مقارنه بين الجيلى والانفى 2014

**eslamaboelkeir** · 25-03-2014 11:32 PM

السلام عليكم

اولا انا لسه عضو جديد طازه وكنت عاوز اعرف ايه الافضل فيهم الجيلى ولا الانفى بس عاوز مقارنه بجد اصل دى اول عربيه ليا وتبقى قسط بس الحمد لله انى عرف المنتدى ده انه هو اليه هيخلص المقارنه دى معلش ياشباب انا بتقل عليكوا شويه بس انا عارف انكوا مش هتبخلوا عليا بمعلومه وبعدين انا كنت عاوز اعرف اهم حاجه قطع الخيار علشان انا من سكان الاقاليم ويارريت تفيدونى ويارب ما اكون ضيف تقيل عليكوا
شكرا

**ahmedalaahosny** · 26-03-2014 12:15 AM

من غير ماتفكر انفي وانت مغمض اولا تقفيل انا شايف اجمالا انضف من الايمجراند وان كان انا سمعت انها بقت تقفيل مصري ب الاميجراند عيوب تقفيل من هنا للصبح واللي زاد ان العربية بتنزل مصديةولو مش مصدقني ف حوار الصدا ده خدلك لفه ف قسم جيلي تقريبا الاعضاء اللي ف قسم جيلي عربياتهم فيها صدا اعتقد معظمهم مش كلهم ف الابواب دي نقطه النقطه التانية التوكيل ابو الفتوح عمل لاسبرانزا اسم ف مصر حلو جدا واهي ماشية ف الشارع ليل نهار تاكس وملاكي ده غير انه زمان كان وكيل بي ام ودايو ايام ماكان بيجمع لانوس ونوبيرا انما غبور كان رد فعله ف الاميجراند اخره بعد ماتطلع روحك ياخدوا الابواب يصنفروا الصدا ويركبوها مش يغيروا الابواب لا يصنفروها وبعد خناق كمان ولا زالت بتنزل زيرو مصدية فانا من رايي تغور الاميجراند بوكيلها اللي مابيراعيش ربنا مع انه شبعان بس تقول ايه جشع بعيد عنك خليك ف الانفي افضل ف كل النواحي وبرده بص علي البي واي دي جميله وشغاله تاكسي برده وبتاعه السنة دي بيقولوا بتنزل تقفيل الصين