الستات والسواقة

**sahor** · 29-03-2014 07:36 PM

السلام عليكم اعضاء وعضوات المنتدى الكرام نفسى اعرف ليه الرجاله بيتضايقو لما يشوفو ست سايقة (مش كلهم طبعا‏)‏ حتى لو ماشية بالعربيه مضبوط ومعملتش اى مخالفة؟ ولو واحدة عملت حادثة لا قدر الله يقولو طبعا ما هى واحدة ست واذا عملها راجل يقولو اكيد مراتة قاعدة جنبه بتلوكلو

**omaranes77** · 29-03-2014 07:48 PM

انا بخاف لما ابويا يعدي من جنبب ست باعربية

قبل كدة ايام الاكسل والدي كان راكن تحت البيت ونزل يغسل العربية اسة هايغسلها لانا ست كان معاها بيكانتو القديمة مش عارفة تحود بالعربية دخلت في الباب و الرفرف

**sahor** · 29-03-2014 07:51 PM

المشاركة الأصلية كتبت بواسطة sahor

السلام عليكم اعضاء وعضوات المنتدى الكرام نفسى اعرف ليه الرجاله بيتضايقو لما يشوفو ست سايقة (مش كلهم طبعا‏)‏ حتى لو ماشية بالعربيه مضبوط ومعملتش اى مخالفة؟ ولو واحدة عملت حادثة لا قدر الله يقولو طبعا ما هى واحدة ست واذا عملها راجل يقولو اكيد مراتة قاعدة جنبه بتلوكلو

اكملكو الموضوع ىا اما بتكلمة فى التليفون ومصدعاه بطلبات البيت والعيال المهم يا جماعة عايزين نحكى مواقفنا مع السائقين والسائقات ( بس بدون تحيز ) علشان نستفيد وانا عندى مواقف كتيييير ححكيلكو عليها المرة الجاية

**J A G U A R** · 29-03-2014 07:55 PM

عليكم السلام ..

هما الستات كده .. تلاقيهم عاملين دربكه فى الطريق واللى تلاقيها واقفه فى نص السكه فى شارع عمومى والكلاكسات شغاله وهيا ولا الهوا عايشه فى عالم تانى .. واللى تلاقيها مره واحده ضربت فرامل واللى كان وراها هايلبس فيها .. واللى تلاقيها مره واحده غيرت اتجاها شمال او يمين وكانت هاتلبس فى اللى جنبها ومواقف كتير جدا .. وبرضو الرجاله واخده فكره وحشه عنهم فى السواقه انهم مبيعرفوش يسوقو هههه وده رأيي برضو ..
بس على فكره فى ستات محترفه سواقه وخصوصا اللى بيكونو سنهم صغير وفى اسكندريه بالذات تلاقى البت ماشيه بالعربيه ومعليه الكاسيت وفارده شعرها وبتخرم فى وسط العربيات .. الواحد بيشوفهم والله بيفرح وبيقول يا ريت الستات كلها كده .

**miceg** · 29-03-2014 08:54 PM

اي وحدة الاقيها ماشية غلط فالشارع قبل ماشوف هو ولا هي ببقا عارف انها وحدة ست
كان ليا مواقف ايام الصني
كل ماربط الاكصدام الامامي او الخلفي يفكو فأقرب وقت
الامامي دايما بيفك فنفس اليوم
اخر مرة قبل مابيع العربية القديمة كنت مربطة واتلطعت مع صنايعي حوالي ساعة
وخلصت وراجع البيت ووحدة العربية وقفت منها عالمطب وانا وراها ولقيتها رشقت ومكنش لحقت ارجع وراء
فظااااااااااااااااااع

**ibrahimsaad** · 29-03-2014 10:21 PM

مش كل الستات

مره واحده ست كنت ماشى وداخل شارع رئيسى من فرعى واذا بواحده ست ماشيه عكس الاتجاه واول ماشافتنى قدامها قامت طالعه بالعربيه فوق الرصيف ونازله تانى وقامت داخله فيا من ورا وبعد مادخلت فيها دخلت فى عربيه بحمار بتاع انابيب بصراحه كان موقف ولا نادى السينما وطبعا نزلت لاقيتها عماله تعيط سبت العربيه والخبطه وقعدنا نهدى فيها لحد ماجه جوزها وخدها

لكن برضه فيه ستات عفاريت فى السواقه احسن منى بصراحه لما باشوفهم باحسدهم فمش كل الستات زى بعض

**starlanos** · 29-03-2014 10:42 PM

انا صديقي بيعلم اخته السواقه في ناس قدامها بدل متدي كلكس او تقف دخلته في عربية مركونه
انا بخاف اسوق بجوار
موتوسيكل
سيدة تكون سايقة
محبش اسوق جمبهم اكتر من الميكروباصات

**Elkordy2000** · 29-03-2014 10:54 PM

انا لي ملاحظه علي سواقة الستات عموما انهم عندهم مشكله حقيقيه في تقدير المسافات وايضا في اتخاذ القرار الصحيح ( طبعا مش كلهم بس نسبه كبيره )

-

-

الموضوع: الستات والسواقة

LinkBack

أدوات الموضوع

عرض

الستات والسواقة - انشر الموضوع فى :

-

-

-

-

المواضيع المتشابهه

(( الستات والسواقة )) ::: عجائب وطرائف السيدات فى القيادة !!!!

الستات والسواقة ...!!!

كل الستات زى بعض

أنا ورمضان والسواقة

الكلمات الدلالية لهذا الموضوع

المفضلات

المفضلات

ضوابط المشاركة