رقم العضوية : 144270
تاريخ التسجيل : 21May2013
المشاركات : 185
النوع : ذكر
الاقامة : مصر
السيارة: كورولا 2014
السيارة[2]: مازدا، لادا
الحالة :
السلام عليكم أحبائي في المنتدى العزيز...
طبعا من الملاحظ جدا إن الوحش الياباني مغطي تماما على اليارس في المنتدى وبالتالي مش لاقي أي تقييمات أو تقارير قوية لليارس 2014.
المشكلة الكبرى في اليارس إتها تازلة بأسعار مبالغ فيها جدا مقارنة بأسعارها سابقا خصوصا الهاي لاين لأنها تبعد بمقدار 30ألف فقط من الكورولا الفئة الأولى وطبعا مفيش مقارنة بينهم لصالح الكورولا.
الفئة اللي كان عليها سحب فعلا وخلصت من المخازن وعليها حجز هي الفئة الأولى.
السؤال المحير هنا. لو معايا 140ألف جنيه هل أشتري بيهم يارس 2014؟ وهل يوجد سيارة منافسة ليها بنفس المبلغ مع الامكانيات؟ سمعت عن بيجو 301 وعن شارك وعن نيو صني هاي لاين وكام عربية نيو بس مش عارف هل المقارنة بيهم مجحفه ولا لأ؟
يا ريت اللي عنده رأي أو تجربة فعلية مع العربية يشارك بيها وايه أنسب عربية في الفئة السعرية دي.
[a7la1=#c7c7c7]{ وَلَوْلَا إِذْ دَخَلْتَ جَنَّتَكَ قُلْتَ مَا شَاءَ اللَّهُ لَا قُوَّةَ إِلَّا بِاللَّهِ }[/a7la1]
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
رقم العضوية : 132066
تاريخ التسجيل : 08Dec2012
المشاركات : 2,022
النوع : ذكر
الاقامة : الجيزة
السيارة: لانسر بومة 2008
السيارة[2]: مرسيدس
الحالة :
الفئة دى البيجو 301 مكتسحة فيها الصراحة و الصراحة تستاهل واللة
رقم العضوية : 27012
تاريخ التسجيل : 06Dec2008
المشاركات : 1,421
النوع : ذكر
الاقامة : CAIRO-ABUDHABI
السيارة: لوجان 2013 اوتو
السيارة[2]: نصر 128
دراجة بخارية: هوندااا
الحالة :
كيا ريو هاي لاين برقبة اليارس
واخرتها ايه معاكي يا بلد!!!!!!!!!
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
انا ما سقتهاش لكن شفتها في توكيل تويوتا في اخر مقابلة و قعدت فيها
ما عجبتنيش لا شكلا داخليا او خارجيا , و لا كقعدة بالمرة
الكورولا برقبتها بصراحة
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 156940
تاريخ التسجيل : 05Mar2014
المشاركات : 220
النوع : ذكر
الاقامة : القاهرة
السيارة: لا يوجد
السيارة[2]: لانسر شارك
الحالة :
فضلت محتار زيك كده وفى الاخر اللانسر الشارك حسمت الاختيارات بالنسبة لامكانياتى و متطلباتى فلو حضرتك تقدر تزود حاجة بسيطة هتجيب لانسر شارك تانى فئة عربية محترمة جدا
رقم العضوية : 149816
تاريخ التسجيل : 09Oct2013
المشاركات : 2,755
النوع : ذكر
الاقامة : مصر
السيارة: Cruze 11, Accent RB 12, Getz 08
السيارة[2]: Corolla 14, 11, Yaris HB 12
الحالة :
بيجو 301 جميلة ، بس هل المشاكل الكتيرة اللي ملاكها كانو عمالين يشتكو منها راحت :
1.صوت المروحة العالي جدا
2.صوت الوننة اعلي سرعة 80 كم/س
3.استهلاك البنزين العالي و الملحوظ
4.خرطوم التبريد اللي بيتفك بسهولة و يسخن العربية
5.ضعف التكييف
6. الفتيس و استجابته
7.تصميم الكبوت اللي سابق الاكصدام ، انا عن نفسي بقيت الاحظ عربيات 301 مخبوطة في نفس المكان .
8.طريقة تثبيت الفوج لايت الغير جيدة
دي مشاكل مشتركة قريتها من كذا مالك للعربية وهذا لا يقلل منها ﻷنها عجباني بصراحة، بس اللي يقرا الكلام ده كله في عربية لسا نازلة يقلق و ده عن نفسي ﻷني كنت بفكر فيها لمراتي مع النيو صني و الاكسنت.
ولو تلاحظ هي فئة مع الصني و الاكسنت و الريو مطلوبة من السيدات او بنت في جامعة و هتبقي من اهم متطلباتهم عربية قليلة المشاكل.
اتفق مع حضرتك جدا ، لو الهاي لاين تبقي جيدة غير كدة الريو لا تدخل في جملة مفيدة مع اي عربية بها عوامل امان اساسية قياسية في جميع الفئات عشان ال airbags وال abs و ال ebd اللي بينزلو في ااهاي لاين فقط ! و كأنهم اوبشنز تجده في الهاي لاين فقط !
تامر باشا، عندك حق لو قارنتها بالكوروﻻ فرق شاسع.
بس دول فئتين مختلفتين تماما عشان كدة حسيت بالفرق ده، زي بالضبط لما تركب الفلوانس و بعدها تركب اللوجان . تحياتي ليك
psycholain سابقا
رقم العضوية : 78445
تاريخ التسجيل : 24Aug2010
المشاركات : 698
النوع : ذكر
الاقامة : Suez-Cairo
السيارة: Thinking about
السيارة[2]: FIAT 128 >>>Nissan Sunny2013
دراجة بخارية: no
الحالة :
متابع
رقم العضوية : 115970
تاريخ التسجيل : 24Oct2011
المشاركات : 1,391
النوع : ذكر
الاقامة : القاهرة
السيارة: كيا ريو 2014
السيارة[2]: هيونداي ماتريكس 2008
الحالة :
شوف يا باشا أنا لاني الفتره دي بشتري عربيه في نفس الفئه السعريه دي عشان كده انا طحنت الفئه دي بحث ووصلت للاتي
الياريس بـ 140.000 جنيه بالسعر ده حرام جداً الواحد يشتريها 1300 سي سي 84 حصان يعنى الاداء في الضياع ضيف على ده انها كمان مش عربيه أقتصاديه لان اللي ممكن توفره في استهلاك البنزين هتدفع اضعافه في اسعار قطع الغيار اللي مش رخيصة بالمره
طيب ايه البدائل ؟؟؟
شوف ياسيدي
في رنج السعر ده أحسن حاجه تجيب لانسر شارك الفئه التانية 145.000 جنيه
فيها كل الاوبشنز الاساسيه بالاضافه للجنوط الاسبور و 2 ايرباج و abs و ebd
ولو فرق الـ 5.000 جنيه ده هيعمل مشكله يبقى خليك في الفئه الاولي حلوه برضوا وانضف من الياريس وبـ 136.000 جنيه
الاختيار التاني من وجهة نظري كيا ريو الفئه التانية بـ 137.000 جنيه الماتور 1400 سي سي بس خد بالك الـ الهورس باور 109 مش 84 زي الياريس وده هينعكس على اداء افضل كتير جداً عن الياريس وعربيه شيك جداً وخاماتها وتقفيلها في منتهى النظافه ولا يعيبها غير ضيق الكنبه الخلفيه بالمقارنه بالياريس والشارك غير كده عربيه 10/10
في اختيار ثالث وهو البيجو 301 حلوه برضوا بس بالنسبه ليا أنا استبعته لعده اسباب خاصه ممكن تكون غير مهمه بالنسبه ليك زي عدم وجود مؤشر حراره وطول فتره الحجز وعدم تعامل الوكيل مع بنك ناصر والاوفر برايس المبالغ فيه جداً في المعارض وسعر اعاده البيع وشويه حاجات تانيه رفيعه مش هتهمك اوي
يبقى أنا كده حصرت الاختيار ما بين الشارك والريو
طبعاً بلا نقاش الشارك تكسب بس ......
لازم تاخد بالك من نقطه في منتهى الاهميه ودي اللي خلتني سحبت حجز الشارك وحجزت الريو ومنتظر الاستلام على خير ان شاء الله وهي أسعار قطع الغيار
لما سألت على قطع غيار الشارك لاقيتها مبالغ فيها جداً واعتقد ان الياريس فيها نفس المشكله دي بس ممكن تتاكد بنفسك عنها
ودي عينه من فروق الاسعار بين الريو والشارك (وطبعاً انا مجبتش اسعار الياريس عشان كنت استبعتها من البدايه بسبب قوه الماتور زي موضحتلك بس للوحابب ممكن تسأل بنفسك عليها وتقارنها بالاسعار التاليه)
فلتر زيت
ريو 33 جنيه
شارك 85 جنيه
فلتر هواء
ريو 105 جنيه
شارك 310 جنيه
فلتر بنزين
ريو 175 جنيه
شارك 780 جنيه (780 جنيه فلتر بنزين )
بوجيهات بلاتين
ريو 505 جنيه
شارك 505 جنيه
سير المجموعه
ريو 220 جنيه
شارك 550 جنيه
تيل فرامل امامي
ريو 550 جنيه
شارك 545 جنيه
طنابير
ريو 1430 جنيه
شارك 1365 جنيه
مقصات
ريو 1560 جنيه
شارك 2125 جنيه
مساعد امامي
ريو 1540 جنيه
شارك 2595 جنيه
علبه دركسيون
ريو 2705 جنيه
شارك 13.000 جنيه (ايوه 13.000 جنيه انت قريتها صح)
فانوس امامي
ريو 1740 جنيه
شارك 2750 جنيه
أكصدام امامي
ريو 1075 جنيه
شارك 3080 جنيه
دي اسعار قطع الغيار وكيل للعربيتين شامله الضريبه الـ 10%
كفايه كده ولا اكمل
طبعاً القلب كان ميال جداً للشارك بصراحه كان نفسي أجبها من زمان من اول مانزلت 2008 (كنت بتقطع وانا بسحب فلوس الحجز) بس العقل بيقول اني لو عملت كده هبقى بلبس نفسي في حيط والفرق كبير أوي في أسعار قطع الغيار وعشان اركب عربيه اقدر أحافظ عليها واهتم بيها وبصياناتها تبقى الريو طبعاً افضل
عشان كده المفروض تحبها الاول لو اسعار قطع غيار الشارك تناسبك يبقى توكل على الله وعربيه هي الافضل في لفئه السعريه دي
لو شايفها مبالغ فيها بزياده زي ما انا شايفها كده تبقى الريو هي أفضل اختيار بالنسبه ليك او الـ 301 لو كانت عجباك بس اتاكد انت برضوا من اسعار قطع غيارها بنفسك عشان انا مسألتش عليها بصراحه
بس نصيحه متخدش اسعار قطع غيارها من المبيعات روح مراكز الصيانه واسأل عليها بنفسك من قسم قطع الغيار في مركز الصيانه واعرف السعر اللي هيقولهولك ده قبل الضريبه ولا بعده عشان بتفرق برضوا
أتمنى أكون قدرت اساعدك بالتفكير وربنا يوفقك للخير
أنا سعيد انك سألتني السؤال ده
محمد كُريم
رقم العضوية : 157395
تاريخ التسجيل : 14Mar2014
المشاركات : 18
النوع : ذكر
الاقامة : سوهاج
السيارة: تويوتا
السيارة[2]: تويوتا
الحالة :
عايزين أسعار قطع غيار الياريس هاتشباك واسعار الصيانة الدورية ؟
المفضلات