صاحب العربية والتعامل معاه مباشر
اتصلت بي الواد قالي خد الحج معاك اهو قولت كمان بتاعت الحج ولا طلعت بتاع الواد الي عمل الاعلان ولا بتاعت ولدته وطلعت بتاعت الحج المهم انا بحكي الموضوع بي انجاز كلمت الراجل قولت له انا موفق اشتري العربية بس اتعامل مع الي بي الرخصة بي اسمة وكمان هنروح انا وانتا المرور الي تبع ليه السيارة وهكشف علي رقم شاسيها وورقها ومن هنا اتحول 180 درجة قالي لا خد الرخصة واكشف عليها قولت له يمكن الرخصة مضروبة قالي لا يابية انتا شكاك ايه انتا شكلك اتعملت مع ناس نصبين واتنصب عليك وبقت بتشك حتي في صوابع رجليك قولتلة الفلوس مش بي السهل قالي اسف يابية مش هبيع بي الطريقة دي وقفل اخر حاجة لقيته اداني رنه الساعه 1وربع بليل بس مسمعتش الموبيل والصبح اتصل بيا الراجل الي مستغرب مين الي فرجني علي العربيه قالي الرقم ده رن عليا امبارح بليل كتير شوية استلواح



ايه رائيكم في القصة دي وشيفين ايه مغزاها وحوارها ؟