الموضوع: بالصور- تنظيف مفتاح النور - ابيزا

السلام عليكم .... حبايبى فى الله

كان عندى مشكلة ان الجزء الشمال بتاع النور الامامى والخلفى كان بيعلق شويه يشتغل وشوية لا
فكان المفتاح بيعلق ففكيته ونظفته

والطريقه كالتالى :
1- فك المفتاح من الطابلوه عن طريق ادخال مفك عادة اسفل المفتاح وشده هييتفك على طول
2- فك المفتاح بمفك عادة رفيع ( برفق )

3-هتلاقى المفتاح 3 اجزاء

4- باستخدام ( دبلو دى فورتى ) مزيل الصداء نظف الاجزاء البلاستيك وبمفك نظف الاجزاء النحاس المعدن اللى بتعمل عمليه توصيل للاكهرباء مع المفتاح الدائرى الذى ينقل النور من عالى لواطى


5- باستخدام منظف الالكترونيات نظف البورده و اتركها لمدة كافيه حتى تنشف
6- جمع الاجزاء الثلاثة مرة اخرى

ملحوظة : فيه سوسته السوتسه دى وظيفتها احكام تثبيت المفتاح فى الطابلوه خلى بالك منها لو اتفكت ركبها عادى متقلقش

بالتوفيق