معاناتي مع دراع نور الشبوره بعد تغيرو في التوكيل

**me5222222** · 29-03-2014 11:31 PM

السلام عليكم ورحمة الله وبركاته

انا معايه سيراتو 2011 وكيل اول فئه اللي هيا LX

علق معايه دراع النور بتاع الشبوره كسلت كالعاده وعند صيانة ال30000 قولت اعمله وانا

بعمل الصيانه في روكسي علي طول قولتلهم وفيه مهندس هناك اسمه هشام ده راجل محترم جدا

وطبعا ظهرلي ده بعد التعامل اكتر من مره وقالي انا ممكن اصلحه بس هغيرو ليك احسن

وكنت شوفت في المنتدي قبل كده ان العيب في سلكه جوه الدراع المهم قولتله غيرو احسن بس

اكدلي ان العيب ده اتصلح في الدراعات اللي جايه وغيروواتصل بيا بعد اسبوع يطمن علي الدراع

والعربيه ككل قلتله الحمد لله تمام بعدما كلمني بأسبوعين بدأت معاناتي

النور يرعش بتاع العربيه

كلها اتصلت بيه قالي هاتها انضف الكابلات بتاعت البطاريه روحت وقالي لو عملت كده تاني يبقي

تغير البطاريه والموضوع ده ملوش دعوه بدراع النور خالص المهم فضلت كويسه اسبوع وبعدها

رعش النور تاني بطريقه مخيفه لحد بقي ما عملت معايه اللي مجاش علي البال ولا علي الخاطر

نامت البطاريه بعد ما رجعت من مشوار ساعتين وهيا سخنه اتأكدت كده بطاريه اتصلت بلمهندس

هشام والراجل تكرم وخلاني رحت تاني بدون حجز وعمل مراجعه علي العربيه كلها وبردو غيرت

البطاريه جبتها نوع كده اسمه هامر امريكي تقريبا و70 امبير وبعد مامشيت من التوكيل النور

رجع يرعش تاني كده بقي فيه مشكله في الدينمو والا ايه انا تعبت واحترت

اعمل ايه يا رجاله نايل

موتورز

**Ahmed.Essam** · 29-03-2014 11:38 PM

ما يمكن دراع النور الجديد بردو فيه مشكلة !

**me5222222** · 30-03-2014 01:10 AM

والله يا اخي </B>Ahmed.Essam هما قالوا الموضوع ملوش دعوه بدراع النور خالص بس هو حصل بعد ما اتغير دراع النور وعلي فكره قولتلهم يمكن فيوز بردو او الدراع فيه تلويز مثلا وانا مش عارف اروحلهم تاني والا اشوف حد يكون كويس حتي لو اعضاء المنتدي يعرفوا حد يفدنا في موضوع الرعشه دي او يكون العيب من البطاريه الجديده احترت والله افيدونا يا رجاله النيل

**Ahmed.Essam** · 30-03-2014 01:41 AM

انا شايف البطارية كده تمام ممكن يكون دراع النور او الفيوز زي ما قولت حاول تروحلهم تاني او تروح لحد تاني وخلاص بس معنديش حد انصحك بيه والله معلش

**احمد المصرى** · 31-03-2014 01:26 PM

روح لكهربائى بيفهم هيعملك المشكله سواء من دراع النور او اى حاجه بس حرام تغير حجات وهيا سليمه كدا

**ابو ليلى** · 31-03-2014 04:38 PM

خليك مع التوكيل يا فندم هو اكيد جرب حاجه المرة اللى فاتت والمرة دى هيجرب حاجه تانية
طول ما انت فى الضمان يبقى التوكيل وبلاش تتكسف من المهندس لان ده شغله بس بيعمله بضمير
واحنا مش متعودين على كده للاسف .