هل كيا سيراتو 2014 مصفحه من تحت

**OmarEzzat93** · 29-03-2014 02:56 PM

و هل بتحك فى المطبات ولا ارتفاعها مناسب بالنسبه لشوارعنا المصريه الجميله

**Farouk84** · 29-03-2014 03:20 PM

بصراحه انا شايفها كويسه وبجد هيا صفقه رابحه ومن احسن السيارات اللى فى السوق فى فئتها.
والله بجد هموت واجيبها.

**OmarEzzat93** · 29-03-2014 08:43 PM

هو السؤال صعب كده

**esam_ayad** · 29-03-2014 11:17 PM

لا ياباشا السؤال مش صعب ولا حاجه
انا عربيتي فول أوبشن ومصفحه من تحت بالطول من قدام لورا
وبإذن الله هانزلك صورتها وهي مرفوعه بكره.
بالنسبه للمطبات فمش هاقدر أحكم عليها علشان مطبات الكويت مش زي مطبات مصر
لكن هي ارتفاعها كويس وفي كذا مطب لما كنت باخده بالكورولا موديل 2006 بتاعتي وهي محمله اربع افراد كانت بتحك جامد لكن مع السيراتو ونفس الأشخاص هم هم العربيه ماإتاثرتش خالص وماحكيتش نهائيا ولا حتي لمسته.

**amgomaa** · 30-03-2014 12:00 AM

حسب الفئه بس اللى متأكد منه الوكيل sx srf مصفحه من ناحية الموتور والفتيس و تحت العتب و حتي ناحية الشنطة متقفلة تقفيلة تمام اعتقد من احسن العربيات فى فئتها فى موضوع التصفيح

Sent from my GT-S5282 using Forum Runner

**afrikano** · 30-03-2014 12:51 AM

متاااابع

وياريت اللى معاه خليجى او يعرف يقولى
هل الخليجى مصفحة بردو ولا الوكيل بس ؟

**esam_ayad** · 30-03-2014 02:12 PM

;كما وعدتك ياباشا دي صور التصفيح بتاع عربيتي:

ودي صوره كمان:

ودي صوره بالجنب

**devil_storm** · 30-03-2014 10:47 PM

المشاركة الأصلية كتبت بواسطة esam_ayad

;كما وعدتك ياباشا دي صور التصفيح بتاع عربيتي:

ودي صوره كمان:

ودي صوره بالجنب

ايه يا باشا الشغل الجامد ده!!! العربيه دي فعلا جامده جدا و تحس انها تقفيل اوربي مش كوري ... ربنا يباركلك فيها

**esam_ayad** · 30-03-2014 11:08 PM

المشاركة الأصلية كتبت بواسطة devil_storm

ايه يا باشا الشغل الجامد ده!!! العربيه دي فعلا جامده جدا و تحس انها تقفيل اوربي مش كوري ... ربنا يباركلك فيها

شكرا ياباشا
والله انا لما رحت أشتريها كنت متردد جدا جدا وكنت خلاص هاشتري كورولا , لكن بعد التجارب السيئة في الطريق معاها اثبتتلي انها سياره تُحترم وانا مبسوط بيها جدا جدا الحمد لله.

العربيه مش تصفيح وخلاص, العربيه قوة تحمل كمان وأنا لسه العربيه مهبوده في حفره بنت ستين...........في نص الطريق والله العظيم لتالت مره وكان معايا حمل كمان ولله الحمد دي كمان جت سليمه.( بس طبعا مارضيتش أعمل تقرير بالحفره الجديده دي علشان الناس مايقولوش عليا اني متحيز أو اني بألف قصص وهميه عن العربيه).
العربيه دي بتزيد جمال في نظري كل شويه