الموضوع: شوية مشاكل والتوكيل بيقول عادى افيدونى افادكم الله

المشاركة الأصلية كتبت بواسطة dreem2005

معايا لوجان 2011 فول اوبشن بعد 40 الف حسيت بتغيير فى حاجات كتير
1- الفرامل مش زى الاول والعربيه بتزحف والفرامل مش مريحانى روحت التوكيل كشفو على الفرامل قالو مافيش حاجه والتيل مكمل لحد 45 الف مع ان فى بودرة سمرا كتير على العجل الامامى
2- البطارية قرفتنى فى التدوير روحت جبت بطارية من بره كورى وركبتها بس حاسس ان العربيه مش مظبوطه كهربا اول ما دور المفتاح اول لفه قبل التدوير صوت بيطلع غريب زى الكمبيوتر كده ولمبه الستوب الخلفى اللى فى الزجاج الخلفى مش عارف اتحرقت ولا ايه مش بتنور ودى لسه ماروحتش التوكيل عليها
3- مفتاح الزجاج الخلفى بيعلق ومافيش زيه فى السوق لحد ما سالت
4- عداد الحرارة كان بيبقى ثابت على 4 شرط بقاله فترة وانا ماشى شرطتين واول ما اقف يدى اربعه وبيلعب كده مش عارف ده صح ولا غلط
انا بعمل صيانه فى العبور بس ما بقتش بعرف اتفاهم معاهم فى اى حاجه
الشواهد دى طبيعيه ولا ايه
بارك الله فيكم

دريم باشا
١- ٤٠ الف كم هل حضرتك غيرت الكاوتش الأصلى و لا لسه....اغلب الظن لسه....لو مغيرتوش يبقى الزحف ده منه و هتلاقى المداس بتاعه اتاكل و مبقاش بيمسك كويس....لاحظ انه هو اصلاً مكنش كويس قوى اللى بينزل مع العربية
٢- البطارية جبتها نفس مواصفات و سعة القديمة من حيث الأمبير بتاع الاستارت و السعة الكلية بتاعتها ؟
٣- رش على المفتاح مزيل صدأ wd40 و خلى السائل يوصل لداخل المفتاح و افتح و اقفل كذا مرة و ان شاء الله التعليقة هتتشال
٤- التعليقة دى ممكن تبقى كوعة ترموستات الحرارة بتعلق و دى اللى بتتحكم فى دورة الميه اللى بتبرد الموتور

تحياتى

المشاركة الأصلية كتبت بواسطة dreem2005

بارك الله فيك واشكرك على ردكmeggieboy
هو فعلا ما غيرتش الكاوتش بتاع العربيه
موضوع البطاريه ما اعرفش الصراحة موضوع الامبير ده انا روحت لمحل بطاريات اخد القديمه وركب الجديده
اشوف مزيل الصدا واجربه
موضوع الترموستات ده هاسال عليه الزيارة الجايه للتوكيل ان شاء الله
اتاكد من موضوع البطاريه ازاى
وايه افضل نوع كاوتش اجيبه ولازم اغير الاربعه مره واحده
اشكرك لاهتمامك

موضوع البطارية هتلاقى كل مواصفاتها مكتوبة فى كتالوج العربية
البطاريات بتتباع عن طريق حاجة اسمها din او حاجة اسمها ah امبير ساعة
اعتقد اللوجان ممكن تبقى فى حدود 65ah و طبعاً الملاك يفيدوك و الكتالوج بيكون مكتوب فيه
انصحك برده تقيس شحن الدينامو انه تمام عند اى كهربائى
بالنسبة للكاوتش مليان انواع و لكن الأفضل من وجهة نظرى البريدجستون موديل اسمه تورانزا و لكنه غالى طبعاً بس كاوتش من الاخر
فيه طبعاً حاجات تانية كتير جيدة و لكن افضلهم البريدجستون

المشاركة الأصلية كتبت بواسطة meggieboy

دريم باشا
١- ٤٠ الف كم هل حضرتك غيرت الكاوتش الأصلى و لا لسه....اغلب الظن لسه....لو مغيرتوش يبقى الزحف ده منه و هتلاقى المداس بتاعه اتاكل و مبقاش بيمسك كويس....لاحظ انه هو اصلاً مكنش كويس قوى اللى بينزل مع العربية
٢- البطارية جبتها نفس مواصفات و سعة القديمة من حيث الأمبير بتاع الاستارت و السعة الكلية بتاعتها ؟
٣- رش على المفتاح مزيل صدأ wd40 و خلى السائل يوصل لداخل المفتاح و افتح و اقفل كذا مرة و ان شاء الله التعليقة هتتشال
٤- التعليقة دى ممكن تبقى كوعة ترموستات الحرارة بتعلق و دى اللى بتتحكم فى دورة الميه اللى بتبرد الموتور

تحياتى

ميه ميه و لو فيه 200 كنت أديتهالك
+++++++++++++++++++++++++++1