الموضوع: سؤال: يا ترى الموتور دة لية قطع غيار ؟

up up up up

انا لسة معرفش بكام حضرتك بس اللى اعرفة انة فوق ال 4000 فا عاوز اعرف اية نظام قطع الغيار فية .. :) فيدونا يا ناس

المشاركة الأصلية كتبت بواسطة mr~akm

السلام عليكم

انا دلوقتى ان شاء الله ناوى اسقط موتور 1.8 t بتاع جولف 4 موديل 2001

فى جولف 1 هو موضوع متعب جدا بس نتايجة هايلة ان شاء الله :copy of m-s5:

فا كنت عاوز اعرف الموتور دة قطع غيارة موجودة واسعارها اية ودى صورة للموتور

ارجوا الافادة وشكرا

معلش يا باشا هو الموتور ده عرفت منين انه بتاع جولف4 موديل 2001 ؟؟؟؟ مع العلم انه صح لكن فيه حاجه في كلامك مش مظبوطه ثانياً و الاهم حضرتك متاكد ان الموتور ده 1800 مش 2800 و هو ده اللي مش مظبوط!!!!
لان المكنة دي خمسة سلندر فا مش عارف انا جولف 2001 مكنة 1.8 و خمسة سلندر الا اذا حضرتك تقصد 2.8 بس بردو يكون احسن انك تعرفلنا الكود ، و هو ده اللي هيأكدلنا كل حاجه عن تساؤلاتك
و عموما .. قطع الغيار اكيد غالية لان الموتور ده بيجي كمان 2.3 لتر خمسة سلندر فياريت الكود الالماني و قطع غياره عموما غني عن التعريف في اسعار قطع الغيار .

الحاجه الاهم لو ناوي تسقط الموتور ده في جولف 1 انا رايي الشخصي حرام .. الا لو هتصرف و تقني
و الحاجه التاني الموتور ده محتاج يتحبك صح في مكانه و التعديلات بنسبة كبيرة في حوض الموتورهتضر مش هتفيد

ملكش دعوة بكلامي الخاص بفكرة التسقيط انا بدردش معاك مش اكتر علشان لو انت حابب تنفذ مكونش انا السبب في تغيير فكرتك .

و اسف على الاطالة

استاذ sala7 شكرا ليك على ردك :) انا المعلومات اللى جبتها عن الموتور دة من موقع ويكيبيديا ودة لينك الموضوع Volkswagen Golf Mk4 - Wikipedia, the free encyclopedia

انزل اخر الصفحة هتلاقى المعلومات بس هو مش مكتوب انة 5 سلندر انا معلوماتى جيبها من هنا

بالنسبة اللتعديل اللى عاوز اعملة فى عربيتى فا انا متحمس لية لان العربية بتاعتى ما شاء الله كلها فبريقة

فا انى اعدل ميكانيكا و اظبطها مش خسارة فيها وبالنسبة انى اسقط الموتور دة كويس فا انا اعرف واحد ميكانيكى ممكن الحمد لله يعملها بسهولة بس انا كنت عاوز اعرف قطع غيارة بس ... ولو عند حضرتك اى موتور مقترح انى اسقطة فى العربية يا ريت متبخلش عليا بالمعلومة لانى عمال افكر فيها و مش عاوز اخد اى خطوة الا بعد مراجعة كاملة ... شكرا ليك استاذ sala7 :) منتظر ردك واقتراحات الاعضاء

المشاركة الأصلية كتبت بواسطة mr~akm

استاذ sala7 شكرا ليك على ردك :) انا المعلومات اللى جبتها عن الموتور دة من موقع ويكيبيديا ودة لينك الموضوع volkswagen golf mk4 - wikipedia, the free encyclopedia

انزل اخر الصفحة هتلاقى المعلومات بس هو مش مكتوب انة 5 سلندر انا معلوماتى جيبها من هنا

بالنسبة اللتعديل اللى عاوز اعملة فى عربيتى فا انا متحمس لية لان العربية بتاعتى ما شاء الله كلها فبريقة

فا انى اعدل ميكانيكا و اظبطها مش خسارة فيها وبالنسبة انى اسقط الموتور دة كويس فا انا اعرف واحد ميكانيكى ممكن الحمد لله يعملها بسهولة بس انا كنت عاوز اعرف قطع غيارة بس ... ولو عند حضرتك اى موتور مقترح انى اسقطة فى العربية يا ريت متبخلش عليا بالمعلومة لانى عمال افكر فيها و مش عاوز اخد اى خطوة الا بعد مراجعة كاملة ... شكرا ليك استاذ sala7 :) منتظر ردك واقتراحات الاعضاء

شوف يا صديقي العزيز
للعلم فقط لو هتسقط ماكينة من الجداد في عربية موديل الثمانينات فانا لا انصح به لعدة اسباب .
1- هتبدل تابلوه بالكامل و الدفية بره و جوة
2- رقم اتنين متعلقة برقم 1 و اللي هي انك هتركب تابلوه كامل علشان الكنترول و المكنة الجداد لان الكمبيوتر هيركب في عربية من غير كمبيوتر اساسا ، و كنترول ده لازم يبقا له مكان امين و مستخبي للحفاظ عليه م عوامل الجو الخارجي (مياه - اتربة - اتساخات - زيوت - الخ) و دي حاجه مهمة مهمة مهمة الى ابعد الحدود لان الكنترول صاحب الامر و النهي من الاخر فانا شايف انه بنسبة مش قليله صعب .
3- طبعا حضرتك هتشتري مكنة و فتيس و ده امر طبيعي ، هل بقا الالات و الوصلات الخاصة بنقل الحركة في الجولف 1 تركب بنفس مقاسات الجولف 4 .. ده على اساس ان الموتور ده مش قديم يعني متصمم على مقاسات حوض مختلف عن اللي عندك .
4- خد بالك ان الموتور ده مش هيجي يركب على دورة التبريد الموجوده حاليا ... ده انت حتجيب تقريبا نص عربية تفضيه عندك ( ماكينة - دفيرة - فتيس - دورة تبريد كاملة) هل مقاسات متطابقة ولا هنعدل

و هو ده اللي عاوز اوصله ان خلاصة الكلام لو هينفع التعديل و مش هيسبب مشاكل لا ليك انت شخصيا في المقام الاول من حيث السلامه ولا للعربية في المقام التاني يبقا خلاص اتوكل على الله سبحانه و تعالى و نفذ الموضوع .

طيب لو مش هينفع نفس الموتور ده اعمل ايه ؟؟؟

الحل بقا يا معلم في انك تجيب المكنة الاستوك بتاعة نفس الموديلات دي و بيكون اكوادها كالتالي بالنسبة للمكاين 1.8/2.0 :
موديلات جولف 1985 الى 1989
pl و دي بتكون 1.8
9a و دي بتكون 2.0

و دي الموديلات الاكثر شيوعا في القديم و سعه محرك كبر و طبعا بتكنلوجيا القديم بمعنى ممكن تلاقي حقن الكتروني (mono) بس على كربريتر بس في الاصل هو كربريتر عادي جدا و التغزية الكهربية عن طريق الاسبراتير و الموبينه .
و بالتالي انت كدا تفاديت النقطه الخاصة بالتعديل الكامل .. يعني هيكون فيه تعديلات و لكن بسيطه و اللي بتتلخص في تابلوه فقط بدون دفيرة كاملة لنفس الموتور و الدفيره الخاصة بالموتور و شكرا

الماكينة دي بقا هل موجوده مش موجوده مقدرش افيدك
كل اللي اقدر اقولك عليه انك لو عرفت تجبها من بره استيراد او حد موجوده عنده يبقا زي الفل و في الحالة دي الفتيس القديم بنسبة كبيرة يركب


اسف على الاطالة

اولا شكرااا لك ولكلامك المقنع وتعب حضرتك معايا.. حضرتك كدة نبهتنى لنقط مهمة جدااا وان شاء الله انا هدور على المكن اللى ينفع اركبة قبل ما اشترى حاجة ..... وشكرا مرة تانية لحضرتك :)