استفسار هام جدا ارجو الرد السريع

**samehauf111** · 26-03-2014 12:24 PM

السلام عليكم ورحمة الله وبركاته
انا عضو جديد وياريت مااكونش تقيل على قلبكم هههههههه بس سبب انضمامى للمنتدى الرائع بتاعكم انى اشتريت سيارة نيسان صنى 2007 وكشفت عليها فى التوكيل اللى فى الدراسه والحمد لله طلعت سليمة واشتريتها امبارح الحمد لله

ياريت التركيز فى اللى جاى
رخصة السيارة باسم ورثة فلانة والورثة عاملين توكيل للى اشتريت منه ومعاه صورة من اعلام الوراثة وكله مذكور فى التوكيل واللى اشتريت منه عملى توكيل باسمى واتكتب فى ظهر التوكيل حوار اعلام الوراثة برقمه كمان
الملخص
رخصة وتوكيلين بما فيهم التوكيل بتاعى
لما اروح اسجل فى الشهر العقارى فى مشكلة فى اى حاجة بالنسبة للاوراق اللى معايا يعنى بالنسبة للورثة او اعلام الوراثة ممكن يطلبوا الاصل ولا لا؟ عشان الرخصة لسة فيها سنة ونص ومش عايز اسجل دلوقتى ارجو الرد ضرورى عشان لو فيها مشاكل يبقى الحق اسجل دلوقتى والراجل موجود بدل مااستنى بعد سنة والموضوع ينام
للتذكرة
انا معايا الرخصة والتوكيلين وصورة من اعلام الوراثة
وشكرا

**ibrahimsaad** · 26-03-2014 12:30 PM

اعتقد انك ممكن تطلع اصل اعلام الوراثه من المحكمه لو حبيت

بس برضه نعرف راى باقى الاخوه

**samehauf111** · 26-03-2014 12:39 PM

انا ممكن اطلعه بصفتى ايه انا خايف بس من حوارات الشهر العقارى بس عايزها تقف

**gadoo30** · 26-03-2014 01:22 PM

وجهه نظرى الشخصية خليك فى الامان يا مان وانقل العربية باسمك
والله اعلم

**moe gawad** · 26-03-2014 01:25 PM

انقل الملكيه باسمك دلوقتى. لايجوز توكيلين . يعنى ماينفعش توكيل من توكيل . هو صحيح بتمشى فى الشهر العقارى بالمراضيه . عملتها فى عربيتى بص الله اعلم فى السنه ونصف اللى جايه هايعملو ايه فى القوانين . ممكن ساعتها تدوخ.
اجرى دلوقتى على الشهر العقارى وسجل هناك

**moe gawad** · 26-03-2014 01:27 PM

ولو احتجت اى حاجه او اية استفسار فى الميكانيكا والعفشه انا اقدر افيدك انشاء الله. كلمنى او ابعتلى على الواتس اب

**mohamed_selim** · 26-03-2014 01:42 PM

بص يا بيه .... خد اللى معاه التوكيل من الورثه و اطلع على سوق السيارات الشهر العقارى اللى هناك و اعمل عقد بيع مسجل و هو كبايع لازم يكون موجود بس انت كمشترى متمضيش على العقد .... كده انت العربيه باسمك و تمشى بالعقد و الرخصه لحد قبل ما تخلص بشهرين تروح المرور تمضى على العقد قدام موظف المرور و تنقل ملكيه
بس طبعا هتدفع فى الشهر العقارى مصاريف التسجيل

**samehauf111** · 26-03-2014 02:00 PM

طيب ولو هاانقل من مرور لمرور اروح قبل انتهاءها بشهرين اى مرور اللى العربيه عليه ولا المرور التابع لبطاقتى

**moumen_hs** · 26-03-2014 02:01 PM

المشاركة الأصلية كتبت بواسطة mohamed_selim

بص يا بيه .... خد اللى معاه التوكيل من الورثه و اطلع على سوق السيارات الشهر العقارى اللى هناك و اعمل عقد بيع مسجل و هو كبايع لازم يكون موجود بس انت كمشترى متمضيش على العقد .... كده انت العربيه باسمك و تمشى بالعقد و الرخصه لحد قبل ما تخلص بشهرين تروح المرور تمضى على العقد قدام موظف المرور و تنقل ملكيه
بس طبعا هتدفع فى الشهر العقارى مصاريف التسجيل

هو دة الكلام المظبوط تماما ومتنساش أوى تمضى فى الشهر العقارى فى المرور قبل نقل الملكية وأنتهاء الترخيص وأن كنت افضل تنقل ملكية طلما هتدفع رسوم التسجيل وبرضوا بتستفيد بالتامين المدفوع ورسوم الترخيص يعنى بتكمل عليهم بس وريح دماغك علشان مش عارفين بكرة فى اية وبعدين فى موضوع تانى كارت البنزين مش هتقدر تطلعة للعربية لو ماكنش طلع وبكة هيتعمم وتبقى فى حوسة فوازنها وربنا يوفقك

**moumen_hs** · 26-03-2014 02:07 PM

المشاركة الأصلية كتبت بواسطة samehauf111

طيب ولو هاانقل من مرور لمرور اروح قبل انتهاءها بشهرين اى مرور اللى العربيه عليه ولا المرور التابع لبطاقتى

المرور التابع للبطاقة طبعا وممكن ممكن يغلسوا معاك ويقلولك هات مطابقة بصمة بتكون من المرور القديم زى أيام الثورة

الموضوع: استفسار هام جدا ارجو الرد السريع

LinkBack

أدوات الموضوع

عرض

-

-

المواضيع المتشابهه

استفسار بخصوص كهربه 128 ارجو الرد السريع

ارجو الرد السريع استفسار ضروري

استفسار بخصوص b150 ارجو الرد السريع

ارجو الرد السريع بليييز استفسار عن ريتمو ريجاتا

استفسار عن الهوندا ارجو الرد السريع

الكلمات الدلالية لهذا الموضوع

المفضلات

المفضلات

ضوابط المشاركة