أغير الكاوتش ولا أكبر دماغى ؟

**salodas** · 29-03-2014 03:02 AM

دلوقتى انا عربيتى كيا سيراتو 2011
الكاوتش كومهو
بقالو 3 سنوات و5 اشهر
العداد عامل 26 الف (مش بمشى بالعربية )
المفروض انى أغير الكاوتش بعد ال 3 سنوات ولا أعمل ايه ؟
ملحوظة :
لا يوجد بلالين .
صلحت كاوتش واحد مرة واحدة فقط .

**Ahmed.Essam** · 29-03-2014 03:07 AM

هل في اكلان في الكاوتش او منحول او فيه مشاكل منه على الطريق ؟؟

**احمد شوغى** · 29-03-2014 04:25 AM

اخى العبرة بحالة الكوتش وكيفية القيادة لو كانت قيادتك عادية والكوتش حالته كويسه يقعد معاك لغاية 50 الف كم ان شاء الله

**hassan777** · 29-03-2014 04:36 AM

لا حاليا متغيرش كاوتش .. انت بس كل شهر كده او شهرين.. اعمل ضبط زوايا و اتزان ( ترصيص ) و بتاع الاتزان . هيقولك على حاله الكاوتش من خلال الجهاز بتاع الاتزان ( جهاز الترصيص ) .. لكن حاليا الكاوتش بتاعك يعتبر جديد .

**Silent~Dream** · 29-03-2014 04:52 AM

لا طالما لسه مفيش معدل تاكل كبير و لا اى اصلاحات كبيره لسه قدامه شويه كمان سنه او سنه و نصف و لحد 45-50 الف كيلو

**kokowasfy** · 29-03-2014 09:43 AM

على حسب حالة الكوتش بتاعك انا بقعد بل كوتش 100 الف كيلو عادى اهم حاجة حالة الكوتش

**mhopa2440** · 29-03-2014 10:45 AM

حضرتك العمر الافتراضي للكاوتشي من 40 50 الف كيلوا حتى 70 80 الف كيلو على حسب النوع

او يقعد خمس سنين لو موصلش الكيلوات يفضل تغييره بعد خمس سنين او على الاقل تغير الاثنين الامامي

واخيرا لو انت بتمشي بالعربية على سرعات عالية اكتر من 120 غير الكاوتش لان انا شفت كاوتش شكله زيرو بس بفرقع وقتها رينا يسترها

**Land_Cruiser** · 29-03-2014 10:54 AM

مؤقتا اكشف علي الكاوتش عند واحد كويس و خليه يقولك ايه أخباره و النصيحه ان حضرتك تبدأ تخطط لتغييره كمان ٦ شهور مثلا و لا حاجه و حتي. ممكن تغيره علي مرتين علشان ما تبقاش التكلفه جامده مره واحده يعني تغير العجلتين اللي قدام الاول و بعدها تغير العجلتين اللي ورا و كل ده علشان امان حضرتك طبعا

**pandermal** · 29-03-2014 01:45 PM

لو الكاوتش الاصلى بتاعها مش الصينى وماشى 26 الف بالعربيه بس معتقدش انك تغيره ...المهم شوف انت بنفسك حاله الكاوتش متشقق ولا لأ الكاوتش الوحش بيبان من النظر له ..وطبعا بتوع الكاوتش عايزه تبيع ولازم هيقولك غير وخلاص ...انا ف السعوديه اللى الحراره ع الاسفلت اكتر مليون مره من مصر وكاوتشات وشارى عربيتى مستعمله مو 2007 ومغيرتش كاوتشاتها وشغاله زى الفل مع انها كانت مستعمله