اشتريت عربيتك المستعملة بكام؟

**mikho83** · 31-03-2014 12:09 PM

السلام عليكم،
بعد البحث والسؤال والتدقيق، وجدت إن سعر السيارات المعروضة على النت بتكون أكثر بكثير من سعرها الحقيقي، ولأن فيه ناس زي حالاتي ممكن يكون مش ليها خبرة في سوق السيارات، وممكن ينضحك عليه في سعر العربية، أقترح إن اي اخ أو أخت من المنتدى اشتري عربية مستعملة يقولنا مواصفاتها واشتراها بكام، ويكون دا دليل تقريبي لأي حد مقبل على شراء سيارة مستعملة.
إيه رأيكم؟

**emad_2020** · 31-03-2014 12:27 PM

السلام عليكم
طلما هتشترى مستعمل لزم يكون حد فاهم هيقدر يحدد السعر وكمان حالة العربية علشان الايام دى مفيش اكتر من النصب وكدا كدا صاحب العربية بيكون مزود عن ثمنها علشان عارف ان المواطن المصرى بيحب الفصال ونصيحة منى خد حد معاك فاهم وكمان مش معنى انك اشتريت عربية يبقا كدا خلاص لا دا اول الطريق فى بعد كدا تخليص اورقها وكمان دا بيكون فيه نصب ممكن يكون عليها مخلفات اكتر من تمنها حصلت معايا بعد ما اشتريت وجاب ليا مخلصه ان مفيش حاجة عليها وكمان نقلت ملكية ورخصت سنة اما جيت اجدد تانى لقيت عليها 1500 جنية عكس السير وانتظار فى المخالف انا اسف انى طولت عليك بس لزم انصحك انتا وغيرك وياريت كل واحد حصل معاه حاجة يعرفنا
والسلام ختام

**mmedali1978** · 31-03-2014 01:45 PM

الواحد قرب يطفش من الاسعار الجنونيه فى المستعمل
يعنى الواحد معاه 100 الف ومش لاقى عربية نضيفه بقالى 4 شهور بدور والله السوق فعلا مفيهوش اى ضوابط
شوفت عربية لانسر 2014 كلاسيك وعامله 15 الف كيلو بيقولى عايز فيها اخرها 130 الف ومش هينزل جنيه طيب ما الواحد يروح يجيبها جديده افضل والنترا 2010 عاملة 50 الف كيلو اول فئه اوتماتيك بيوقلى 120 وبيتنك اللى كان تمنها وقتها تقريبا 100 الف او زياده حاجه بسيطه
واسعار النت كلها جنونيه ربنا يرحمنا

**EmadFox** · 31-03-2014 03:50 PM

متابع

**شريف السيد** · 31-03-2014 06:28 PM

النترا 2009 هايلاين اتوماتك وفتحة سقف وجنوط فبريكة سعر الشراء 97000

**mmedali1978** · 31-03-2014 07:33 PM

المشاركة الأصلية كتبت بواسطة شريف السيد

النترا 2009 هايلاين اتوماتك وفتحة سقف وجنوط فبريكة سعر الشراء 97000

ربنا يباركلك فيها يا باشا ويكفيك شر الطريق
اكيد عداد الكيلو متر برده بيفرق وحاله العربية وربنا يرزقنا بحاجه حالتها حلوة وصاحبها محترم :)

**mahmoud_ali** · 31-03-2014 08:45 PM

ميتسوبيشى لانسر بومه 2007 سوبر اكشن عداد 70000 ب 90000 جنيه

**شريف السيد** · 01-04-2014 05:32 PM

المشاركة الأصلية كتبت بواسطة mmedali1978

ربنا يباركلك فيها يا باشا ويكفيك شر الطريق
اكيد عداد الكيلو متر برده بيفرق وحاله العربية وربنا يرزقنا بحاجه حالتها حلوة وصاحبها محترم :)

89000كم

**BraveH** · 02-04-2014 10:44 AM

اخويا جاب اكسنت 2006 ماشيه 83 الف فبريكه بره وجوه ب 42 الف من دكتور كان عاوز يجدد

بعد مشتراها تاجر قالو هشتريها منك ب 50الف ومرضييش وكان بيعيطلو في التليفون ههههههههههههه

**أبو ياسين** · 02-04-2014 11:00 AM

عربيات لسه شارينها ل 2 اصحابى
النترا 2009 اوتو راشه بالكامل عداد 137 الف كيلو ب 80 الف جنية
نيو اكسنت 2010 مانيول فبريكه بالكامل عداد 95 الف ك ب 69 الف جنية

الموضوع: اشتريت عربيتك المستعملة بكام؟

LinkBack

أدوات الموضوع

عرض

اشتريت عربيتك المستعملة بكام؟ - انشر الموضوع فى :

-

-

-

-

المواضيع المتشابهه

فانوس ال stop للفيكترا B أوتو بكام جديد وإستيراد بكام

حد يعرف بكام كاست وشاشة الgps للفلوانس بكام؟

بلى عجل الميجان الامامى تكلفة تغيرة فى التوكيل بكام وبرة بكام ؟

كربراتير التمبرا 91 تعبنى جدا ليه حل يتصلح ولو مفيش افيدونى اتعمال بكام وجديد بكام ؟؟

اشتريت عربيتك منين ؟

الكلمات الدلالية لهذا الموضوع

المفضلات

المفضلات

ضوابط المشاركة