مش لاقى فلونس اللون اللى انا عايزه! برجاء النصيحة

**GoldenManEye** · 25-03-2014 08:41 PM

إن شاء الله نويت أشترى فلونس e3 اللى بـ 169500 بعد مقارنات كتيره.

وإخترت اللو ن الفيرانى بس مش موجود فى أى معرض المصريه ، سمير ريان ، القرش ، السبع و لا حتى التوكيل.

اللون اللى موجود السيلفر، هو بصراحة حلو برضوا بس الفيرانى أحلى...

المهم دلوقتى أنا محتار أخلص فى الفضى والا استنى الدفعات الجديده و ممكن السعر يتغير خصوصاً بعد نزول موديلات جديده لرينو فى معرض الاهرام و ممكن سياسة التسعير تتغير فى الدفعات الجديده!

أفيدونى أفادكم الله هل اللون السيلفر مناسب؟

**mrashadnt** · 25-03-2014 09:19 PM

أنا شايف ان انت تحجز من التوكيل وتستنى تستلم علشات ما تبقاش راكب عربية لونها مش عاجبك ... أنا كان عاجبني اللون الموكا وحجزت واستنيت حوالي شهر ونص واستلمت الحمد لله

**mostafa magdy** · 25-03-2014 09:59 PM

هتبقي غلطت عمرك .. إنك نفسك في لون و أخدت لون تاني عشان تخلص
كل ما هتشوف الفلوينس اللون الفيراني في الشارع هتزعل
أنا من رأيي هتستي و هتلاقيه و تعمل لنا تقرير الإستلام الجميل ..
و أهلا بيك عضو جديد في عائله الفلوينس ..
مبروك مقدما ..

**miceg** · 25-03-2014 10:08 PM

أخونا الفاضل
مبروك مقدماااااااااا
انا هكلم معرض أعرفه وهسألك ولو لقيت اللون هكلمك وهديلك رقم المعرض تكمل معاه
وهو معرض محترم وبيعمل تخفيض من الف الى الفين جنيه وقت الشراء
بس عموما لازم اللون اللي هتختاره يكون عاجبك
وإلا هيحصل زي ما قالك أخونا دكتور مصطفى مجدي

**Land_Cruiser** · 25-03-2014 11:08 PM

بلاش فعلا تجيب لون مش عاجبك . ممكن حضرتك تكلم التوكيل و تطلب منهم اللون ده تحديدا و تستني و حتي ممكن تقولهم انك مستعد تدفع مقدم كبير لتثبيت السعر مثلا

**miceg** · 25-03-2014 11:09 PM

هدية بقااااااااا ومبروك مقدمااااااااا
اللون ياباشااااااااا موجود وظبطتلك مع مدير المبيعات
وهتروج تتفرج وتستلم بكرة لو حابب
وليك التفاصيل عالخاص
وربنا يديلك خيرها ويكفيك شرهااااا