بابك مفتوح... اقفله كويس يا عم الحاج...

**Mustafa_Zain** · 31-03-2014 12:51 AM

السلام عليكم...

طبعا أخونا محمد هاني وأخونا أبو فندي مش مخليين فتفوتة في العربية إلا ومتكلمين عليها أو حاطيينها في الجدول عشان يفصفصوها (دا حتى الخرم يا جدع اتعمله تقرير).

المهم... وأنا بركب العربية لاحظت حاجة صغيرة ولذيذة قلت لما ألحق أعمل بيها موضوع .

طبعا في أي عربية من أيام زمان تقدر تظبط نور الكابينة اللي في السقف أو الجناب إنه ينور لما يكون فيه باب مفتوح أو مش مقفول كويس (حتى في معشوقتي اللادا).

الجديد هنا (بالنسبة لي طبعا) إنه في الفئة الثانية أول لما باب يتفتح أو يكون مش مقفول كويس على طول تلاقي شاشة الكمبيوتر قلبت ورسمت العربية بلون أحمر وبتقولك أنهي باب اللي مفتوح.

طبعا دا أوبشن جميل جدا بدل متقعد تدور على اللي بابه مفتوح.

قوم إيه، دماغي لعبت وقلت يا سلام يا ريت لو كانوا عملوا كده كمان لشنطة العربية، لقيت العرفيت طلع من قمقم الكمبيوتر وبيقول لي (شبيك لبيك طلبك بين إيديك) قمت فتحت الشنطة ولقيت شاشة الكبيوتر قلبت على طول وبينت إن الشنطة مفتوحة.

قمت فتحت الأربع أبواب كمان وكانت النتيجة:

الغريب كمان إن الصورة بتفضل حمرا ومبينه الأبواب المفتوحة والشنطة حتى لما البارك سينسورز تشتغل:

طبعا أنا عارف إنا إني متأخر مع معشوقتي اللادا خمسين سنة ضوئية بس بجد انبهرت.

عشان كده بنصح كل واحد ناوي يجيب الفئة الأولى إنه يزورد 11ألف ويجيب الفئة التانية لأن أوبش زي ده طبعا مع مثبت السرعة والبارك أسيستنت مستحيل يركبوا بعد كده في العربية.

شكرا على المتابعة وآسف على الإطالة...

ودمتم للنضال...

**omaranes77** · 31-03-2014 01:03 AM

100 100

**abofandy** · 31-03-2014 01:34 AM

اوع ايدك ياعم الحج
اية الجمال دة يا زعيمنا
والله تقرير رائع ويله ياعم عملت فتفوته كانت تايه اهو ... بجد تسلم الايادى

وزى ما قولنا قبل كدة الكورولا 2014 فيها حاجات كتير ممكن نتكلم عليها لانها مليانه انبهارات كتير اوى عن اى سنه من سنوات الكورولا وفعلا الكورولا جددت نفسها وطفره فى كورولا انها تنزل بسياره كدة والمبيعات زى ما كل الناس شايفه و سامعه والعربية بايعه خصوصا بعد ما السعر غلى على اول السنه الناس قالت انه مش هيبقى فى صالح الكورولا انا سعرها يرتفع ولما ارتفع سعرها توقعنا ان المبيعات هتقل ويبقى سوقها اتضرب ولكن بالعكس جاءت الرياح بما لا تشتهى السفن ولسة محققه مبيعات

تسلم الايادى شغل عالى ومن نجاح لاخر صديقى العزيز

**Mohamed.Hany** · 31-03-2014 01:51 AM

تـسلم ايدك علي الموضوع و الاضافة.
احنا والله يافندم بنتعلم من حضرتك, وفي انتظار دايما كل ما هو جديد من حضرتك و من الاعضاء الكرام اللي في القسم اللي مش بيبخلو عنا ابدا بمعلوماتهم الجميلة.