ركبت كاسيت تاتش للكورولا 2013 و عاوز اركب كاميرا

**mhoreya** · 01-04-2014 02:27 AM

انا الحمد لله ركبت كاسيت تاتش لكورولتى و كنت عاوز اركب كاميرا
نزلت لفيت عندنا فى المنصورة و لقيت كل الانواع اما هيخرم فى الاكصدام او هتتعلق فوق النمر الخلفية و بردو هيخرم فى العربية و بتبقى الكاميرا ظاهرة من ورا و شكلها مش حلو زى العربية دى

انا بقى عاوز النوع الى بيركب مكان النور بتاع النمر الخلفية عشان تبقى مش ظاهرة و شكلها حلو زى العربية دى

النوع ده بقى لفيت عليه و ملقتوش و كل عربية ليها نوع مخصوص ليها ... فهل النوع ده بيتباع فى مصر و لو سافرت مخصوص للتوفيقية ممكن الاقيه ولا هدب المشوار على الفاضى ؟؟

**mostafa magdy** · 01-04-2014 03:26 AM

كنت مركبه أيام ما كان معايا الكورولا .. كان نوع إسمه Motevo اللي فيه جي بي إس و حوارات جامده كده ..
مبروك عليك يا كبير .. تعيش و تدلع عربيتك ..
كلاريون المهندسين اللي في أحمد عرابي .. عندهم النوع اللي حضرتك طالبه .. و المهندس أحمد هناك شخص محترم أوي .. هي كانت ب 150 بس هو أديهاني هديه كده فوق الكاسيت ..
لو محتاج أي حاجه تانيه أنا معاك ..

**mostafa magdy** · 01-04-2014 03:28 AM

النوع اللي كنت مركبه أخو اللي حضرتك حاطه في أخر صوره ..
و للعلم بس هو النوع بتاع الكوري متمثل في السيراتو و الإلنترا غير بتاع الكورولا .. بس نفعت معايا و كانت زي الفل ..
تحياتي

**mhoreya** · 01-04-2014 03:53 AM

المشاركة الأصلية كتبت بواسطة mostafa magdy

النوع اللي كنت مركبه أخو اللي حضرتك حاطه في أخر صوره ..
و للعلم بس هو النوع بتاع الكوري متمثل في السيراتو و الإلنترا غير بتاع الكورولا .. بس نفعت معايا و كانت زي الفل ..
تحياتي

الف شكر يا باشا على الاهتمام .... يعنى حضرتك تقصد ان بتاعة السيراتو تركب على الكورولا ؟؟ اصل كان فى محل عندو بتاعة السيراتو بس انا قولتلو انا عاوز بتاعة الكورولا و مفتحتش علبة السيراتو و مبصتش عليها ... لو حضرتك تقصد كده يبقى اروح للراجل تانى و اتاكد و لو نفعت يبقى تمام اوى

**mostafa magdy** · 01-04-2014 04:51 AM

اه يا فندم .. اللي حصل إنهم قالولي إنهم هيركبوا بتاعت السيراتو عشان الكورولا مش موجوده فعلا ..
بس الفكره إني أفتكرت حاجه الوقتي حالا إنه قص خته بتاع 2 سم كده بطريقه شيك عشان يركبها .. لأنه كبيره شويه علي مكان النور اللي فوق اللوحات ..
بالتوفيق
تحياتي