الموضوع: كاسيت التويوتا الكورولا 2014 التاتش الان فى التوكيل

المشاركة الأصلية كتبت بواسطة هشام عبد اللطي

السلام عليكم ورحمة الله وبركاته

تحية طيبة مباركة للسادة القائمين على هذا المنتدى الاكثر من رائع وكم استفدت منه وربنا يجعله فى ميزان حضراتكم جميعا
اتشرف بالانضمام لكم انا المهندس / هشام عبد اللطيف
اعمل مهندس اول اجهزة وتحكم الى بشركة tci sanmar chemicals

احب ان اخذ رايكم فى حاجة بعد اذنكم.......
انا نويت باذن الله تعالى شراء الجميلةالتويوتا كورولا 2014 الفئة الثانية
لكنى اليوم فوجئت بان هذه الفئة بدون كاسيت تاتش ومش عارف ليه بس كده بصراحة اتصدمت
لكنى تمالكت نفسى وقولت انى ممكن اركبه فى المستقبل من التوكيل حيث اننى متابع فى المنتدى منذ فترة ان ليس عندهم الكاسيت التاتش
بس انا حبيت استفسر من التوكيل فاتصلت بهذا الرقم 0224880400 ثم الداخلى 1361
هذا قسم الاكسسوارات وسالت عن الكاسيت هل هو موجود ام لا وكان الرد كالاتى

الكاسيت موجود وهيبدئوا تركيب بعد حوالى 10 ايام
معلومة الكاسيت سوف يفعل به ال gps وهيكون الى حد ما مختلف عن الكاسيت الاصلى بتاع الهاى لاين
وسالته عن ثمنه قالى مش عارف بالظبط بس هيكون فى حدود 5000
مبلغ رهيب جدا
لو حضراتكم عندكم اقتراح ياريت تقولولى فانا اريد عندما اشترى العربية ان اركب فيها الكاسيت مباشرة
ومش عارف اعمل ايه انا شايف المبلغ رهيب بس انتوا عارفين الاستغلال وحش
انتظر الرد من حضراتكم علشان تفيدونى بخبرتكم
واسف جدا على الاطالة

مختلف عن الكاسيت الاصلى بتاع الهاى لاين... من ناحية ايه ؟؟

والل ه معرفش هو قالى هيبقى مختلف بس قالى لسه معرفش ايه الاختلافات وقال كمان هيبقى مش صينى باذن الله

المشاركة الأصلية كتبت بواسطة هشام عبد اللطي

والل ه معرفش هو قالى هيبقى مختلف بس قالى لسه معرفش ايه الاختلافات وقال كمان هيبقى مش صينى باذن الله

لو مختلف فى الشكل هتبقى مشكلة ...انا شوفت الاشكال اللى نازله فى الخليجى و الكويتى تقريبا ..شكلهم كان وحش...احسن شكل هو اللى نازل فى الهاى لاين

المشاركة الأصلية كتبت بواسطة Mohamed Elnagar

اعتقد انه مش هيكون زي high line لان انتم بتقولوا فيه gps

ولو قولنا انه زي بتاع امريكا مستحيل... لانه مش هيشتغل radio عندنا لان عندهم hd radio.

والاوروبي هو اللي في highline

عادى ممكن يكون زى الهاى لاين (الهاى لاين فيه زرار gps بس ال gps مش شغال).
و شكل بتاع امريكا هو بتاع الاوروبى.

بص يا سيدى الفاضل اولا لو الكاسيت نزل فى التوكيل بخمسه الاف جنيه هيبقى زى اللى كان معروض فى معرض اتوماك وتمنه تلاته الاف جنيه وانا سألت مهندس الكماليات فى التوكيل المهندس شادى قالى طالما الكاسيت هيركب فيشه فى فيشه يبقى مش هيخرج العربيه من الضمان فاعتقد ان الاحسن تشتريه من بره ولو عايز تليفون الشركه اكتبه ليك بس بصراحه لو تسالنى عن رائي انا شايف اه بصرف النظر انه بتلاته الاف او خمسه الاف هو امكانيته احسن من كاسيت الهاي لاين لانه بيشغل دى فى دى اما رائى ان سواء بخمسه او بتلاته برضه غالى على امكانيته والاحسن تعمل زى ما انا هاعمل انا بعت لشركه محترمه فى الصين انا جبت منها كاسيت للهوندا قبل كدة كاسيت دى فى دى جى بى اس بس نظام تشغيله اندرويد وامكانيته عاليه جدا بمهنى رامات واحد جيجا وبروسيسور كويد كور ax 9 وشاشه كابستيتف نوع محترم ومبيهنجش خالص وتمنه هيبقى فى حدود خمسه الاف او اكتر شويه بس تمنه موازى لامكانيته مش زى النوع اللى بيتباع فى مصر نظام تشغيله عقيم وسعره غالى
فالاحسن تصبر شويه