الموضوع: كما تدين تدان

المشاركة الأصلية كتبت بواسطة y a r i s

موضوع جميل. وفعلاً احييك عليه
وفعلاً كما تدين تدان. ... والمثل بيقول الي بيقدم السبت. يلاقي الحد. ... لكن بجد. انا مشكلتي في هذا الموضوع بالذات ان. الناس. بتتعود حوليا على الخدمات. ولا تعتبرها استثناء ... بمعنى سلفت واحد اول مره يجيلك تاني مره. هوبا يخشلك على تالت مره ده في منهم قريب قلتلوا انا معدتش عارف امسك ميزانية بيتي او حساباتي من كتر سلفياتك مرة مية مره متين مره الف. مره عشرين بقولك ايه هو انا خليفتك ونسيتك ، وياريت كان بيرجع الفلوس الي بيستلفها بس ولدوا هو الي كان بيحاسبني. ، بس انا. ذات نفسي مخي مش دفتر او فاضي لسلفياتوا ، وبصفة عامة ان ... الغريب تفضل تخدم وتخدم وتخدم ووقت ما ترفض. تبقى انتا وحش وكخة ... وده الشيء بجد الي بيحز بنفسي ... يعني انا ميهمنيش انك ترد الجميل ومش مستني منك حتى برقية شكر او عرفان مش مستني منك حاجة بس على الاقل وقت لمن اقولك. سامحني. انا اسف مقدرش يا أخي أعذرني. مش تقعد تنتف ريشي وتغتابني في المجالس .

يحز في نفسي ان حتى السلام ميردهوش لمجرد اني رفضت خدمتوا في المره الاخيرة ... يعني هو انا ياخدمك وافضي نفسي تماماً ليك يا ابقى وحش ومش خدوم ... الغريب والجميل في الامر. الناس الي وقفت جمبهم وقت ما احتاجتهم ملقيتش ولا واحد فيهم جنبي حتى في العزى جاين لي وبتاع الفراشة بيلم الكراسي في الصوان .... وناس عمري ما خدمتهم الاقيهم جنبي وكتف بكتف وايد بايد ويخليك. يا اخي. محرج منوا من كتر خدماتوا .... عارف معنى كلمة لساني يعجز عن الشكر. اهو فعلاً من كتر ما بيخدمك بعنيه وبقلبوا. خلى لسانك يعجز عن الشكر .

فعلاً روب أخٍ لم تلده أمك. .... والناس فعلاً معادن ميبنوش. غير وقت الشدائد ... بس رغم ذلك. انا بقيت ماشي على حكمت هكونااا ماتاتااااا ... وطنش تعش تنتعش ... وتحياتي . موضوع جميل .

نفس اللي بيحصلي بالظبط استاذ ياريس
ربنا يهديهم وعلى رأي والدي لما حد بيطلب منه فلوس يقوله مش هسلف يساله الشخص ليه مش هتسلف يقوله لاني ساعه ما هطلب منك تردهم لي هبوس على ايدك علشان ترجعهم وفي الاخر هنزعل بردو فأزعل من دالوقتي احسن هههههههه

المشاركة الأصلية كتبت بواسطة lena jo

موضوع هام و نحتاج اليه هذه الايام .نحن نحتاج جرعة كبيرة من الحسنات الان. اسمح لي اضيف لكلام حضرتك وجهة نظر بشكل اخر. يعني ليس فقط الخدمات او مراعاة ظروف الاخرين لكن مراعاة الله و الامانة
طبعا كل واحدد فينا عارف و متأكد ان ماله حلال و عملة ان شاء الله حلال لكن هل فكرت انك احيانا تستصغر الذنوب او تستغل مكان او وقت العمل بشكل يوقعك في الحرام. كم منا يضيع وقته في العمل احيانا فيحسب هذا الوقت تقصيرا منه . البعض يعتبر التزويغ من العمل و خاصة العمل الحكومي شطارة بل هو وقت مسروق و مال ليس من حقه. استعمال ادوات العمل اي الاقلام المسلمة لنا في العمل للعمل فقط فتكتب بها اي شئ شخصي. و قبل الموبايل وعروضه المجانية كم من فرد استعمل تليفون العمل في مكالمات شخصية و المصيبة انني شهدت الكثير منها غير مهمة. يعني واحدة بتكلم ابنها الصبح و تتحايل عليه يفطر و رغي ملوش لازمة و اخري تحكي مع صديقتها حكاوي القهاوي و شغالة و المصيبة انها استغلت ان التليفون مباشر و بتكلم موبايل. كمان استغلال ماكينة التصوير في تصوير مستندات خاصة او الاظرف و الأوراق حتي لو احيانا عمل ظرف للخير لتجميع مبلغ لاي غرض طيب لكن لازال الظرف و الورق من مال الشركة و لا يحق لاحد ان ياخذ من مال غيره دون اذنه حتي لو للخير.و الاكثر استعمالا الكهرباء و شحن الموبايل . ريح نفسك و اترك الشاحن في البيت و كل يوم مساءا قبل النوم اشحن موبايلك. و للناس المناصب السيارات الملاكي المملوكة للشركة لا يجوز عمل مشاوير خاصة بها .
من ناحية اخري المحافظة و مراعاة الله في كل شئ عام او خاص نستعمله او نتعامل معه. يعني مثلا نور المكتب لا نتركه طالما لا يوجد احد في المكتب وقت البريك مثلا او نور الحمام او مراوح الكافيتريا او لو تكييف يظل يعمل حتي لو المكان فاضي. حافظ علي جميع الموارد في طريقك ليبارك لك الله في حياتك. حافظ علي نظافة اي مكان تدخله حتي لو لم يكن كذلك. يعني لا تترك اوراق البسكوت و الحلوي التي تلتهمها علي الطاوله سواء في المكتب او الكافيتريا او حتي لو مطعم خارجي.اعقاب السجائر (ربنا يتوب علي كل مدخن) اطفئها جيدا و ارم كل ذلك في الباسكت الموجود في المكان . تأكد من غلق صنبور الماء بعد الاستعمال.
كما تدين تدان لانك لو اهدرت وقت العمل ستجد المدرس الخصوصي يهدر وقت ابنك و لو اسرفت في استخدام الموارد التي لا تخصك ستجد من يسرف في استخدام ما يخصك. و لو اهملت لوجدت العامل الذى تتعامل معه في منزلك لدهانه او لاصلاح شئ اهمل هو الاخر. فقط اعتبر كل شئ ملكك و حافظ عليه و ستري البركة في كل حياتك و اسرتك و علم اولادك هذا منذ الصغر و كذلك انشر الوعي بين زملائك و من تعرف و كن قدوة هم. اصلح نيتك اولا .انوي ذلك لله و ليس خوفا من ان يحدث لك بالمثل فتؤجر ان شاء الله.

كلام يوزن بماء الذهب