الموضوع: ال 406 مليانه مفاجئات غريبه

المشاركة الأصلية كتبت بواسطة survival

كخطوة مبدائية شيك على زيت الفتيس و الفلتر الاول. وان شاء الله بسيطة

الفلتر عشان اشيك عليه لازم الفتيس ينزل تقريبا

المشاركة الأصلية كتبت بواسطة Ahmed Amin

الفتيس دا مش بتاع جري يا باشا,,
الانسر لو فتيس cvt فا دا فتيس العزم وأساس العزم, وحتي لو مانيوال أو أوتو عادي فاهيا عربية زي الفراشة, ونفس الكلام مع الفانتازيا عربية جديدة وفتيس وموتور جديد وكله شباب وبصحته,,

خليك فاكر إن ال 406 عربية باشا برضه,, بس أيام الشقاوة مش زي زمان,,
والبيجو القديم عربية بتحب تدلع من صاحبها عشان تدلعه,

يعني زي ما نانسي بتقول مفيش حاجة تيجي كدا, أهدي حبيبي كدا وأرجع زي زمااااااان.
يابني أسمعني,, هتدلعني,, تاخد عيني كمان..

علي فكرة العربية اللي بتقولك كدا مش أنا.

الفتيس ال AL4 مش بتاع جري ياباشا.
بلاش تقرص عليه كدا تاني,, غير كدا هوا هيسد معاك في أي حاجة,
ويقدر يقطر وزن وراه أحسن من فتيس الانسر والفانتازيا.


أكشف علي زيت الفتيس بس, وأقري الضغوط عند أي حد عنده جهاز بييجو أو أي OBD بيقرأ ضغوط البلوف.

نورت يا استاذ احمد والله مفتقدك.. قولت انك زهقت مني
انا كشفت علي ضغوط الفتيس و طلعت سليمه و مستوي الزيت كويس
انا طبيعه سواقتي اصلا بجري بس من غير قرص بس انت لقيتهم هما الاتنين قارصين و فاتحين ففتحت معاهم.....و العربيه ده لو لسا بصحتها كنت سبقتهم من غير قرص اصلاده كانت اسد بتقفل ال 230 بسهوله جدا مع التكيف و 4 اشخاص بس ايام العز بقا :d
طب ايه الحل دلوقتي ...العربيه اصلا مش عاجباني اليومين دول خالص و انشاء الله رايح لعلي الدهشوري يوم الخميس عشان في ضعف في الاداء بعد لما العربيه تسخن و تمشي حوالي نص ساعه و الميا بتقل حوالي ربع لتر في الاسبوع ...،،،و برجله و لما ادوس بنزين ال rpm. بينزل ببطئ شديدو هي بارده و الكيك داون احيانا مش بيجي و فيه ونه من شدادات سير الكاتينه او الدينامو و العربيه بتقطع كتير مع السرعات ..و استهلاك البزين بقا عالي يعني متوسط 16.5/100..الحاجه الغريبه ان مع المشاكل ده كلها اني حطتها علي 3 اجهزه و ال3 بيطلعو العربيه سليمه و التوكيل قالي علبه بيئه و بتوع الشكمان قالولي انها سليمه مع ان في رساله anti pollution fault ،و احيانا العربيه بتبقا اسد و ايام شقاوتها ترجع

انا انشاء الله ناوي اغير مسطره رشاشات و حساس كامه و حساس شكمان و حساس بوابه و قربه ميا و اغير الميا و عندي حساس الباور جاب زيت فهغير الحساس ....
ياريت لو تساعدني
....اشتري الحساسات جديده ولا استيراد و خصوصا حساس البوابه و اشتري مسطره رشاشات كامله ولا انضف الرشاشات الترا سونك و اغير اللي مش سليم و اغير شدادات السيور كلها. ولا اغير الخشن بس وياريت لو تقول اعمل ايه في الميا بالظبط عشان انا مافهمتش حاجه من الموضوع بتاع الميا ....و الحاجات ده هتكلف في حدود كام تقريبا و ياريت لو بالتفصيل عشان انا زهقت من العربيه ده و مش عايز اصرف السنه ده. كلها غير زيت و فلتر عشان انا صارف فوق ال 8000 في 2013

المشاركة الأصلية كتبت بواسطة ahmed amin

ربنا يخليك وانا مزهقتش منك ولا حاجة عيب تقول كدا,,

وقبل ما تغير كل الحاجات اللي انت كتبتها المفروض تعرف أيه اللي منهم سيلم ويستني وإيه اللي محتاج يتغير,,
يعني حتي تنضيف الرشاشات او تغييرها دي اللي يحكم عليها الميكانيكي الشاطر,
لكن لو روحت لأي حد بتاع تنضيف بنسبة كبيرة هيقولك نضف, ولو روحت لواحد بتاع أستيراد هيقولك أشتري.!
فانت لازم تروح لواحد بيفهم ويشخص لك حالتهم الأول.
وطالما المية بتنقص فأنت أعرف المية بتنقص منين قبل ما تغير القربة والمية,,
وبعد ما تعالج المكان اللي يتنقص منه, غير المية بتاعتك وظبط القربة لو سليمة متغيرهاش نضفها بس وهاتلها غطا جديد وأنسا دورة التبريد سنة ولا حاجة علي كدا.
راجع الرد دا,
http://www.nilemotors.net/nile/41378...post3875503509

لو ال rpm بينزل براحة فانت محتاج تنضف البوابة وحساس البوابة,
والونة اللي بتحكي عليها دي ممكن تكون من بلي الكاتينة,, فا دي لازم تسمعها مع ميكانيكي فاهم الصوت جاي منين.
وحاول متقرصش علي العربية عشان لو الونة من بلي الكاتينة هيبقي غلط القرص عليه.

التكاليف مقدرش أديك رقم لأنك مش هتغير كل اللي أنت قلته,
لأن علي وصفك العربية ساعات بتبقي كويسة جداً وساعات لأ,
فانت محتاج تشوف أيه اللي بيضعف الأداء الأول وتعالجه بدل ما تغير كل دا.
هتراجع علي طقم الكهرباء وحالة الرشاشات ودورة التبريد وتخلي حد يشوف لك الشكمان حالته أيه ويستني ولا لأ, بعد كدا أبقي قلي عملت أيه.

انا انشاءالله فضيت يوم الاتنين الجاي للعربيه..انشاءالله رايح لعلي الدهشوري
هغير حساس البوابه عشان بعد تنضيف كذا مره طلع بايظ.... و.بلي سير الكاتينه بردو الميكانيكي قالي انه بايظ بس هغير بلي سير الكاتينه و الدينامو و اريح نفسي... و هخليه يراجعلي علي العربيه كلها
بس معلش ايه الغلط في القرص عشان فيه ونه من سير الكاتينه

المشاركة الأصلية كتبت بواسطة mostafa afifi

انا انشاءالله فضيت يوم الاتنين الجاي للعربيه..انشاءالله رايح لعلي الدهشوري
هغير حساس البوابه عشان بعد تنضيف كذا مره طلع بايظ.... و.بلي سير الكاتينه بردو الميكانيكي قالي انه بايظ بس هغير بلي سير الكاتينه و الدينامو و اريح نفسي... و هخليه يراجعلي علي العربيه كلها
بس معلش ايه الغلط في القرص عشان فيه ونه من سير الكاتينه

معايا حساس جديد بكيسه ومساميره لو يلزمك (magneti marelli)

المشاركة الأصلية كتبت بواسطة م أحمد

معايا حساس جديد بكيسه ومساميره لو يلزمك (magneti marelli)

حساس ايه معلش