الموضوع: رحله مع اسبراتير فليشيتى 98

المشاركة الأصلية كتبت بواسطة tito79

تحياتى لأحلى ناس
من شهر العربيه برجلت معايا و خصوصا وانا طالع من المطب على التانى و السحب زى الزفت , اول شئ غيرت طقم السلوك مفيش فايده بعدها غيرت طقم البوجيهات برده مفيش فايده شيكت على دورة البنزين برده مش عايزه تفوق خدتها بقى لما غلب حمارى لدكتور من الدكاتره اللى بيفتوا واصدر فتوة انها من التاكيهات و عايزه تتضبط قلتله يا دكتور انا شاكك فى الاسبراتير لأنى كنت شيكت على الشاكوش و الوش ههههههههههههههههه كان هيضربنى عشان عدلت عليه, قلتله ماشى خش ع التاكيهات...... جاب المشرط بتاعه (الفيلر) واشتغل بقى ما هو دكتور قاللى اطلع جرب جربت لاقيتها أسخم من الأول قاللى يبقى الأسبراتير عايز يتغير لأنى طبعا كنت قلتله على اللى انا عملته المهم قفش منى 30 جنيه و مخلتهوش يعمل اى حاجه تانى و ندمت انى رحتله. روحت و فكيت الأسبراتير و كنت خايف بصراحه بس اكتشفت انه له وضع واحد بس بيركب عليه و بعدها راح الخوف. اول حاجه لاقيته عليه هباب جبت شويه بنزين وغسلته و سبته ينشف و بعدها لاقيت الدايره اللى يها سنين تحت اللى راكبه فى العمود فيه بوش كبير البوش ده رأسى ينى العمود بيطلع لفوق و ينزل لتحت دورت على فكيت الدايره دى و جبت ورده على نفس المقاس ( تعبت كتير على ما اقيتها) و ركبتها و ضيعت البوش ده بدرجة 90% و سميت و ركبت حسيت بفرق كبير و لكن مش راضى عنها 100% .

اللى انا حكيته ده للافاده وعايز اسأل شوية أسأله
-هل اللى انا عملته صح؟
-انا لاقيت فيه بوش بس البوش ده فيه سوسته فى قلب الاسبراتير نفسه, هل ده طبيعى؟
-انا ممكن أعمل ايه تانى عشان العربيه ترجع زى الأول ؟
متشكر و مستنى ردودكم و تحياتى لحضراتكم مره تانيه

انا كان عندى نفس المشكلة تقريبا بس الاسبراتير عندى كان البوش ال فيه جامد جدا بغيرت الاسبراتير كله الاصلى عامل من 460 الى 500 على حسب التاجر

صيني 175
اصلي 650
من عند السيد صلاح

متشكر ع الرد أولا وافهم من حضراتكم انى لازم أغيره ؟ ولما أغير ان شاء الله و اجيب الصينى بيمشى العربيه فتره قد ايه كده ؟ لأنى بصراحه مش هقدر أجيب الأصلى

المشاركة الأصلية كتبت بواسطة أحمد جودة

بإختصار ادخل على الموضوعات المصورة للاستاذ صقر

وهتلاقي درس عن فك وتنظيف الكاربيراتير امشي خطوة خطوة الموضوع سهل وبسيط وهتفرق معاك كتير جدا .... كلامي بعد التجربة

تحياتي

شكرا باش مهندس ع الرد , بس انا متأكد ان المشكله فى الاسبراتير لأنى لما عملت الحركه دى ضبطت شويه, و موضوع الكاربراتير طبعا لازم يتعمل ولكن المشكله الأساسيه عندى دلوقتى ان العربيه بتلت وتقطع و خصوصا وانت طالع من المطب

المشاركة الأصلية كتبت بواسطة sakr1964

انتا كدا 100% انا برضوا اتعرضت لنفس المشكلة الميكانيكى لما ظبط التاكيهات فى البيت قال شاكوش الاسبرتير مبوش جبت واحد استعمال شكلة وسخ خالص قلت نغسلة قال لا بلاش هو كدا تمام وعمل معايا بعد فترة قصيرة بلاوى دخان اسود ومدافع فكيت ابص علية لاقيته اسخم من اللى كان راكب وكان عندى شسبراتير كامل بايظ اخدت الشاكوش بتاعة وركبة والحمد الله الدخان اختفى واختفى الهباب اللى على البوجيهات والسخب بسم الله مشاء الله واعدتش بتصقف بقت بترقص ومن الكبالن والصلايب يارب يهدى الحال**كل لما انهى على عفريت يطلعى العن منه***

حبيبى أستاذ صبحى وحشتنى, انا فيه حاجه بس عايز اتاكد منها قبل ما أكع ال 200 جنيه فى اسبراتير جديد, انت لما تثبت كعب الاسبراتير بايدك من الترس اللى تحت و تدوره من الشاكوش بتلاقى بوش كبير بسوسته كده؟ يعنى البوش ده فيه سوسته كده بتلمه هل ده طبيعى ولا ايه؟